<p><span style="color: #000000;"><strong>កែប ៖</strong> ក្មេងប្រុសអាយុ៦ឆ្នាំម្នាក់ និងក្មេងវ័យជំទង់ អាយុ១៩ឆ្នាំម្នាក់ បានលង់ទឹកស្លាប់ នៅក្នុងអាង ហែលទឹក របស់សណ្ឋាគារ Rock Royal ស្ថិតនៅសង្កាត់កែប ក្រុងកែប ខេត្តកែប តែក្នុងរយះ ពេល ជាង២ម៉ោង កាលពីល្ងាច និងយប់ថ្ងៃទី១៥ ខែមេសា ឆ្នាំ២០១៥។</span></p>
<p><span style="color: #000000;">ស្នងការ នគរបាលខេត្តកែប លោកឧត្តមសេនីយ៍ អ៊ីង សំអុល បានថ្លែងថា ហេតុការណ៍ទីមួយ បានកើតឡើង នៅវេលាម៉ោង ប្រមាណ ៥៖៤០នាទី ដែលបណ្តាលឲ្យ ក្មេងប្រុស អាយុ៦ឆ្នាំម្នាក់ រស់នៅ ភូមិសំណង់ សង្កាត់ច្បារមន ក្រុងច្បារមន ខេត្តកំពង់ស្ពឺ លង់ទឹកស្លាប់ ខណៈមកស្នាក់នៅក្នុងសណ្ឋាគារ ជាមួយឪពុកម្តាយ ដើម្បីដើរលេងកំសាន្តនៅក្រុងទេសចរណ៍មួយនេះ។</span></p>
<p><span style="color: #000000;">លោកឧត្តម សេនីយ៍ស្នងការ បានបន្តទៀតថា ក្រោយមានហេតុការណ៍ ខាងលើនេះ កើតឡើង លោកបានសុំ គោលការណ៍ ពីអភិបាលខេត្ត និងព្រះរាជអាជ្ញា អមសាលាដំបូងខេត្ត ដើម្បីបង្កើត គណៈកម្មាការ ចុះស្រាវជ្រាវ ទីតាំងអាងហែលទឹក ខាងលើ ឈានទៅដល់ការ បិទជាបណ្តោះអាសន្ន ។</span></p>
<p><span style="color: #000000;">ប៉ុន្តែខណៈកម្មាការ កំពុងចុះទៅស្រាវជ្រាវ ដើម្បីបិទ អាងហែលទឹក ជាបណ្តោះអាសន្ន ស្រាប់តែភ្លាមៗនោះ មានយុវជនម្នាក់ បានលង់ទឹកស្លាប់ តែមួយទៀត នៅវេលាម៉ោង ជាង៨យប់ ថ្ងៃដដែលនោះ ពោល រយះពេលជាង២ម៉ោង កើតឡើងចំនួន២លើក ។</span></p>
<p><span style="color: #000000;">លោកឧត្តមសេនីយ៍ អ៊ីង សំអុល បានបន្តទៀតថា ជនរងគ្រោះ អាយុ១៩ឆ្នាំ រស់នៅរាជធានីភ្នំពេញ និងជាចៅរបស់រដ្ឋលេខាធិការក្រសួងម្នាក់ ។ បើតាមលោកស្នងការ ម្ចាស់សណ្ឋាគារមានឈ្មោះ ថេង គួយ រស់នៅខេត្តកណ្តាល ប៉ុន្តែលោកមិនដឹងថា តើម្ចាស់សណ្ឋាគារ ចេញថ្លៃផ្តល់សំណង យ៉ាងណា នោះឡើយ ។</span></p>
<p><span style="color: #000000;">ក្រោយកើតហេតុ សពជនរងគ្រោះ ទាំង២នាក់ ត្រូវបានក្រុមគ្រួសារដឹកយកទៅ ធ្វើបុណ្យ តាមប្រពៃណី ខណៈអាងហែលទឹក របស់សណ្ឋាគារត្រូវបានបិ ទជាបណ្តោះអាសន្ន។ តាមសេចក្តីរាយការណ៍ ពីសមត្ថកិច្ច ខេត្តកែប បានលួចបង្ហើបថា កាលពីពេលកន្លងទៅ ក៏មានករណីលង់ទឹកស្លាប់ នៅក្នុងអាងហែលទឹកខាងលើនេះដែរ ដូច្នេះសង្ស័យ អាចមានជើងកបក៏ថាបាន៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/17/4-17-2015-11-48-16-am-17-04-2015--11-53-36.png"><img src="/FileManager/Articles/mce/2015/4/17/4-17-2015-11-48-16-am-17-04-2015--11-53-36.png" alt="" /></a></span></p>
<p><a class="thickbox" title="" href="/FileManager/Commons/2015/4/17/4-17-2015-11-48-28-am-17-04-2015--11-53-46.png"><img src="/FileManager/Articles/mce/2015/4/17/4-17-2015-11-48-28-am-17-04-2015--11-53-46.png" alt="" /></a></p>
<p><a class="thickbox" title="" href="/FileManager/Commons/2015/4/17/4-17-2015-11-48-40-am-17-04-2015--11-53-56.png"><img src="/FileManager/Articles/mce/2015/4/17/4-17-2015-11-48-40-am-17-04-2015--11-53-56.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>