<p><span style="color: #000000;"><strong>(ឧត្តរមានជ័យ)៖</strong> ច្រកទ្វារអន្តរជាតិ២ គឺច្រកអូរស្មាច់ និងច្រកជប់គគី ក្នុងទឹកដីខេត្តឧត្តរមានជ័យ ជាប់ព្រំដែនជាមួយខេត្តសុរិន្ទ ត្រូវបានយោធាថៃ សម្រេចបិទមិនឲ្យប្រជាពលរដ្ឋឆ្លងកាត់នោះឡើយ នៅព្រឹកថ្ងៃទី៦ ខែសីហា ឆ្នាំ២០១៦នេះ ដោយភាគីថៃ ខឹងសមត្ថកិច្ចខ្មែរ បានចង់សង់រោងមាន់ថ្មី។</span></p>
<p><span style="color: #000000;">អភិបាលខេត្តឧត្តរមានជ័យ លោក ស ថាវី បានប្រាប់អង្គភាព Fresh News ថា ក្រោយថៃបិទច្រកទាំង ២នេះ លោកបានជួយអន្តរាគមន៍ ដោយស្នើសុំឲ្យពួកគេ បើកឡើងវិញពីព្រោះ ការធ្វើបែបនេះ ខុសទៅនឹង ការចុះកិច្ចព្រមព្រៀងអនុស្សារណៈ (MOU) រវាងភាគីទាំង២ ដែលមុនការបិទបើកច្រក គឺត្រូវជូនដំណឹងដល់គ្នាទៅវិញទៅមក។</span></p>
<p><span style="color: #000000;">លោកបានបន្តទៀតថា ក្រោយមានការស្នើសុំរួចមក ខាងភាគីថៃ បានបើកច្រកឡើងវិញ នៅវេលាម៉ោងប្រមាណ ៩ព្រឹកថ្ងៃដដែល ហើយនៅវេលាម៉ោង ១១នេះ លោកនឹងជួបជាមួយអភិបាលខេត្តសុរិន្ទ ព្រមជាមួយមេយោធាថៃ ប្រចាំច្រក ដើម្បីដោះស្រាយបញ្ហានេះ។</span></p>
<p><span style="color: #000000;">មន្រ្តីនគរបាលប្រចាំច្រកអូរស្មាច់ បានឲ្យដឹងថា នៅវេលាម៉ោង០៧៖០០នាទី ព្រឹកនេះ នៅច្រកទ្វារអន្តរជាតិអូរស្មាច់-ឆងចម និងច្រកជប់គគី ត្រូវបានភាគីថៃ បិទច្រកមិនឲ្យប្រជាពលរដ្ឋ ឆ្លងដែន ចេញ-ចូល ដោយឯកតោភាគី ។ មូលហេតុខាងកម្ពុជា បានរុះរើរោងដាក់មាន់ចាស់ចេញ ដើម្បីធ្វើរោងដាក់មាន់ថ្មី មានទំហំ ១២ម×២.៥០ម ធ្វើអំពីដែកប្រក់ស័ង្កសី ដែលមានចម្ងាយពីច្រកទ្វារព្រំដែន ទៅទិសខាងកើតប្រមាណ ២០ម៉ែត្រ និង មានចម្ងាយពីរបងច្រកទ្វារព្រំដែន ប្រមាណ១៥ម៉ែត្រ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-06-09-45-49-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-06-09-45-49-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>