<p><strong>ភ្នំពេញ៖</strong> ថ្ងៃនៃសេចក្ដីស្រឡាញ់ Valentine’s Day ជារៀងរាល់ឆ្នាំ គេតែងឃើញយុវវ័យខ្មែរ មួយ<br />ចំនួនធំ តែងតែមានភាពជ្រួលជ្រើម នៅក្នុងថ្ងៃបុណ្យមួយនេះ ដោយមានយុវវ័យយើងមួយចំនួន <br />រសេចរសាចពេញដងវិថី ខ្លះមានកាន់ផ្កាក្នុងដៃ អ្នកខ្លះទៀតមានសង្សារបណ្តើរ។ នៅក្នុងថ្ងៃ១៤<br />កុម្ភៈនេះដែរ មាននារីមួយចំនួន ត្រូវបានគេរាយការណ៍ថា ត្រូវបាត់បង់ព្រហ្មចារីរបស់ខ្លួន ដោយ<br />ប្តូរជាមួយនិង ផ្កាកូលាបមួយបាច់រួមផ្សំ និងពាក្យសម្តីផ្អែមល្អែមរបស់ បុរសជាសង្សារក៏មានដែរ។</p>
<p>លោក លី វ័យគួង បានប្រាប់មជ្ឈមណ្ឌល ព័ត៌មានដើមអម្ពិល ឲ្យដឹងថា ថ្ងៃបុណ្យនៃក្តីស្រលាញ់ <br />គេធ្វើឡើងទៅលើមនុស្សទូទៅ មិនចាំបាច់តែទៅលើ គូសង្សារស្រលាញ់គ្នានោះទេ ប៉ុន្តែយុវវ័យ<br />ខ្មែរភាគច្រើន តែងមានការយល់ច្រឡំទៅលើថ្ងៃមួយនេះ ដោយពួកគេតែងតែផ្តោតជាសំខាន់ <br />ទៅលើតែគូសង្សារបស់គេទៅវិញ។</p>
<p>លោកបន្តថា នៅថ្ងៃបុណ្យនៃក្តីស្រលាញ់នេះ អ្នកដែលទទួលរងគ្រោះ ច្រើនជាងគេគឺស្ត្រីភេទ ដោយ<br />ពួកគាត់តែងតែ ចាញ់បោកការលួងលោមរបស់បុរស ដែលជាសង្សារ ព្រោះនារីឲ្យតែស្រលាញ់ បុរស<br />ណាម្នាក់ហើយ តែងតែស្រលាញ់អស់ពីចិត្ត និងហ៊ានប្រគល់អ្វីៗ ឲ្យគូស្នេហ៍របស់ខ្លួនដោយមិនគិត <br />ពីផលវិបាកនៅថ្ងៃក្រោយ ហើយស្រ្តីគួទុកព្រហ្មចារីរបស់ខ្លួន ឲ្យដល់ថ្ងៃរៀបអាពាហ៍ពិពាហ៍ មិនត្រូវ<br />បំផ្លាញចោលក្នុងថ្ងៃ១៤កុម្ភៈនោះទេ។</p>
<p>លោក លី វ័យគួង ឲ្យដឹងទៀតថា “យ៉ាងណាក៏ដោយខ្ញុំជឿជាក់ថា យុវតីបច្ចុប្បន្នមានការយល់ ដឹង<br />កាន់តែច្រើនទៅលើបញ្ហាទាំងនេះ ព្រោះតែសព្វថ្ងៃនេះ មានការផ្សព្វផ្សាយយ៉ាងទូលំទូលាយ តាម<br />រយៈទូរទស្សន៍ វិទ្យុ ជាពិសេសតាមគេហទំព័រ ហ្វេសប៊ុក អំពីការផលអវិជ្ជមាននៅក្នុង ថ្ងៃបុណ្យនៃ<br />ក្តីស្រលាញ់នេះ”។</p>
<p>លោក ឌួង ស៊ីឡែន ជានិស្សិតពេទ្យមួយរូប បានលើកឡើងនូវទស្សនៈរបស់ខ្លួនដែរ ស្រដៀងគ្នាដែរ<br />ថា ពីមួយឆ្នាំទៅមួយឆ្នាំថ្ងៃបុណ្យនៃក្តីស្រលាញ់ ដែលយុវវ័យខ្មែរតែង ហៅថាថ្ងៃបុណ្យសង្សា រកាន់<br />តែវាយលុកកាន់តែខ្លាំង ទៅលើយុវវ័យខ្មែរ ដោយធ្វើឲ្យពួកគេមាន ភាពឈ្លក់វង្វេងជាខ្លាំង សូម្បីតែ<br />ក្មេងៗបឋមសិក្សា ហើយបញ្ហានេះពិតជាគួរអោយ បារម្ភខ្លាំងណាស់សំរាប់យុវវ័យខ្មែរ។</p>
