<p><a class="thickbox" title="" href="/FileManager/Commons/2012/6/8/12060721b-08-06-2012--11-50-18.jpg"><img style="display: block; margin-left: auto; margin-right: auto;" src="/FileManager/Articles/mce/2012/6/8/12060728a-08-06-2012--11-50-53.jpg" alt="" /></a><br />ក្រោយពេលដែល ហ្វ្រេស៊ីប៊យចំណាត់ថ្នាក់លេខ៤ប្រចាំឆ្នាំ២០១២ សុខ វីរៈ ស្លាប់ដោយសារការ<br />ធ្វើអត្តឃាតលោតទឹកសម្លាប់ខ្លួនពីលើស្ពាន ជ្រោយចង្វារភ្លាមនោះ រូបថតយុវតីវ័យក្មេងម្នាក់ ត្រូវ<br />បានគេបង្ហោះតាមបណ្តាញហ្វេសប៊ុកដោយភ្ជាប់ជាមួយនឹងរូបថត សុខ វីរៈ ដោយគេបានអះអាង<br />ថា យុវតីរូបនោះជាសង្សាររបស់ សុខ វីរៈ ហើយក៏ជាអ្នកដែលធ្វើឲ្យ សុខ វីរៈ ខូចចិត្តឈានដល់ការ<br />សម្លាប់ខ្លួនដែរ។ នៅពេលនេះ ក្មេងស្រីវ័យក្មេងស្រស់សោភារូបនេះ បានចេញមុខបកស្រាយជុំ<br />វិញការស្លាប់របស់ សុខ វីរៈ ។</p>
<p>យុវតីដែលគេបង្ហោះរូបភ្ជាប់ជាមួយ សុខ វីរៈ រូបនេះមានឈ្មោះថា ម៉ៃ សុភក្រ្តា <span>អាយុ១៤ឆ្នាំសព្វ<br />ថ្ងៃជាសិស្សរៀនថ្នាក់ទី៩ នៅវិទ្យាល័យសម្តេចហ៊ុនសែនក្រុង ខេត្តព្រះសីហនុ</span>រស់នៅជាមួយនឹង<br />ឪពុកឈ្មោះ ម៉ៃ អូន ជាមន្ត្រីកំពង់ផែស្វយ័តក្រុងព្រះសីហនុ។</p>
<p>ពាក់ព័ន្ធនឹងការស្លាប់របស់ ហ្វ្រេស៊ីប៊យ សុខ វីរៈ យុវតី ម៉ៃ សុភក្រ្តា បានសម្តែងការភ្ញាក់ផ្អើលនៅ<br />ពេលដែលមនុស្សស្ទើរគ្រប់គ្នានៅខេត្តព្រះសីហនុបានចោទសួរមកកាន់រូបនាងអំពីរឿងនេះហើយ<br />នាងកាន់តែភ្ញាក់ផ្អើលនៅពេលដែលឃើញរូបថតរបស់នាងត្រូវបាន ចុះផ្សាយលើទំព័រសារព័ត៌<br />មានដោយត្រូវបានគេអះអាងថាជាសង្សារ របស់ សុខ វីរៈ ។</p>
<p>យុវតីអាយុក្រោមនីតិភាពរូបនេះបានឲ្យដឹងថា នាងក៏ជាអ្នកនិយមលេងបណ្តាញសង្គមហ្វេសប៊ុក<br />ម្នាក់ដែរ តែនាងពិតជាមិនធ្លាប់ស្គាល់ សុខ វីរៈ ពីមុនមកទេ សូម្បីតែនៅក្នុងហ្វេសប៊ុកក៏ សុខ វីរៈ <br />និងនាងមិនដែលស្គាល់ និងធ្លាប់លេងហ្វេសប៊ុកជាមួយគ្នាដែរ។ ហេតុអ្វីរូបថតរបស់នាងត្រូវបាន<br />គេកាត់តភ្ជាប់ជា មួយសុខ វីរៈ ? ម៉ៃ សុភក្ត្រា បានឲ្យដឹងថា នាងមិនដឹងរឿងនេះទេ ដោយនាងបាន<br />បញ្ជាក់ថា រូបថតរបស់នាងនោះពិតជាបានបង្ហោះនៅក្នុងហ្វេសប៊ុកមែន តែមិនដឹងអ្នកណាជាអ្នក<br />កាត់តជាមួយ ហ្វ្រេស៊ីប៊យដែលស្លាប់នោះទេ។</p>
