<p>ទើបតែអាយុ ២៣ឆ្នាំ ប៉ុន្ដែ Jamal Edwards មានក្រុមហ៊ុនមួយដែលមានតម្លៃ ១២,៨លានដុល្លារ ធ្វើសកម្មភាពផ្នែកបង្កើតវីដេអូ សម្រាប់តារាចម្រៀងល្បីៗ ដើម្បីបង្ហោះនៅលើ YouTube ។<br /><br />Jamal Edwards បានចាប់ផ្ដើមថតវីដេអូ បន្ទាប់ពីពុកម្ដាយទិញកាមេរ៉ាជាកាដូ ក្នុងពិធីបុណ្យចូលឆ្នាំសកល កាលពីខ្លួនមានអាយុ ១៥ឆ្នាំ។ Jamal Edwards ស្រឡាញ់កាមេរ៉ានេះជាខ្លាំង ហើយតែងប្រើប្រាស់វា ដើម្បីថតសកម្មភាពមិត្ដភ័ក្ដិរបស់ខ្លួន ដែលកំពុងច្រៀង ហើយក្រោយមក បង្ហោះវាឡើងទៅលើបណ្ដាញ YouTube ដើម្បីឱ្យមិត្តទាំងអស់ងាយស្រួលទស្សនា។</p>
<p style="text-align: center;"><a class="thickbox" title="" href="/FileManager/Commons/2013/11/14/jamal-edwards-350x300-14-11-2013--15-33-50.jpg"><img src="/FileManager/Articles/mce/2013/11/14/jamal-edwards-350x300-14-11-2013--15-33-50.jpg" alt="" /></a></p>
<p style="text-align: center;"><em>Jamal គឺជាម្ចាស់ស្ថានីយវីដេអូ SBTV នៅលើ YouTube</em></p>
<p style="text-align: center;"> </p>
<p>Jamal Edwards បាននិយាយនៅលើ BBC ថា ៖ “ការណែនាំរបស់ខ្ញុំ គឺ ចូរសាកល្បងអ្វីៗទាំងអស់ ដោយមិនមានការភ័យខ្លាចអំពីបរាជ័យ។ អ្នកនឹងបរាជ័យ ប្រសិនមិនបានធ្វើអ្វីទាំងអស់។ នៅពេលរកឃើញវិស័យដែលខ្លួនចូលចិត្ត នោះត្រូវតែប្រឹងប្រែងឱ្យបានច្រើន”។<br /><br />បន្ទាប់ពីបានឈប់រៀន Jamal Edwards បានទៅធ្វើការឱ្យក្រុមហ៊ុនផលិតសម្លៀកបំពាក់មួយ ប៉ុន្ដែ ក្នុងពេលទំនេរ គាត់ក៏តែងតែបង្កើតវីដេអូ និងបង្ហោះតាម YouTube។ មិនយូរប៉ុន្មាន គាត់ក៏មានឈ្មោះល្បីនៅលើបណ្ដាញសង្គមមួយនេះ ដោយសារតែផលិតផលមានគុណភាពរបស់គាត់។ ក្រោយមក Jamal Edwards ក៏បានងាកមកថតវីដេអូ សម្រាប់ពន្លកតារា និងរកវិធីទាក់ទងតារាល្បីៗដើម្បីសហការណ៍។<br /><br />Jamal បានដាក់ឈ្មោះឱ្យបណ្ដាញវីដេអូរបស់ខ្លួនថា SBTV (SB គឺ SmokeyBarz ជារហ័សនាមរបស់គាត់)។ វីដេអូរបស់ Jamal ចាប់ផ្ដើមមានអ្នកចូលមើលរាប់សែនលើក ភាគច្រើនគឺមានអាយុ ចាប់ពី ១៣ដល់ ៣០ឆ្នាំ។ ដូច្នេះ Jamal បានទាក់ទងទៅកាន់ YouTube ដើម្បីបានដឹងថា តើគាត់អាចទទួលបានភាគរយពីការផ្សាយពាណិជ្ជកម្មដែរ ឬអត់។</p>
<p style="text-align: center;"><a class="thickbox" title="" href="/FileManager/Commons/2013/11/14/70949826jamal1-14-11-2013--15-35-26.jpg"><img src="/FileManager/Articles/mce/2013/11/14/70949826jamal1-14-11-2013--15-35-26.jpg" alt="" /></a></p>
<p style="text-align: center;"><em>Jamal និងមហាសេដ្ឋី Richard Branson</em></p>
