<p>ព័ត៌មានអន្តរជាតិ ៖ យោងតាម ការដកស្រង់ អត្ថបទផ្សាយ ពីគេហទំព័រ សារព័ត៌មានបរទេស ស្កាយ ដែលទើបតែបានចេញផ្សាយ កាលពីប៉ុន្មាននាទី មុននេះ បន្តិចអោយដឹងថា នៅឯប្រទេសជប៉ុន ឯ ណោះវិញ មនុស្ស ៣ នាក់ បានស្លាប់បាត់បង់ជីវិត ខណៈមានករណី ផ្ទុះរោងចក្រ គីមី មួយកន្លែងកាល ពីវេលាមុននេះបន្តិច ។</p>
<p>បន្ថែមពីលើនេះ បើយោងតាមសម្តីមន្រ្តី ប៉ូលីស បានគូសបញ្ជាក់ បន្ថែមអោយដឹងថា ករណី ផ្ទុះរោង ចក្រគីមី មួយកន្លែងនេះ បានកើតឡើង នៅឯភូមិភាគកណ្តាលប្រទេសជប៉ុន ពោលគឺ នៅក្នុងក្រុង Yokkaichi ដោយនៅក្នុងនោះ បានបណ្តាលអោយមនុស្ស ៣ នាក់ស្លាប់ ខណៈ ១០ នាក់ផ្សេងទៀត ទទួលរងរបួសធ្ងន់ និង ស្រាល ។</p>
<p><a class="thickbox" title="" href="http://camnews.com.kh/FileManager/Commons/2014/1/9/japan-09-01-2014--15-40-41.jpg"><img src="http://camnews.com.kh/FileManager/Articles/mce/2014/1/9/japan-09-01-2014--15-40-41.jpg" alt="" /></a></p>
<p>បុគ្គលិកគាំពារ ក៏ដូចជា ថែទាំម៉ាស៊ីន បានធ្វើការនៅទីនោះ ខណៈពេលដែលមានការផ្ទុះឡើង ពោល គឺ ធ្វើការផ្លាស់ប្តូរម៉ាស៊ីនកំដៅ សម្រាប់ផលិតកម្ម ផលិតចេញ នូវស៊ីលីកូន ដែលប្រតិការដោយក្រុម ហ៊ុន Mitsubishi Materials ។ លោកស្រី Ranko Hirai ជាអ្នកនាំពាក្យ តំណាងអោយ Mitsubishi Materials បញ្ជាក់អោយដឹងថា ក្រុមការងារ យើងខ្ញុំ បានទទួលការរាយការណ៍ អោយដឹងថា មានករ ណីផ្ទុះរោងចក្រ គីមី របស់ខ្លួន ដោយនៅក្នុងនោះ មិនត្រឹមតែបាន បណ្តាលអោយមនុស្សរងរបួសតែ ប៉ុណ្ណោះទេ តែក៏បានធ្វើអោយ មនុស្ស ស្លាប់បាត់បង់ជីវិត ផងដែរ។</p>
<p>មកទល់នឹងខណៈនេះ ស្ថានការណ៍ ស្ថិតនៅក្រោមការ គ្រប់គ្រង របស់មន្រ្តី មានសមត្តកិច្ចជំនាញនៅ ឡើយ។ គួរបញ្ជាក់ផងដែរថា ទីក្រុង Yokkaichi មានទីតាំង នៅភាគកណ្តាលប្រទេស ខណៈមានចំ ងាយជាង ៣៥០ គ.ម ភាគខាងលិច ក្រុងតូក្យូ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយ</p>