<p><strong>អាម៉េរិក ៖</strong> ប្តីប្រពន្ធមួយគូ មានអារម្មណ៍ភ្ញាក់ផ្អើលយ៉ាងខ្លាំង នៅពេលដែលពួកគេ កុម្ម៉ង់ទិញអាហារ ពេលព្រឹក ដែលមានការដឹកជញ្ជូនដល់ផ្ទះ ស្រាប់តែទទួលបាន លុយមួយវ៉ាលីពេញតែម្តង។</p>
<p>ហេតុការណ៍ដ៏គួរឲ្យចាប់អារម្មណ៍មួយនេះ បានកើតឡើងនៅក្នុងទីក្រុង Hermitage រដ្ឋ Tennessee សហរដ្ឋអាម៉េរិក។ វ៉ាលីដែលផ្ទុកទៅដោយលុយពេញនោះ ត្រូវបានគេបញ្ជូនច្រឡំ ដោយវាត្រូវ បញ្ជូនទៅកាន់ ធនាគារក្នុងតំបន់មួយ ប៉ុន្តែស្រាប់តែ វាត្រូវបានបញ្ជូនច្រលំដូច្នេះ។</p>
<p>អ្នកស្រី Stacye ដែលជាអ្នកទទួលបានវ៉ាលីនោះ បានឲ្យដឹងថា «ប្តីរបស់ខ្ញុំបានបើកវ៉ាលី ស្រាប់តែ ប្រទះ ឃើញសុទ្ធតែលុយតែម្តង ធ្វើឲ្យពួកយើងងឿងឆ្ងល់ និងភ្ញាក់ផ្អើលជាខ្លាំង»។</p>
<p>បន្ទាប់ពីមានហេតុការណ៍នេះ កើតឡើងបានប៉ុន្មាននាទី ក្រោយមកបុគ្គលិក ដែលបានយកវ៉ាលី ដែលពោរពេញទៅដោយលុយនោះ ត្រលប់មកយកវិញ ហើយប្តីប្រពន្ធទាំង២នាក់ ក៏បានប្រគល់ ឲ្យទៅវិញ យ៉ាងស្ទាក់ស្ទើរពោរពេញ ដោយអារម្មណ៍សោកស្តាយ។</p>
<p style="text-align: left;">បច្ចុប្បន្នករណីមួយនេះ កំពុងស្ថិតនៅក្រោមការស៊ើបអង្កេត របស់មន្ត្រីប៉ូលីស នៅក្នុងតំបន់ ចំពោះ កំហុសឆ្គងមួយ ដ៏ប្លែកមួយនេះ៕</p>
<div id="divWNWidgetsContainer701011" style="text-align: center;"><object width="500" height="400" data="http://www.youtube.com/v/v_S8O7puCMU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/v_S8O7puCMU&rel=1" /></object></div>
<p> </p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-059.jpg" alt="" width="490" height="275" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>