<p><strong>ក្រុមអ្នកវិទ្យាសាស្ដ្រអាឡឺម៉ង់ ទើបរកឃើញប្រព័ន្ធពិភពមួយដែលមានរចនាសម្ព័ន្ធស្រដៀង<br />នឹងប្រព័ន្ធព្រះអាទិត្យ ដោយមានបណ្ដាភពថ្មនៅខាងក្នុង និងភពដែលមានឧស្ម័ននៅខាង<br />ក្រៅ។<br /></strong></p>
<p class="Normal">National Geographic បានចេញផ្សាយថា ក្រុមអ្នកវិទ្យាសាស្ដ្រនៅមហាវិទ្យាល័យ Gottingen បាន<br />រកឃើញ GJ676A (ឈ្មោះរបស់ប្រព័ន្ធភពខាងលើ)។ GJ676A មានភពថ្មចំនួនព ២ នៅក្បែរផ្កាយ<br />មេ និងភពមានឧស្ម័នចំនួនព ២ នៅឆ្ងាយជាងនេះបន្ដិច។ នៅក្នុងប្រព័ន្ធព្រះអាទិត្យរបស់យើង មាន<br />ភពថ្មចំនួន ៤នៅក្បែរព្រះអាទិត្យ ជាងភពដែលមានឧស្ម័ន បួនផ្សេងទៀត។ ប៉ុន្ដែ GJ676A មានទំហំ<br />ធំជាង បើធៀបនឹងប្រព័ន្ធព្រះអាទិត្យ។ ភពដែលតូចបំផុតនៅក្នុងប្រព័ន្ធ GJ676A គឺមានទំហំធំជាង<br />ផែនដីដល់ទៅ ៤ដង។</p>
<p class="Normal"><a class="thickbox" title="" href="/FileManager/Commons/2012/7/9/hanh-tinh-0-09-07-2012--09-19-43.jpg"><img src="/FileManager/Articles/mce/2012/7/9/hanh-tinh-0-09-07-2012--09-19-43.jpg" alt="" /></a></p>
<p class="Normal">តារាវិថីរបស់ភពក្នុងប្រព័ន្ធ GJ676A នេះក៏ជាមូលហេតុដែលនាំអោយអ្នកវិទ្យាសាស្ដ្រហៅវាថា ជា<br />"កូនភ្លោះរបស់ប្រព័ន្ធព្រះអាទិត្យ" ដោយសារតែវាស្រដៀងនឹងប្រព័ន្ធព្រះអាទិត្យ។</p>
<p class="Normal">គួរំឭកថា ថ្មីនេះ ក្រុមអ្នកវិទ្យាសាស្ដ្រ ក៏បានរកឃើញប្រព័ន្ធនៃភពជាច្រើនផ្សេងៗគ្នា ដូចជា ប្រព័ន្ធ<br />HD10180(ឈ្មោះរបស់ប្រព័ន្ធនៃភពមួយ) ដែលមានភពចំនួន ៩ វិលជុំវិញផ្កាយមេមួយរបស់វា។<br />នេះគឺជាប្រព័ន្ធមួយដែលមានភពច្រើនបំផុត ដែលមនុស្សធ្លាប់បានរកឃើញពីមុនមក។</p>
<p class="Normal">ប៉ុន្ដែ HD10180 មានតែភពដែលមានឧស្ម័ន និងស្ថិតនៅក្បែរផ្កាយមេ។ ផ្ទុយទៅវិញ GJ676A មាន<br />ទាំងភពថ្ម និងភពមានឧស្ម័ន។</p>
<p class="Normal">លោក Guillem Anglada Escude អ្នកស្រាវជ្រាវ និងជាសាស្ដ្រាចារ្យនៅសាកលវិទ្យាល័យ Gottingen<br />បានថ្លែងថា ៖ "ភពមានឧស្ម័នមួយរបស់ GJ676A វិលជុំវិញផ្កាយមេរបស់វា មួយជុំ ស្មើនឹង ៤,០០០<br />ថ្ងៃ"៕</p>
<p class="Normal" style="text-align: right;">ដោយ ៖ សូរីយ៉ា<br />ប្រភព ៖ VE</p>
<p><strong><br /></strong></p>