<p><br />YouTube បានបដិសេធដល់ទៅបីលើក ប៉ុន្ដែ គាត់នៅតែព្យាយាម។ ចុងក្រោយ Jamal ត្រូវបាន YouTube យល់ព្រម បន្ទាប់ពីបានបង្ហាញភ័ស្ដុតាងថា វីដេអូទាំងនេះ គឺគាត់ជាអ្នកធ្វើផ្ទាល់។ ទឹកប្រាក់ដំបូងដែល Jamal ទទួលបាន គឺប៉ុន្មានរយផោនប៉ុណ្ណោះ ហើយខ្ទង់ចំណូលនេះបានកើនឡើង នៅពេលមានមនុស្សចូលមើលកាន់តែច្រើន។<br /><br />ក្រោយមក Jamal ក៏សុំឈប់ពីការងារនៅក្រុមហ៊ុន ដើម្បីផ្ដោតមកធ្វើការរបស់ខ្លួន។ មកទល់នឹងបច្ចុប្បន្ន គាត់មានបុគ្គលិកចំនួន ១២នាក់ និងមានគេហទំព័រមួយ។ SBTV ក៏កំពុងតែរកវិធីដើម្បីពង្រីកកម្មវិធីដទៃ ក្រៅពីកម្រងតន្ដ្រីបច្ចុប្បន្ន។ ជាងនេះ Jamal ថែមទាំងមានមហិច្ឆតា ផលិតវីដេអូកំប្លែង កីឡា និងម៉ូដែលទៀតផង។<br /><br />សកម្មភាពរបស់ក្រុមហ៊ុន SBTV ដើមឡើយ ទទួលប្រាក់ចំណូលផ្សាយពាណិជ្ជកម្មទាំងស្រុងពី YouTube ចំណែកតារា ទទួលបានកេរឈ្មោះល្បី។ ប៉ុន្ដែ ថ្មីៗនេះ SBTV ក៏ចាប់ផ្ដើមផ្ដល់ប្រាក់ដល់តារាទាំងនោះ។<br /> <br />ការរកស៊ីរបស់ Jamal ត្រូវបានគេចាប់អារម្មណ៍យ៉ាងខ្លាំង ហើយកាលពីឆ្នាំទៅ គាត់ត្រូវបាន មហាសេដ្ឋី Richard Branson ប្រគល់ពានរង្វាន់អ្នកធ្វើពាណិជ្ជកម្មឆ្នើមបំផុតប្រចាំឆ្នាំ។ មូលនិធិវិនិយោគ Miroma Ventures ក៏បានបណ្ដាក់ទុននៅ SBTV ។ ប៉ុន្ដែ មកដល់ពេលនេះ ប្រាក់ចំណូលរបស់ក្រុមហ៊ុននេះ មិនត្រូវបានគេបង្ហើបឱ្យដឹងនៅឡើយ។</p>
<p>Jamal ក៏ត្រូវបានគេជ្រើសរើស ឱ្យធ្វើជាអគ្គរាជទូតនៃមូលនិធី Prince's Trust ជួយដល់យុវវ័យដែលទើបចេញរកស៊ីដំបូង របស់រាជបុត្រាអង់គ្លេស គឺព្រះអង្គម្ចាស់ Charles ។</p>
<p style="text-align: center;"><a class="thickbox" title="" href="/FileManager/Commons/2013/11/14/70949831jamal2-14-11-2013--15-36-46.jpg"><img src="/FileManager/Articles/mce/2013/11/14/70949831jamal2-14-11-2013--15-36-46.jpg" alt="" /></a></p>
<p style="text-align: center;"><em>Jamal បង្ហាញខ្លួន នៅ London Fashion Week</em></p>
<p><br />បើទោះជាទទួលបានជោគជ័យយ៉ាងធំក្នុងការរកស៊ី ប៉ុន្ដែ Jamal និយាយថា ៖ “ខ្ញុំមានប្រភពចេញពីស្រទាប់វណ្ណៈទាបក្នុងសង្គម ហើយមិនផ្ដល់សំខាន់ទៅលើរឿងប្រាក់កាស់។ ឱ្យតែរស់នៅបានស្រួលខ្លួន និងអាចទិញកាដូខ្លះៗជូនមិត្តភ័ក្ដិ បងប្អូនគឺជាការប្រសើរបំផុតទៅហើយ។ ខ្ញុំមិនចង់ត្រូវបានគេ ប្រព្រឹត្តចំពោះខ្លួន ខុសពីមុន”។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/39281/shocking-secrets-of-flight-attendants"><span style="color: #3366ff;">នារីបម្រើតាមយន្ដហោះ មិនស្រណុកដូចអ្នកគិត</span></a></span></p>
<p><span style="color: #3366ff;"><a href="/News/Detail/14032/french-want-to-relax-chinese-want-to-work"><span style="color: #3366ff;">បារាំងចូលចិត្តសម្រាក ចិនចូលចិត្តធ្វើការ</span></a></span></p>
<p><span style="color: #3366ff;"><a href="/News/Detail/64783/how-kat-cole-went-from-hooters-girl-to-president-of-cinnabon-by-age-32"><span style="color: #3366ff;">ពីនារីរត់តុ ក្លាយជាអគ្គនាយិការក្រុមហ៊ុន ដែលមានចំណូលពាន់លានដុល្លារ</span></a></span></p>
<p> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ BBC</p>