<p><span style="color: #000000;">យានយន្ដ៖ ទីផ្សាររថយន្ដទំនើបជាច្រើនក្រុមហ៊ុន ក្នុងទឹកដីប្រទេស រុស្ស៊ី កំពុងតែប្រឈមមុខនឹងបញ្ហាលំបាកជាខ្លាំងក្នុងកំលុងពេលបច្ចុប្បន្ន ខណៈមានការកំរាមកំហែងពី វិបត្ដិសេដ្ឋកិច្ចក្នុងប្រទេស ដែលបង្កឡើងដោយមូលហេតុពីរចំណុចធំៗគឺ ទាក់ទងនឹងការសហប្រតិបត្តិការណ៍ជាមួយបណ្ដាប្រទេសលោក ខាងលិច និងបញ្ហាតម្លៃប្រេងឆៅត្រូវធ្លាក់ចុះ។ ទន្ទឹមគ្នានឹងការគម្រាមកំហែងនេះ ផងដែរ ក្រុមហ៊ុន Toyota បានសម្រេចចិត្ដបញ្ឈប់ការផលិត រថយន្ដម៉ូដែល Land Cruiser Prado SUVs ទៀតហើយសម្រាប់ស៊េរីបន្ទាប់។ </span></p>
<p><span style="color: #000000;">យោងតាមភ្ញាក់ងារក្រុមហ៊ុន Toyota នៅក្នុងប្រទេសជប៉ុនបានថ្លែងឲ្យដឹងថា សាខាក្រុមហ៊ុនបច្ចុប្បន្ន ក្នុងទឹកដីទីក្រុង Vladivostok ក្នុងប្រទេស រុស្ស៊ី បានសម្រេចចិត្ដបញ្ឈប់ផលិតម៉ូដែល Land Cruiser Prado SUVs ស៊េរីបន្ទាប់ទៀត ក្រោយពីមានការគម្រាមកំហែងសេដ្ឋកិច្ចលើបញ្ហាពីរនេះ។ ចំណែកដៃគូរ ផលិតនឹង ទីផ្សារលក់ចេញនូវម៉ូដែលនេះ ក៏ត្រូវបានផ្អាកចាប់តាំងពី ខែមិថុនា មកម្ល៉េះ។ </span></p>
<p><span style="color: #000000;">ក្រុមហ៊ុន Toyota ស្នាក់ការធំនៅប្រទេសជប៉ុន កំពុងគ្រោងទុកថានឹងបញ្ជូនម៉ូដែលមួយនេះ ឲ្យបានរហូតទៅដល់ ១០៣០ គ្រឿងក្នុងកំលុងពេល ១ខែ ទៅកាន់ប្រទេសរុស្ស៊ី ខណៈដែលបរិមាណនេះ គឺមានភាពប្រហែលគ្នាទៅនឹង ចំនួន ដែលផលិតក្នុងទីក្រុង Vladivostok កន្លងមក។ </span></p>
<p><span style="color: #000000;">គូសបញ្ជាក់ផងដែរថា ការកើនឡើងវិបត្ដិសេដ្ឋកិច្ច នេះបានធ្វើឲ្យមានការធ្លាក់ចុះទីផ្សាររថយន្ដតាំងពីឆ្នាំ ២០១២ និង ២០១៣ ដោយអត្រាលក់ចេញត្រូវថយចុះរហូតដល់ទៅ ៥០ភាគរយ នៃរថយន្ដ ដោយហេតុព្រោះតែការគម្រាមកំហែងនេះ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/8/22/8-22-2015-11-27-34-am-22-08-2015--11-33-39.png"><span style="color: #000000;"><img src="/FileManager/Articles/mce/2015/8/22/8-22-2015-11-27-34-am-22-08-2015--11-33-39.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ carscoops</span></p>