<div class="article-content">
<p><strong>កោះកុង ៖</strong> ព្រានព្រៃ ៣នាក់ ដើររកសត្វព្រៃ តែចៃដន្យមិនបានបាញ់សត្វព្រៃ បែរទៅបាញ់<br />ប្អូនឯងស្លាប់ទៅវិញស្មានតែជ្រូកព្រៃ ហេតុការណ៍នេះ បានកើតឡើង នៅវេលាម៉ោង ១០,១០<br />នាទីថ្ងៃទី ៦ ខែតុលា ឆ្នាំ ២០១៣ ដែលស្ថិតនៅ ឃុំជ្រោយប្រស ស្រុកកោះកុង ខេត្ដកោះកុង។</p>
<p>ហេតុការណ៍នេះ បានបង្កឡើងដោយសង្ស័យ មានឈ្មោះ លាង អូន ភេទប្រុស អាយុ ៥០ឆ្នាំ<br /> មានទីលំនៅភូមិដី ទំនាប ឃុំត្រពាំងរូង ស្រុកកោះកុង។ ចំណែកជនរងគ្រោះ ដែលស្លាប់នោះ<br />មានឈ្មោះ ម៉ាន់ សាវី ភេទប្រុស អាយុ ៣០ឆ្នាំ មានទីលំនៅភូមិឃុំជាមួយគ្នា។ </p>
<p>ប្រភពពីលោក ស៊ុន ឃាម អធិការស្រុកកោះកុង បានប្រាប់ភ្នាក់ងារ ដើមអម្ពិល ឱ្យដឹង នៅថ្ងៃទី<br />៧ ខែតុលា នេះថា មុនពេលកើតហេតុ ក្រុមព្រានព្រៃនេះមានគ្នា ៣នាក់ បានចេញដំណើរទៅ<br />បាញ់សត្វ ដោយមានកាំភ្លើង កាប៉ីន ១ដើម បានចេញដំណើរដេកព្រៃ១យប់ ហើយដល់ព្រឹក<br />ឡើង បាននាំគ្នាដើរដាក់អន្ទាក់ ក្រែងជាប់ សត្វព្រៃ។ ពេលនោះឈ្មោះ លាង អូន ជាជនដៃ<br />ដល់ បានកាន់កាំភ្លើងដើរទៅមុន ហើយជនរងគ្រោះ ទៅតាម ក្រោយ ដោយជនរងគ្រោះ <br />បានឃើញគល់ឈើងាប់មួយក៏ទៅជីក ស្រាប់តែឈ្មោះ លាង អូន បានឮដូចសំឡេង ជ្រូក<br />ព្រៃ ហើយអង្គើរព្រៃ ក៏បាញ់១គ្រាប់ ហើយទៅមើលឃើញឈ្មោះ ម៉ាន់ សាវី ស្លាប់បាត់ទៅ<br />ហើយ។</p>
<p>លោក អធិការ ស៊ុន ឃាម បានបន្ដថា ក្រោយពីជនដៃដល់ បាញ់ជនរងគ្រោះស្លាប់ហើយ <br />ជនដៃដល់ក៏បានសែង ជនរងគ្រោះមកផ្ទះ ជាមួយឈ្មោះ លាង យុទ្ធ ដែលទៅជាមួយគ្នា។</p>
<p>លោកបានបញ្ជាក់ថា ក្រោយពីទទួលបានព័ត៌មានភ្លាម ពីសាច់ញាតិជនរងគ្រោះភ្លាម លោក<br />ក៏ចាត់កម្លាំង ចុះទៅស្រាវជ្រាវដើម្បីរកការពិត តែមុនដំបូងជនដៃដល់មិនសារភាពទេ ដោយ<br />ចោទថា មានគេលួចបាញ់ ពីក្រោយខ្នង តែដោយនេះជាជំនាញរបស់លោក ធ្វើឱ្យជនដៃ<br />ដល់បានសារភាពចេញទាំងអស់ ថាខ្លួនបាញ់ ច្រឡំថាជ្រូកព្រៃ បានបាញ់១គ្រាប់ពីក្រោយ<br />ខ្នង ដែលមានចម្ងាយប្រហែល ១០ម៉ែត្រ ដល់ពេលទៅមើល ទើបដឹងថាត្រូវប្អូនឯងទៅវិញ <br />ធ្វើឱ្យខ្លួនឯងមានវិប្បដិសារីអស់មួយជីវិត។</p>
<p>លោកបានឱ្យដឹងទៀតថា ការចេញទៅបរបាញ់សត្វព្រៃ របស់ជនទាំង៣ នាក់ មានចម្ងាយ <br />៣០គីឡូម៉ែត្រ ពីភូមិ ហើយនៅពេលនេះ លោកបានកសាងសំណុំរឿង និងវត្ថុតាង បញ្ជូន<br />ទៅស្នងការខេត្ដ ដើម្បីចាត់ការបន្ដទៅតាម នីតិវិធីច្បាប់។</p>
<p>ជាចុងក្រោយ លោកសូមអំពាវនាវ ដល់ប្រជាពលរដ្ឋទាំងអស់ កុំដើរប្រមាញ់សត្វព្រៃឱ្យ<br />សោះ ពីព្រោះសត្វព្រៃ មានផលប្រយោជន៍ច្រើនណាស់ សម្រាប់ប្រទេសកម្ពុជាយើង ក្នុង<br />ការទាក់ទាញភ្ញៀវទេសចរជាតិ និងអន្ដរជាតិ ដែលចូលមកកម្សាន្តប្រទេសយើង ហើយ<br />កុំប្រើប្រាស់អាវុធនាំឱ្យខុសច្បាប់ ត្រូវតែយកឱ្យសមត្ថកិច្ចវិញល្អជាង៕ <br /> </p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0611.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0612.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0613.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0614.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0615.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>