<p>បញ្ហាលាក់កំបាំងពីក្រោយការខិតខំប្រឹងប្រែងវក់វី ដើម្បីបញ្ឈប់ការរាតត្បាត ជំងឺ Ebola គឺ គ្មាននរណា ម្នាក់ ដឹងថា មេរោគ នេះមានប្រភពពិតប្រាកដមកពីណា ហើយក៏មិន ដឹងពី វិធីបញ្ឈប់វាកុំឲ មានការផ្ទុះឡើងសារជាថ្មីដែរ។ មេរោគនេះ បានផ្ទុះ ឡើងជាច្រើនដងនៅអាហ្រ្វិច ចាប់តាំងពីឆ្នាំ ១៩៧៦។ វាមានប្រភពមកពីណាមិនដឹង ប្រហែលមកពីសត្វប្រចៀវ ប៉ុន្តែអ្នកជំនាញ ចាំបាច់ត្រូវ រកប្រភពជាក់លាក់របស់មេរោគនេះ។ នោះគឺត្រូវ រង់ចាំរហូតដល់ពួកគេអាចបង្រ្កាបការផ្ទុះឡើង នាពេលថ្មីៗនេះ ដែលបានឆក់យកជីវិតមនុស្សអស់ ១១០០ នាក់នៅក្នុងប្រទេសទាំង៤នោះ។<br /> <a class="thickbox" title="" href="/FileManager/Commons/2014/8/18/recherche-du-reservoir-du-virus-ebola-au-gabon-et-en-republique-du-congo-18-08-2014--10-46-05.jpg"><img src="/FileManager/Articles/mce/2014/8/18/recherche-du-reservoir-du-virus-ebola-au-gabon-et-en-republique-du-congo-18-08-2014--10-46-05.jpg" alt="" /></a><br /><br /><a class="thickbox" title="" href="/FileManager/Commons/2014/8/18/lainfoes-10222-ebola-18-08-2014--10-46-41.jpg"><img src="/FileManager/Articles/mce/2014/8/18/lainfoes-10222-ebola-18-08-2014--10-46-41.jpg" alt="" /></a><br /><br /><a class="thickbox" title="" href="/FileManager/Commons/2014/8/18/images-3-18-08-2014--10-47-14.jpg"><img src="/FileManager/Articles/mce/2014/8/18/images-3-18-08-2014--10-47-14.jpg" alt="" width="601" height="400" /></a><br /><br /><a class="thickbox" title="" href="/FileManager/Commons/2014/8/18/398910-flying-foxes-thinkstock-18-08-2014--10-47-49.jpg"><img src="/FileManager/Articles/mce/2014/8/18/398910-flying-foxes-thinkstock-18-08-2014--10-47-49.jpg" alt="" /></a><br /><br /> អ្នកវិទ្យាសាស្រ្ត នៃមជ្ឈមណ្ឌលគ្រប់គ្រង និងការពារជំងឺ សហរដ្ឋអាមេរិក Jonathan Towner បាននិយាយថា៖ ជាដំបូង គឺត្រូវគ្រប់គ្រងការផ្ទុះឡើងនេះសិន បន្ទាប់មកត្រូវស្វែងរកប្រភពពិតប្រាកដ របស់វា។<br /> <br /> អ្នកវិទ្យាសាស្រ្តនៃសកលវិទ្យាល័យ Virginia Commonwealth ដែលបានដឹកនាំសង្គមអន្តរជាតិ ប្រឆាំងជំងឺឆ្លង វេជ្ជបណ្ឌិត Richard Wenzel