<p>លោកថា យ៉ាងណាក៏ដោយ យុវតីភាគច្រើន ប្រហែលជាមានការយល់ដឹងខ្ពស់ និងចេះថែរក្សាខ្លួន<br />ប្រាណរបស់ខ្លួនបានល្អ ព្រោះបច្ចុប្បន្នតាមវិទ្យុ ទូរទស្សន៍ និងទស្សនាវដ្តី មានការផ្សព្វផ្សាយយ៉ាង<br />ទូលំទូលាយ ដើម្បីពញ្ញាក់ស្មារតីរបស់យុវវ័យជាពិសេសយុវតី កុំឲ្យមានភាពសប្បាយ ជ្រុលហួស<br />ហេតុពេកនៅក្នុង ថ្ងៃបុណ្យនៃក្តីស្រលាញ់នេះ ជាពិសេសកុំឲ្យប្តូរខ្លួនប្រាណ របស់យើងជាមួយ <br />និងផ្កាមួយទង។</p>
<p>លោកបន្តថា”ចំពោះថ្ងៃបុណ្យនេះ ខ្ញុំមិនដែលឲ្យតម្លៃទៅលើវានោះទេ ព្រោះវាមិនមែនជាវប្បធម៌ <br />របស់ជាតិខ្មែរឡើយ ប៉ុន្តែវាជាកម្មវិធីរបស់ពួកអ៊ឺរ៉ុប ហើយអ្វីដែលសំខាន់នោះ យុវវ័យខ្មែរយើងយល់<br />ច្រឡំថា ថ្ងៃបុណ្យមួយនេះជាថ្ងៃបុណ្យសង្សា មិនមែនជាថ្ងៃបុណ្យនៃសេចក្តីស្រលាញ់ ដែលយើង<br />ត្រូវផ្តល់ឲ្យអ្នកគ្រប់គ្នា នៅជុំវិញយើងនោះឡើយ”។</p>
<p>លោក ហៃ សុខជា បានឲ្យដឹងដែរថា ជារៀងរាល់ឆ្នាំឲ្យតែជិតដល់ថ្ងៃបុណ្យសង្សារ គេតែងឃើញ<br />យុវវ័យខ្មែរ ជាពិសេសសិស្សសាលាតែងមាន ភាពជ្រួលច្របល់ ហើយមានយុវតីខ្លះត្រូវបាត់បង់<br />ព្រហ្មចារី នៅថ្ងៃនោះក៏មានដែរ ដែលបង្កឲ្យកើតមានវិបត្តិ សង្គមកាន់តែច្រើន ដែលវិបត្តិទាំងនោះ <br />បានធ្វើឲ្យភាគីទាំងសងខាងធ្លាក់ទឹកចិត្ត ជាពិសេសស្រ្តី ដោយពួកគេនឹងខូចកេរ្តិ៍ឈ្មោះទាំងខ្លួនឯង<br /> និងក្រុមគ្រួសារ ជាពិសេសវាផ្ទុយទៅនឹង ប្រពៃណីខ្មែរ ដែលមិនត្រូវប្រគល់ខ្លួនប្រាណឲ្យទៅបុរស<br />មុនថ្ងៃរៀបការ។</p>
<p>លោកបន្តថា”ខ្ញុំយល់ថា ថ្ងៃបុណ្យសង្សារនេះ គឺបង្កឲ្យមានភាពច្របូកច្របល់នៅក្នុងសង្គមខ្មែរយើង<br />ជាខ្លាំង ដោយយុវវ័យមួយចំនួនធំ ឲ្យតែដល់ថ្ងៃនោះ តែងតែរវើរវាយ មិនផ្តោតការយកចិត្តទុកដាក់<br />លើការសិក្សា ហើយខ្វល់តែពីរឿង ទិញការដូរជូសង្សារបស់ខ្លួន”។</p>