<p>នាងបាននិយាយថា៖«ខ្ញុំលេងហ្វេសប៊ុកមែន តែខ្ញុំអត់ដែលស្គាល់គេម្នាក់នោះទេ។ រូបថតនោះជា<br />រូបរបស់ខ្ញុំ មិត្តភក្តិខ្ញុំគេបានអេឌីត( Edit) ឲ្យខ្ញុំ ខ្ញុំបង្ហោះលេង តែមិនដឹងហេតុអីបានជាមានគេយក<br />ទៅកាត់តភ្ជាប់ជាមួយគេម្នាក់នោះ ទេ»។</p>
<p>ដោយសារតែខ្លួននៅក្មេងវ័យទើប១៤ឆ្នាំ និងរងផលប៉ះពាល់អារម្មណ៍ពីការដេញដោលរបស់មិត្ត<br />ភក្តិ និងអ្នកស្រុកអ្នកភូមិផងជុំវិញរឿងដែលខ្លួនមិនបានធ្វើ យុវតីរូបនេះបានសម្តែងនូវអារម្មណ៍ខឹង<br />សម្បា និងខ្មាសអៀនចំពោះអ្នកផងគ្នា។</p>
<p>នាងបញ្ជាក់ថា៖«ពេលឃើញអ៊ីចឹង ខ្ញុំខឹងណាស់ ខ្ញុំចង់បញ្ជាក់ថា ខ្ញុំមិនមែនជាសង្សាររបស់ សុខ<br /> វីរៈ ទេ»។</p>
<p>ជាមួយគ្នានោះ លោក ម៉ៃ អូន ដែលមានតួនាទីជាមន្ត្រីកំពង់ផែស្វ័យក្រុងព្រះសីហនុ និងជាឪពុក<br />បង្កើត ម៉ៃ សុភក្ត្រា បានឲ្យដឹងថា លោកមានភាពភ្ញាក់ផ្អើលយ៉ាងខ្លាំងនៅពេលឃើញរូបកូនស្រីរ<br />បស់លោកនៅ លើទំព័រសារព័ត៌មានទាំងវិបសាយ ទស្សនាវដ្តី និងកាសែតបែបនេះ ខណៈដែល<br />កូនស្រីរបស់លោកមិនបានដឹងសូម្បីបន្តិច និងកំពុងស្ថិតនៅខេត្តព្រះសីហនុ។</p>
<p>លោកនិយាយថា៖ «កូនខ្ញុំអត់ដែលស្គាល់ម្នាក់នោះទេ នាងនៅតែខេត្តព្រះសីហនុរហូតហ្នឹង រូបនោះ<br />កូនខ្ញុំប្រាប់ថា ប្រហែលជាគេយកពីអ៊ីនធឺណិតទៅកាត់ត។ ខ្ញុំពិតជាភ្ញាក់ផ្អើលណាស់ ហើយអ្នកភូមិ<br />ទាំងអស់គេក៏ភ្ញាក់ផ្អើលដែរ»។</p>
<p>លោកបញ្ជាក់ជាថ្មីថា៖ «ខ្ញុំមិនស្គាល់ម្នាក់នោះទេ និយាយរួមគឺមិនដែលពាក់ព័ន្ធនឹងគេតែម្តង»។ ជា<br />មួយនឹងការភាន់ច្រឡំនោះ ម៉ៃ សុភក្ត្រា និងឪពុក បាននិយាយថា អ្នកទាំងពីរសង្ឃឹមថា ភាពភាន់<br />ច្រឡំនេះនឹងត្រូវបានទស្សនិកជនបានជ្រាបច្បាស់នៅពេលនេះ ទាំងអស់គ្នា៕</p>
<p><a class="thickbox" title="" href="/FileManager/Commons/2012/6/8/12060728a-08-06-2012--11-50-53.jpg"></a><a class="thickbox" title="" href="/FileManager/Commons/2012/6/8/12060721b-08-06-2012--11-50-18.jpg"><img style="display: block; margin-left: auto; margin-right: auto;" src="/FileManager/Articles/mce/2012/6/8/12060721b-08-06-2012--11-50-18.jpg" alt="" /></a></p>
<p style="text-align: right;"><a class="thickbox" title="" href="/FileManager/Commons/2012/6/8/12060721b-08-06-2012--11-50-18.jpg"></a>ដោយ៖ ម៉ូនីកា<br />ប្រែសម្រួលពី៖ Postkhmer<br class="Apple-interchange-newline" /><br /></p>