បាននិយាយថា៖ ការស្វែងរកប្រភពពិតប្រាកដនៃមេរោគនេះ ពិតជាមានសារៈសំខាន់ជាខ្លាំង។<br /> <br /> តាមរយៈប្រវត្តិសាស្ត្រ ជ័យជំនះលើការប្រឆាំងជំងឺឆ្លងកន្លងមក គឺមិនត្រឹមតែបង្រ្កាបការរាលដាលពី មនុស្សម្នាក់ទៅ មនុស្សម្នាក់ប៉ុននោះទេ ថែមទាំងស្វែងរក និងគ្រប់គ្រងប្រភពមេរោគទាំងនោះ ថែមទៀតផង។<br /> <br /> ចំពោះករណី Ebola អ្នកជំនាញសុខភាពគិតថា ករណីចំបងនៃការផ្ទុះឡើងនេះ បណ្តាលមកពី ការបរិភោគ រឺប្រើប្រាស់សត្វដែល ឆ្លងមេរោគ។ ពួកគេយល់ថា មេរោគនេះប្រហែលជាចេញមកពី សត្វប្រចៀវ នៅអាហ្រ្វិចខាងលិច។ ប៉ុន្តែសត្វប្រចៀវ ប្រហែល មិនមែនជាបញ្ហាទាំងស្រុងដែល រាតត្បាតទៅមនុស្សទេ។<br /> <br /> អង្គការ WHO បាននិយាយថា៖ កត្តាចំលងមេរោគនេះ ប្រហែលជាមកពី ពពួកសត្វស្វា ដូចជា ស្វាឳ ស្វាគ្រោង និង ថនិកសត្វម៉្យាងដូចឈ្លូស ហើយនិង កាំប្រម៉ា។ សូម្បីសត្វជ្រូកក៏ជា កត្តាជួយពង្រីកការឆ្លង ដោយសារមានសត្វប្រចៀវនៅក្នុង កសិដ្ឋាន។<br /> <br /> អ្នកជំនាញជំងឺឆ្លងនៃសកលវិទ្យល័យ Emory វេជ្ជបណ្ឌិត Robert Gaynes បាននិយាយថា៖ វាមិនទាន់ ប្រាកដថាមកពីសត្វមួយណានោះទេ។ វានឹងត្រូវធ្វើតេស្តសាកល្បងសិន។<br /> <br /> ការងឿងឆ្ងល់មួយទៀតគឺថា តើមេរោគនេះមានវត្តមាននៅអាហ្រ្វិចខាងលិចអស់ រយៈពេលយូរ ប៉ុនណា។ ការផ្ទុះឡើងកាលពីមុន កើតឡើងនៅតំបន់កណ្តាល និង ខាងកើតនៃទ្វីបនេះ។<br /> <br /> ការផ្ទុះឡើងថ្មីៗនេះ ចាប់ផ្តើមនៅតំបន់ដាច់ស្រយាលក្នុងប្រទេស ហ្គីណេ ហើយ ករណីសង្ស័យ ដំបូងគឺក្មេងប្រុសអាយុ២ឆ្នាំម្នាក់ ដែលបានស្លាប់នៅអាណាខេត្ត Gueckedou ក្នុងខែធ្នូ។ អ្នកស្រាវជ្រាវ បានសរសេរនៅក្នុងទិន្នានុប្បវត្តិ New England ក្នុង ខែមេសា។ ប៉ុន្តែពួកគេមិនបាន ស្មានមើលថាតើ ក្មេងប្រុសនោះបានឆ្លង តាមរបៀប ណានោះទេ។<br /> <br /> អ្នកវិទ្យាសាស្រ្ត ក្នុងសហរដ្ឋអាមេរិក និងសេរ៉ាលីអន បានក្រលេកទៅមើលគំរូឈាមរាប់រយ ដែលត្រូវបានបញ្ជូនទៅមន្ទីរ ពិសោធន៏នៅសេរ៉ាលីអនខាងកើត តាំងពីឆ្នាំ ២០០៦ ទៅ២០០៨ បានរកឃើញជិត៩% មានមេរោគ Ebola។ <br /> <br /> ការឆ្លងEbola ពីសត្វទៅមនុស្ស ហាក់ដូចជាកំរ។ Towner បានរកឃើញមេរោគតែ៣% ប៉ុននោះនៅ ក្នុងសត្វប្រចៀវដែលគាត់បានពិសោធន៏។ </p>
<p> </p>
<p> </p>
<p style="text-align: right;"><br />ប្រែសំរួលដោយ៖ មុន្នី<br /><span>ប្រភព៖ news</span></p>
<p style="text-align: right;"> </p>
<p> </p>