<p><span style="color: #000000;"><strong>ភ្នំពេញ៖</strong> មន្រ្តីយោធាម្នាក់ ត្រូវបានកម្លាំងកងរាជអាវុធហត្ថ ដាក់អន្ទាក់ចាប់ខ្លួនបាន ខណៈដែលគេធ្វើ ដំណើរទៅយកលុយចំនួន ៨ម៉ឺនដុល្លារ ពីក្រុមគ្រួសារស្រ្តីជាសង្សាររបស់ខ្លួន ជាថ្នូរទៅនឹងការមិនបញ្ចេញ ខ្សែវីដេអូ ដែលថតពីសកម្មភាពពួកគេរួមរ័កគ្នា ។</span></p>
<p><span style="color: #000000;">ប្រភពព័ត៌មានពីសមត្ថកិច្ចបានឲ្យដឹងថា ប្រតិបតិ្តការបង្រ្កាបករណីនៃអំពើគំរាមទារប្រាក់ខាងលើនេះ បានប្រព្រឹត្តទៅកាលពីវេលាម៉ោង ៩៖៣០នាទីព្រឹក ថ្ងៃទី១៧ ខែមីនា ឆ្នាំ២០១៥កន្លងទៅនេះ ស្ថិតនៅ តាមបណ្តោយផ្លូវកែវចិន្តា ក្នុងសង្កាត់ជ្រោយចង្វា ខណ្ឌជ្រោយចង្វា ។</span></p>
<p><span style="color: #000000;">ជនសង្ស័យដែលកម្លាំងកងរាជអាវុធហត្ថលើផ្ទៃប្រទេស សហការជាមួយកងរាជអាវុធហត្ថខណ្ឌជ្រោយចង្វា ធ្វើការឃាត់ខ្លួនបានខាងលើនេះ ត្រូវបានគេស្គាល់ឈ្មោះ លឹម សីហា ហៅ ថត សីហា មានមុខងារជា យោធានៅអង្គភាពឆ័ត្រយោង ៩១១ ។ ចំណែកភាគីខាងស្រ្តីរងគ្រោះមិនត្រូវបានគេបង្ហាញអត្តសញ្ញាណ នោះឡើយ ដោយគ្រាន់តែដឹងថា ជាកូនអ្នកមាន ហើយមានទីលំនៅក្នុងសង្កាត់ជ្រោយចង្វា ក្បែរកន្លែង សមត្ថកិច្ចឃាត់ខ្លួន។</span></p>
<p><span style="color: #000000;">ពាក់ព័ន្ធទៅនឹងករណីខាងលើនេះ សមត្ថកិច្ចមិនបានផ្តល់ព័ត៌មានអ្វីលម្អិតដល់អ្នកកាសែតនោះឡើយ ប៉ុន្តែ បើយោងតាមប្រភពព័ត៌មានបានឲ្យដឹងថា កន្លងមករវាងជនសង្ស័យនិងស្រ្តីកូនអ្នកមានខាងលើនេះ បាន ស្រឡាញ់គ្នា ហើយពេលរួមរ័កគ្នាជនសង្ស័យបានលួចថតវីដេអូទុក។ លុះក្រោយមកស្រាប់តែជនសង្ស័យ បានយកវីដេអូខាងលើទៅឲ្យសង្សាររបស់ខ្លួនមើល រួចហើយធ្វើការគំរាមទារប្រាក់ចំនួន ៨ម៉ឺនដុល្លារ ជាថ្នូ ទៅនឹងការមិនបញ្ចេញខ្សែវីដេអូខាងលើនេះជាសាធារណៈ ។ លុះនៅមុនចាប់ខ្លួនរវាងជនសង្ស័យ និងភាគី ខាងក្រុមគ្រួសារស្រ្តីរងគ្រោះ ក៏បានឯកភាពគ្នាធ្វើការដោះដូរ ដោយយកខ្សែអាត់ វីដេអូនោះទៅប្រគល់ឲ្យ ក្រុមគ្រួសារស្រ្តីរងគ្រោះជាថ្នូរនឹងការប្រគល់លុយ ៨ម៉ឺនដុល្លារឲ្យ ហើយពេលជនសង្ស័យធ្វើដំណើរទៅយកលុយ ក៏ត្រូវសមត្ថកិច្ចកង រាជអាវុធហត្ថ ដែលទទួលបានបណ្តឹងពីភាគីជនរងគ្រោះធ្វើការឃាត់ខ្លួនបាន តែម្តង៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/18/3-18-2015-1-17-43-pm-18-03-2015--13-22-22.png"><img src="/FileManager/Articles/mce/2015/3/18/3-18-2015-1-17-43-pm-18-03-2015--13-22-22.png" alt="" /></a></span></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>