<p>គេសង្កេតឃើញថា នៅតាមមហាវិថីមួយចំនួន និងនៅតាមសាលារៀន ក៏ដូចជានៅតាមហាងលក់<br />ផ្កាជាដើម មានដាក់តាំងលក់ផ្កាកូលាប យ៉ាងទូលំទូលាយ និងមានការបញ្ចុះតម្លៃជាដើម ហើយជា<br />បិសេសនោះ គឺនៅតាមកន្លែងសួនកំសាន្ត សប្បាយមួយចំនួន មានការផ្សព្វផ្សាយ ក្នុងការបញ្ចុះ<br />តម្លៃ ដើម្បីអបអរសាទរក្នុងឱកាសនៃ ថ្ងៃបុណ្យនៃក្តីស្រលាញ់នេះ យ៉ាងផុសផុលផងដែរ។ជាមួយ<br />គ្នានេះ នៅថ្ងៃទី១៤ ខែកុម្ភៈ ដែលត្រូវជាថ្ងៃបុណ្យនៃក្តីស្រលាញនេះដែរ យុវជនកាយរិទ្ធ នឹងរៀបចំ<br />ពិធីមួយនៅពហុកីឡាដ្ឋាន ជាតិអូឡាំពិក ក្នុងគោលបំណង ដើម្បីពញាក់ស្មារតីរបស់យុវវ័យ កុំឲ្យ<br />សប្បាយភ្លើតភ្លើនជាមួយនិង ថ្ងៃបុណ្យនេះខ្លាំងហួសហេតុពេក ពិសេសយុវតីសូមកុំប្រគល់ ព្រហ្ម<br />ចារីរបស់ខ្លួនឲ្យទៅបុរស។</p>
<p>ពីមួយថ្ងៃទៅមួយថ្ងៃ វប្បធម៌បរទេសមួយចំនួន បានចូលមកប្តូរនូវ អាកប្បកិរិយារបស់យុវវ័យឲ្យភ្លើត<br />ភ្លើនភ្លេចការរៀនសូត្រ និងគិតតែពីភាពឡូយឆាយ តែងខ្លួនបែបបរទេសមិនសូវមានការគោរពចាស់<br />ទុំ មាតាបិតា។ ទង្វើនេះបានធ្វើឲ្យវប្បធម៌សង្គម និងកិត្តិយសសង្គមចុះអន់ថយ មិនតែប៉ុណ្ណោះគឺ <br />តំលៃរបស់យុវជនផ្ទាល់ ត្រូវចុះខ្សោយ។</p>
<p>ប្រទេសកម្ពុជាមានវប្បធម៌ដ៏សម្បូរបែប ដែលជាស្នាដៃដ៏ផូផង់ របស់បុព្វបុរសបន្សល់ទុក សម្រាប់<br />ខេមរជនគ្រប់ជំនាន់។ វប្បធម៌ទាំងអស់នេះ បានឆ្លុះបញ្ចាំងពីចរិកទន់ភ្លន់ របស់ប្រជាជនខ្មែរ និង<br />កំណត់នូវអត្តសញ្ញាណរបស់ជាតិ។ ឆ្លងកាត់សម័យកាលនីមួយៗ វប្បធម៌នេះបានប្រែប្រួល ដោយ<br />សារការប្រព្រឹត្តរបស់ប្រជាជន និងលំហូរចូលនូវវប្បធម៌របស់បរទេស។ ក្នុងចំណោមប្រជាជនទាំង<br />អស់ គឺមានតែស្រទាប់យុវវ័យ នូវលក្ខណៈជាតិខ្លួន៕</p>
<p><a class="thickbox" title="" href="/FileManager/Commons/2013/2/14/kosal-0165-14-02-2013--07-40-42.jpg"><img src="/FileManager/Articles/mce/2013/2/14/kosal-0165-14-02-2013--07-40-42.jpg" alt="" /></a></p>
<p><a class="thickbox" title="" href="/FileManager/Commons/2013/2/14/kosal-0166-14-02-2013--07-41-05.jpg"><img src="/FileManager/Articles/mce/2013/2/14/kosal-0166-14-02-2013--07-41-05.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>