<div class="article-content">
<p class="font-null"><strong>ព្រះសីហនុ៖</strong> បុរសជនជាតិអាល្លឺម៉ង់ម្នាក់ មានសតិមិនប្រក្រតី ត្រូវបានសមត្ថកិច្ចការិយាល័យ<br /> កណ្តាលសន្តិសុខ នៃស្នងការដ្ឋាន នគរបាលខេត្តព្រះសីហនុ សហការជាមួយសមត្ថកិច្ច នគរ<br />បាលនៃ អធិការដ្ឋាន នគរបាលក្រុងព្រះសីហនុ ធ្វើការបង្រ្កាបជាក់ស្តែង ខណៈពេលដែលជន<br />បរទេស រូបនេះកំពុងដើអុកឡុក ចូលផ្ទះប្រជាពលរដ្ឋបង្កឱ្យ ចលាចលពាសពេញក្រុងព្រះសី<br />ហនុ ។ ហេតុការណ៍នេះកើតឡើង កាលពីល្ងាចថ្ងៃទី២៤ ខែមិថុនា ឆ្នាំ២០១៣ វេលាម៉ោង១៨ <br />និង៣០នាទី នៅចំណុចផ្ទះកាត់ដេរយីហោ ហេងហេង ម៉ូតកាត់ដេរ ដែលមានម្ចាស់ផ្ទះឈ្មោះ <br />វ៉ាន់ សុធី ភេទប្រុស ស្ថិតនៅក្នុងក្រុមទី៧ ភូមិ៣ ផ្លូវឯករាជ្យ សង្កាត់លេខ២ ក្រុង-ខេត្តព្រះសី<br />ហនុ ។</p>
<p class="font-null">លោកវរសេនីយ៍ទោ សម សារឿន នាយការិយាល័យនគរបាលអន្តោប្រវេសន៍ នៃស្នងការដ្ឋាន<br /> នគរបាលខេត្តព្រះសីហនុ បានប្រាប់អ្នកយកព័ត៌មានដើមអម្ពិលប្រចាំខេត្តព្រះសីហនុថា បុរស<br />ជនជាតិអាល្លឺម៉ង់ រូបនេះមានឈ្មោះ SEVDAS STEFAN ភេទប្រុស ឆ្នាំកំណើត ១៩៦៨ សញ្ជាតិ<br />អាល្លឺម៉ង់ មុខរបរទេសចរណ៍ កាន់លិខិតឆ្លងដែនលេខ A2148259 ទិដ្ឋាការគ្មាន (លិខិតឆ្លងដែន<br />បាត់) ជនបរទេសរូបនេះ បានចូលមកខេត្តព្រះសីហនុកាលពីថ្ងៃទី២១ ខែឧសភា ឆ្នាំ២០១៣ <br />ស្នាក់នៅផ្ទះសំណាក់ សុខុម បន្ទប់លេខ ១១៥ ស្ថិតក្នុងក្រុមទី១៤ ភូមិ៤ សង្កាត់លេខ៤ ក្រុង-<br />ខេត្តព្រះសីហនុ ។</p>
<p class="font-null">ចំពោះមូលហេតុនៃការឃាត់ខ្លួនគឺ ទី១៖ស្នាក់ នៅមិនស្របច្បាប់ (គ្មានលិខិតឆ្លងដែនជាប់តាម<br />ខ្លួន) ទី២៖ មានសភាពមិនប្រក្រតី ដើរស្រែកឡូឡា បង្កការអុកឡុកតាមលំនៅដ្ឋានប្រជាពល<br />រដ្ឋ តាមផ្លូវសាធារណៈ និងយកភេសជ្ជះរបស់អ្នកលក់ដូរតាមតំបន់ឆ្នេរអូរឈើទាល ផឹកស៊ី<br />មិនឱ្យលុយគេ ។</p>
<p class="font-null">មន្ដ្រីសមត្ថកិច្ច បានប្រាប់ថាជនអាល្លឺម៉ង់រូបនេះមិនត្រឹមតែបង្កបញ្ហាអុកឡុកប្រជាពលរដ្ឋ<br />ប៉ុណ្ណោះទេ ថែមទាំងដេញវាយប្រជាពលរដ្ឋសូម្បីតែកំលាំងសមត្ថកិច្ចនគរបាលចុះទៅក៏<br />ត្រូវជនរូបនេះដេញវាយដែរទើប សំរេចធ្វើការឃាត់ខ្លួននាំយកមកកាន់ស្នងការដ្ឋាននគរ<br />បាលខេត្តព្រះសីហនុដើម្បីសួរនាំធ្វើកំណត់ហេតុ នឹងរង់ចាំបទបញ្ជាពីថ្នាក់លើ ។</p>
<p class="font-null">ជុំវិញបញ្ហាខាងលើសមត្ថកិច្ចនគរបាលបានសន្និដ្ឋានថាបុរសខាងលើទំនងជាកើតរោគ<br />សរសៃប្រសាទឯមតិ ភាគច្រើនយល់ឃើញថាជនបរទេសរូបនេះទំនងជាជាប់សារធាតុ<br />ញៀន៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0994.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0992.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0991.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0993.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>