<div class="article-content">
<p>វីដេអូឃ្លីបរយៈពេលជាង១នាទីនេះ គឺជាសកម្មភាព របស់ចោរថ្លើមធំប្រដាប់កាំភ្លើងខ្លីពីរនាក់<br /> បានចូលប្លន់ផ្ទះអ្នកលក់គ្រឿងសំណង់ នៅខេត្តព្រះសីហនុទាំងកណ្តាលថ្ងៃ ហើយត្រូវបាន<br />គេយកមកបង្ហោះ ចែកចាយទទួលបានការពេញនិយមបំផុតនៅលើបណ្តាញសង្គមហ្វេស<br />ប៊ុក។ អ្វីដែលអស្ចារ្យនោះ ម្ចាស់ផ្ទះជាជនរងគ្រោះ បាននាំប្រតាយប្រតប់ជាមួយក្រុមចោរ <br />រហូតចាប់បានចោរម្នាក់ និងវាយឡើងទ្រោមខ្លួន ទើបប្រគល់ឲ្យសមត្ថកិច្ច។</p>
<p>ម្ចាស់ផ្ទះពិតជាក្លាហានតដៃ ជាមួយក្រុមចោរទាំងពីរនាក់នោះណាស់ ដោយវាយតប់គ្នា ទៅ<br />វិញទៅមក រហូតដល់ ក្រុមចោរទាំងពីរនោះ មិនមានឱកាស បាញ់កាំភ្លើងនោះទេ។ តែបើ<br />តាមមើលសកម្មភាពវីដេអូនេះទៅ ម្ចាស់ផ្ទះពិតជាមានសំណាងខ្លាំង ព្រោះក្រុមចោរបាន<br />អាមេកាំភ្លើងជាច្រើនដង តែទំនងជាមានបញ្ហា ទើបគ្មានឱកាសបាញ់លើជនរងគ្រោះ។</p>
<p>ហេតុការណ៍នេះ បានកើតឡើងកាលពីម៉ោង១រសៀលថ្ងៃទី១៨ ខែសីហា ឆ្នាំ២០១៣ នៅផ្ទះ<br />លក់គ្រឿងសំណង់ សំបុកត្រចៀកកាំ ដូរលុយ និងវេរលុយ ស្ថិតក្នុងក្រុម២ ភូមិ២ សង្កាត់<br />លេខ៤ ក្រុង-ខេត្តព្រះសីហនុ។</p>
<p>បើតាមប្រជាពលរដ្ឋនៅកន្លែងកើតហេតុ បានឲ្យដឹងថា នៅម៉ោងកើតហេតុខាងលើក្រុមជន<br />សង្ស័យ៣នាក់ ប្រដាប់ ដោយកាំភ្លើងខ្លី២ដើម បានសម្រុកចូលភ្ជង់ និងប្លន់ផ្ទះ លោក កែវ ផូរ<br /> អាយុ ៤១ឆ្នាំ និងប្រពន្ធឈ្មោះ ចាន់ យីន អាយុ ៤៣ឆ្នាំ មានទីតាំងនៅចំហៀងផ្សារលើ យី<br />ហោផ្ទះ៤០០។ ជនរងគ្រោះប្រកបរបរលក់ទឹកមាត់ត្រចៀកកាំ និងសំបុកត្រចៀកកាំ ឧបករណ៍<br />នេសាទ ព្រមទាំង មានដូរលុយ និងវេរលុយផងដែរ។</p>
<p>តាមសាក្សីបានបន្តឱ្យដឹងថា មុនពេលកើតហេតុជនសង្ស័យ២នាក់ ម្នាក់បានបន្លំធ្វើជាចូលទិញ<br />ផ្លែសន្ទូច និងម្នាក់ ទៀតធ្វើជាដូរលុយ ខណៈពេលម្ចាស់ផ្ទះកំពុងរាប់លុយដូរ ជនសង្ស័យបាន<br />ដកកាំភ្លើងខ្លីមកភ្ជង់ និងវាយក្បាល ជនរងគ្រោះបំណងប្លន់ទ្រព្យសម្បត្តិ តែត្រូវម្ចាស់ផ្ទះស្រែក<br />ឆោឡោឡើង ធ្វើឱ្យជនសង្ស័យម្នាក់ ភ័យស្លន់ស្លោរត់ ឡើងម៉ូតូឌ្រីមសង់ ដែលបក្ខពួកម្នាក់<br />ទៀត ចាំនៅខាងក្រៅ ពណ៌ខ្មៅ គេចខ្លួនបាត់ស្រមោល ចោលបក្ខពួកម្នាក់នៅ កន្លែងកើត<br />ហេតុ ហើយត្រូវប្រជាពលរដ្ឋនៅក្បែរនោះនាំគ្នាព័ទ្ធចាប់ និងវិនិច្ឆ័យទោសដោយកណ្តាប់ដៃ<br /> និងរន្ទះ ជើងស្ទើរក្ស័យសង្ខារ ទើបប្រគល់ឱ្យសមត្ថកិច្ច។</p>
<p>ក្រោយពេលឃាត់ខ្លួន និងត្រូវប្រជាពលរដ្ឋវាយឡើងទ្រោមខ្លួនហើយនោះ ជនសង្ស័យបាន<br />ឆ្លើយប្រាប់សមត្ថកិច្ច ទាំងវង្វេងវង្វាន់ថា ខ្លួនមានឈ្មោះ អ៊ិត ស៊ីថា អាយុ ៣២ឆ្នាំ មុខរបរជាង<br />សំណង់ ទីលំនៅភូមិដងទង់ ខេត្តកោះ កុង។</p>
<p>ជនសង្ស័យរូបនេះ កាន់កាំភ្លើងម៉ាក កា៥៤ មាន៦គ្រាប់ និង១ដើមទៀត ដែលបក្ខពួកបោះ<br />ចោលម៉ាក កា៥៩មាន ៥គ្រាប់ ។ ក្រោយសួរនាំជនសង្ស័យត្រូវបញ្ជូនទៅកាន់អធិការដ្ឋាន<br />នគរបាលក្រុងព្រះសីហនុ ដើម្បីសាកសួរ និង ឈានទៅចាប់ខ្លួនជនសង្ស័យ២នាក់ទៀត <br />ដែលកំពង់រត់គេចខ្លួន៕</p>
<p style="text-align: center;"><object width="500" height="400" data="http://www.youtube.com/v/1y4LxC-D790&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/1y4LxC-D790&rel=1" /></object></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-030/Kosal-0113.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-030/Kosal-0114.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-084.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-085.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-086.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-087.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-088.jpg" alt="Photo by DAP-NEWS" width="550" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>