<div class="article-content">
<p><strong>ភ្នំពេញ៖</strong> ព្រះមហាក្សត្រខ្មែរ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី និង<br />ព្រះវររាជមាតាជាតិ ខ្មែរ ព្រះនរោត្តម មុនីនាថ សីហនុ បានព្រះរាជទានថវិកា ដល់ក្រុមគ្រួសារ<br />សពយុវជនម្នាក់ ដែលស្លាប់នៅក្នុងឧប្ប ទ្ទវហេតុប៉ះទង្គិចជាមួយសមត្ថកិច្ចនៅស្ពានអាកាស<br />ក្បាលថ្នល់ នាយប់ថ្ងៃទី១៥ ខែកញ្ញា ចំនួន ២ពាន់ដុល្លារ ដោយឡែកអ្នករងរបួស ទាំងសមត្ថ<br />កិច្ច និងក្រុមបាតុករ ម្នាក់ៗចំនួន ១ពាន់ដុល្លារផងដែរ។</p>
<p>ព្រះមហាក្សត្រ បន្ទាប់ពីហេតុការណ៍ប៉ះទង្គិចយ៉ាងធ្ងន់ធ្ងរវាងក្រុមបាតុករ និងសមត្ថកិច្ចនៅ<br />តំបន់ស្ពានអាកាស ក្បាលថ្នល់នាយប់ថ្ងៃទី១៥ ខែកញ្ញា រហូតបណ្តាលឲ្យយុវជនជាបាតុករ<br />ម្នាក់ស្លាប់ ព្រមទាំងបណ្តាលឲ្យសមត្ថកិច្ច និងបាតុករមួយចំនួនទៀត រងរបួសនោះ ព្រះអង្គ<br />បានសម្តែងព្រះរាជហឫទ័យសោកស្តាយ និងក្រៀមក្រំជាទីបំផុត ។ ព្រះអង្គក៏បានអំពាវនាវ<br />ដោយទទូច ឲ្យក្រុមបាតុករ និងសមត្ថកិច្ចទាំងអស់បញ្ឈប់នូវអំពើហិង្សាគ្រប់រូបភាពទាំង អស់។</p>
<p>តាមរយៈព្រះរាជសារនាថ្ងៃទី១៦ ខែកញ្ញា ព្រះអង្គបានមានព្រះរាជបន្ធូលថា «បន្ទាប់ពីខ្ញុំបាន<br />ជ្រាបថា នៅថ្ងៃទី១៥ ខែកញ្ញា ឆ្នាំ២០១៣ មានការប៉ះទង្គិចយ៉ាងខ្លាំង រវាងក្រុមបាតុករ និង<br />ក្រុមសមត្ថកិច្ច បណ្តាលឲ្យមានអ្នករងរបួស ជាច្រើននាក់ និងមានអ្នកបាត់បង់ ជីវិតម្នាក់ ខ្ញុំ<br />មានការសោកស្តាយ និងក្រៀមក្រំជា អនេកចំពោះបញ្ហាដ៏ធ្ងន់ធ្ងរ ដែលបានកើតឡើងចំពោះ<br /> ជាតិមាតុភូមិ និងប្រជានុរាស្រ្ត នៃព្រះរាជាណាចក្រកម្ពុជា ជាទីស្រឡាញ់ នៃយើងទាំង អស់គ្នា»។ «ខ្ញុំមានព្រះរាជហឬទ័យក្រៀមក្រំជាទីបំផុត និងសូមចូលរួមរំលែកទុក្ខជាមួយក្រុមគ្រួសារ នៃ<br />ក្មួយ ដែល បានបាត់បង់ជីវិត និងក្មួយៗ ដែលរងរបួស»។</p>
<p>ព្រះមហាក្សត្រ ក៏បានមានព្រះរាជបន្ទូលអំពាវនាវដ៏ទទូចឲ្យក្រុមបាតុករ និងក្រុមសមត្ថកិច្ច <br />សូមបញ្ឈប់ការប្រើ អំពើហិង្សា តាមរូបភាពណា ក៏ដោយ ដូចជាការគប់ដុំថ្ម និងការប្រើប្រាស់<br />អាវុធ ដែលបណ្តាលឲ្យបងប្អូនទាំងអស់ គ្នាទទួលរងរបួស ឬបាត់បង់ជីវិត និងបណ្តាលឲ្យ<br />មានគ្រោះថ្នាក់កាន់តែធ្ងន់ធ្ងរ ដល់សង្គមជាតិទាំងមូល។ «សូម បងប្អូនជនរួមជាតិ ជាទី<br />ស្រឡាញ់របស់ខ្ញុំ ងាកមកប្រកាន់យកប្រពៃណីអហិង្សាខិតខំយោគយល់គ្នា រាប់រានគ្នាជា <br />ខ្មែរដូចគ្នា និងអត់ធ្មត់ជាអិតប្បរមា ដើម្បីបញ្ជៀសអស្ថេរភាព នៃជាតិយើង»៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-254.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-255.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-256.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-257.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-258.jpg" alt="Photo by DAP-NEWS" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>