<p><strong>កោះកុងៈ</strong> ចៅក្រមស៊ើបសួរ នៃសាលាដំបូង ខេត្តកោះកុង បានចេញដីកាបង្កាប់ ឲ្យចាប់ខ្លួន<br />បុរសម្នាក់ឈ្មោះ ម៉ក់ ទន ហៅតាក្របី ល្បីខាងរកស៊ីនាំមនុស្ស ចេញទៅប្រទេសថៃ ដោយ<br />ខុសច្បាប់ (ទៅធ្វើកម្មករ) តម្លៃក្នុងម្នាក់ ១០០០បាត ។ ជនឈ្មោះម៉ក ទន ខាងលើនេះល្បី<br />ឈ្មោះរាប់ឆ្នាំមកហើយ ខាងនាំមនុស្ស ចេញទៅធ្វើការនៅប្រទេសថៃ ដោយខុសច្បាប់ គ្មាន<br />សមត្ថកិច្ចណាចាប់ខ្លួន បានឡើយ។ លុះដល់ថ្ងៃទី៣១ ខែធ្នូ ឆ្នាំ២០១២ ដោយគោរពនូវ បទ<br />បញ្ជារបស់សាលាដំបូងខេត្តកោះកុង សមត្ថកិច្ចកងរាជអាវុធហត្ថខេត្ត បានធ្វើ ការឃាត់ខ្លួន<br />ឈ្មោះម៉ក់ ទន ហៅតាក្របី អាយុ៤៦ឆ្នាំ រស់នៅភូមិចាំយាម ឃុំប៉ាក់ខ្លង ស្រុកមណ្ឌលសីមា <br />ខេត្តកោះកុង ប្រពន្ធឈ្មោះ ឃឹម សារ៉ន ។ ដីកាបង្កាប់ឲ្យចាប់របស់សាលាដំបូងខេត្តកោះកុង <br />ចេញដោយ ចៅក្រមស៊ើបសួរ លោកចេង ប៊ុនលី ពីបទការនាំប្រជាពលរដ្ឋឆ្លងដែនខុសច្បាប់។</p>
<p>លោកវរៈសេនីយ៍ត្រី រស់ សុខឿន ប្រធានមន្ទីរស្រាវជ្រាវ និងយុត្តិធម៌ នៃកងរាជអាវុធហត្ថខេត្ត<br />បានឲ្យដឹងថា ដោយគោរពតាមដីការបស់សាលាដំបូងខេត្តកោះកុង និងការចង្អុលបង្ហាញពីលោក<br />ឧត្តមសេនីយ៍ថុង ណារ៉ុង មេបញ្ជាការ និងលោកវរៈសេនីយ៍ឯក ស្រេង ហុង មេបញ្ជាការរង និង<br />នាយសេនាធិការ បានចាត់ឲ្យលោក ដឹកនាំកម្លាំងចុះស្រាវជ្រាវចាប់ខ្លួន ជនល្មើសបាន ទាន់ពេល<br />វេលានៅពេលឈ្មោះ ម៉ក់ ទន ហៅតាក្របីបំរ៉ុងធ្វើសកម្មភាពនាំមនុស្សចេញទៅប្រទេសថៃទៀត។</p>
<p>លោករស់ សុខខឿន បានឲ្យដឹងទៀតថា ឈ្មោះម៉ក ទន ហៅតាក្របី នេះ គឺស្ថិតនៅក្រោមការ<br />ស៊ើបអង្កេត យូរណាស់មកហើយ ទើបនៅថ្ងៃទី៣១ ខែធ្នូ ឆ្នាំ២០១២ យើងអនុវត្តន៍តាមដីការបស់<br />សាលាដំបូង ខេត្តកោះ កុងបានចាប់ខ្លួនឈ្មោះខាងលើបានសម្រេច។ ឥឡូវលោកកំពុងកសាង<br />សំណុំរឿងបញ្ជូនទៅតុលាការ ដើម្បីវិនិច្ឆ័យទោសទៅតាមផ្លូវច្បាប់។</p>
<p>ប្រភពពីប្រជាពលរដ្ឋ បាននិយាយថា តាក្របីនេះ ល្បីឈ្មោះយូរឆ្នាំមកហើយ ខាងនាំមនុស្សចេញ<br />ទៅ ប្រទេសថៃ ខុសច្បាប់ ហើយជំនាញខាងរត់ការទៀត តែឥឡូវត្រូវជាប់ខ្នោះអហខេត្ត ពួកគាត់<br />សប្បាយចិត្ត ណាស់ដោយជនល្មើស មើលឃើញតែផលប្រយោជន៍ខ្លួន ពុំគិតពីអាយុជីវិតខ្មែរដូច<br />គ្នាទៀត។</p>
<p>ប្រជាពលរដ្ឋបានឲ្យដឹងទៀតថា ប្រជាពលរដ្ឋសូមកោតសរសើរកម្លាំងអហខេត្តកោះកុង នៅរយៈ<br />ពេល១២ខែនេះ លោកបានបង្រ្កាបរាល់បទល្មើសជាច្រើន មិនឲ្យរត់រួចខ្លួនឡើយ តែចំពោះឈ្មោះ<br /> ម៉ក់ ទន ហៅតាក្របីវិញសូម ឲ្យខាងតុលាការដាក់ទោសឲ្យធ្ងន់ផង៕</p>
<p><a class="thickbox" title="" href="/FileManager/Commons/2013/1/2/ch-0001-02-01-2013--11-25-48.jpg"><img src="/FileManager/Articles/mce/2013/1/2/ch-0001-02-01-2013--11-25-48.jpg" alt="" /></a></p>
<p> </p>
<p style="text-align: right;">ផ្តល់សិទ្ធិដោយ៖ ដើមអំពិល</p>