<div class="article-content">
<p><strong>បាត់ដំបងៈ</strong> បុរសម្នាក់ ដែលគេអះអាងថា ជាអណិកជនខ្មែរ នៅអាមេរិកបានផឹក ស្រវឹងខ្លាំង<br /> ជិះម៉ូតូរេពេញថ្នល់ ទៅប៉ះ រថយន្ត គេ រួចយកដុំថ្ម ដេញគប់កញ្ចក់ រថយន្តគេទៀត ត្រូវម្ចាស់<br /> រថយន្តប្តឹង នគរបាលឲ្យចាប់ខ្លួន កាលពីវេលា ម៉ោង៨យប់ថ្ងៃទី២៧ ខែមីនា ឆ្នាំ២០១៣ នៅ<br />ចំណុចខាងកើតស្ពាន លោក ស ខេង ក្នុងភូមិរំចេក៤ សង្កាត់រតនៈក្រុងបាត់ដំបង ។</p>
<p>លោក មៀន ឡាយ នាយការិយាល័យ ព្រហ្មទណ្ឌកម្រិតស្រាល បានឲ្យដឹងថា កាលពីវេលា<br />ម៉ោង៨យប់ ថ្ងៃទី២៧ ខែមីនា ឆ្នាំ២០១៣ នៅចំណុចខាងកើតស្ពាន លោក ស ខេង ក្នុងភូមិ<br />រំចេក៤ សង្កាត់រតនៈ ក្រុងបាត់ដំបង ជនបង្កម្នាក់ឈ្មោះ អ៊ុំ សារ៉ន ភេទប្រុសអាយុ២៥ឆ្នាំ <br />សញ្ជាតិអាមេរិក មុខរបរជាគ្រូបង្រៀន សាលាឯកជន ភាសាអង់គ្លេសអង្គរ នៅម្តុំមាត់ស្ទឹង<br /> សង្កែ រស់នៅផ្ទះ ជួល ក្នុងភូមិ១៣មករាឆ្នាំ២០១៣ សង្កាត់ព្រែកព្រះស្តេច ក្រុងបាត់ដំបង <br />បានផឹកស្រាស្រវឹង ជិះម៉ូតូ រេពេញថ្នល់ បង្កភាពអាណាធិបតេយ្យ សណ្តាប់ធ្នាប់សាធារណៈ <br />រួចបានទៅប៉ះរថយន្ត ជនរងគ្រោះឈ្មោះ វ៉ង គឹមហាប់ ភេទប្រុស អាយុ២៥ឆ្នាំ ជាអ្នកលក់<br />គ្រឿង បន្លាស់រថយន្តនៅភូមិកាប់គោថ្មី សង្កាត់អូរចារ ក្រុងបាត់ដំបង ជនរងគ្រោះ បានស្តី<br />ឲ្យ ខឹងបានយកដុំថ្ម ដេញគប់ កញ្ចក់រថយន្ត ថែមទៀត ភ្លាមៗនោះ ម្ចាស់រថយន្តបានប្តឹង <br />កម្លាំងនគរបាល ដែលកំពុង ល្បាតពេលយប់ រួចធ្វើការឃាត់ខ្លួន យកមកស្នងការតែម្តង។</p>
<p>ជនសង្ស័យបាន ឆ្លើយសារភាពថា ខ្លួនពិតជាបាន យកដុំថ្មគប់កញ្ចក់ រថយន្តគេពិតប្រាកដ<br />មែន ដោយសារតែ ខ្លួនស្រវឹង ស្រានិងខឹងម្ចាស់ស្តីឲ្យ ភ្លាមៗនោះ ក៏មានសមត្ថកិច្ច មកឃាត់<br />ខ្លួនតែម្តង។</p>
<p>បច្ចុប្បន្នការិយាល័យ ជំនាញកំពុងកសាងសំណុំរឿង បញ្ជូនខ្លួនជនសង្ស័យ ទៅតុលាការខេត្ត<br /> ដើម្បីចាត់ការបន្ត តាមច្បាប់៕</p>
<p style="text-align: center;"><img title="" src="http://111.92.240.170:81/dap-news/dap-images/2013/March/id-011/Hong-0425.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-011/Hong-0424.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-011/Hong-0426.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>