<div class="article-content">
<p><strong>ភ្នំពេញ ៖</strong> ស្ដ្រីជនជាតិជប៉ុន មានមុខ របរជាអង្គការក្រៅ រដ្ឋាភិបាលម្នាក់ ត្រូវបាន ចោរឆក់<br />កាបូបយក អស់ជាង៤ពាន់ដុល្លារ ព្រមទាំងទ្រព្យសម្បត្ដិ និងសម្ភារៈមួយចំនួន ទៀត នៅក្នុង<br />កាបូបនោះ។</p>
<p>ហេតុការណ៍នេះ បានកើតឡើងកាលពី វេលាម៉ោង៩និង៣០នាទីព្រឹកថ្ងៃទី២៧ ខែ មេសា ឆ្នាំ<br />២០១៣ នៅតាមបណ្ដោយផ្លូវ ២០០៤ ខាងមុខសាលាណតប្រ៊ីត សង្កាត់ ទឹកថ្លា ខណ្ឌសែនសុខ។</p>
<p>មន្ដ្រីនគរបាលប៉ុស្ដិ៍ទឹកថ្លា ដែលទទួល ពាក្យបណ្ដឹងពីស្ដ្រីរងគ្រោះ បានឱ្យដឹងថា មុនពេលកើត<br />ហេតុ ស្ដ្រីជនជាតិជប៉ុន វ័យ៣៨ ឆ្នាំរូបនេះ ដែលបម្រើការងារនៅ អង្គការសាយបាយសាយ បាន<br />ធ្វើដំណើរតាម ម៉ូតូកង់បី ចេញពីផ្ទះរបស់ខ្លួនម្ដុំទួលទំពូង ឆ្ពោះទៅកន្លែងធ្វើការ ។ ពេលស្ដ្រីរងគ្រោះ<br /> ធ្វើដំណើរដល់ចំណុច កើតហេតុខាងលើ ស្រាប់តែលេចមុខជនសង្ស័យម្នាក់ ជិះម៉ូតូ ម៉ាកវីវ៉ា ពណ៌<br />ខ្មៅ មួយគ្រឿង មិនចាំស្លាក លេខ គ្រាន់តែដឹងថា លេខដំបូង គឺ 1M ធ្វើ សកម្មភាព ឆក់កាបូបពីស្ដ្រី<br />រងគ្រោះគេចខ្លួន បាត់ដោយសុវត្ថិភាព ។</p>
<p>បើតាមស្ដ្រីរងគ្រោះនៅក្នុងកាបូប ក្រៅ ពីលុយជាង៤ពាន់ដុល្លារ នៅមានទ្រព្យសម្បត្ដិ និងសម្ភារៈ<br />មួយចំនួនទៀត ដូចជាទូរស័ព្ទ ចំនួន២គ្រឿង លិខិតឆ្លងដែនមួយ លេខ PH ៨១៦៧៤០០ និងកាត<br />អេធីអឹមផងដែរ។</p>
<p>ស្ដ្រីរងគ្រោះរូបនេះ បានចូលមកប្រទេស កម្ពុជា កាលពីថ្ងៃទី១០ ខែមេសា ឆ្នាំ២០១៣ ។</p>
<p>យ៉ាងណាក៏ដោយ ក្រោយកើតហេតុ កម្លាំងនគរបាល បន្ទាប់ពីទទួលពាក្យបណ្ដឹងពីស្ដ្រីរងគ្រោះ<br /> បានសន្យាថា នឹងបន្ដធ្វើការស្រាវជ្រាវ ស្វែងរកចោរឆក់ខាងលើនេះ។<br />មន្ដ្រីនគរបាលមួយរូប បានឱ្យដឹងថា ក្រោយពីមានសកម្មភាពឆក់ ជាពិសេសកើត ឡើងលើជន<br />បរទេសនោះ ស្នងការនគរបាល រាជធានីភ្នំពេញ លោកឧត្ដមសេនីយ៍ ជួន សុវណ្ណ បានបញ្ជាឱ្យ<br />កម្លាំងនគរបាល តាម បណ្ដាលគោលដៅជិះតាមពីក្រោយជនបរទេស ដែលជិះម៉ូតូកង់បី និងម៉ូតូ<br />ឌុបជាដើម៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-011/Hong-0346.jpg" alt="" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>