<p><span style="color: #000000;"><strong>ភ្នំពេញ៖</strong> នាយករដ្ឋមន្រ្តីកម្ពុជា សម្ដេចតេជោ ហ៊ុន សែន បានរិះគន់យ៉ាងខ្លាំងទៅលើការសម្រេចរបស់ចៅក្រម ទាំង៣របស់អាម៉េរិក ដែលសម្រេចឲ្យ Floyd ឈ្នះ Pacquiao ក្នុងការប្រកួតដណ្ដើមខ្សែក្រវ៉ាត់ និងលុយរាប់រយ លានដុល្លារអាមេរិក កាលពីថ្ងៃទី០៣ ខែឧសភា ឆ្នាំ២០១៥ម្សិលមិញ។ សម្ដេចតេជោ ក៏បានស្នើឲ្យមានការ ពន្យល់ទៅលើការដាក់ពិន្ទុនេះផងដែរ។</span></p>
<p><span style="color: #000000;">ការថ្លែងរិះគន់របស់សម្ដេច បានធ្វើឡើងក្នុងពិធីបើកការដ្ឋានសាងសង់ផ្លូវជាតិលេខ៥៥ ប្រវែងជិត២០០គីឡូ ម៉ែត្រ នៅខេត្តពោធិ៍សាត់ នាព្រឹកថ្ងៃទី០៤ ខែឧសភា ឆ្នាំ ២០១៥នេះ។ សម្ដេចតេជោ បានមានប្រសាសន៍ថា ទ ស្សនិកជនជាច្រើនបានមើលឃើញផ្ទាល់ភ្នែកថា កីឡាករ Pacquiao បានវាយផ្ទួនៗ ចំគោលដៅច្រើនទៅលើ Floyd ខណៈដែល Floyd បានត្រឹមតែរង និងរត់គេចរហូត តាំងពីទឹកទី១ ដល់ទឹកទី១២ ជាទឹកបញ្ចប់ ប៉ុន្តែទី បំផុតបែរជាចៅក្រមសម្រេចឲ្យ Floyd ឈ្នះ Pacquiao ទៅវិញ។</span></p>
<p><span style="color: #000000;">សូមជម្រាបថា ការប្រកួតរវាងកីឡាករលំដាប់ពិភពលោក Floyd និង Pacquiao បានធ្វើឡើងនៅសង្វៀន MGM Grand Gardena Arena ស្ថិតក្នុងទីក្រុង Las Vegas សហរដ្ឋអាម៉េរិក។ Pacman បានចាញ់ Floyd ដោយពិន្ទុ ១១៨-១១០, ១១៦-១១២ និង ១១៦-១១២។ Pacquiao វាយចេញ ៤២៩ដង ត្រូវតែ ៨១ដង Floyd វាយចេញ ៤៣៥ដង ត្រូវ១៤៨ដង។</span></p>
<p><span style="color: #000000;">ការប្រកួតនេះ Floyd ទទួលបានប្រាក់ជិត ១៨០លានដុល្លារ ខណៈ Pacquiao ទទួលបានជាង ១០០លាន ដុល្លារ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/4/5-4-2015-8-51-37-am-04-05-2015--11-51-15.png"><span style="color: #000000;"><img src="/FileManager/Articles/mce/2015/5/4/5-4-2015-8-51-37-am-04-05-2015--11-51-15.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/5/4/5-4-2015-11-45-59-am-04-05-2015--11-51-32.png"><span style="color: #000000;"><img src="/FileManager/Articles/mce/2015/5/4/5-4-2015-11-45-59-am-04-05-2015--11-51-32.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/5/4/5-4-2015-11-46-16-am-04-05-2015--11-51-50.png"><span style="color: #000000;"><img src="/FileManager/Articles/mce/2015/5/4/5-4-2015-11-46-16-am-04-05-2015--11-51-50.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>