<p><span style="color: #000000;"><strong>ភ្នំពេញៈ</strong> តារាសម្តែង កំពុងតែរះ លើវិថីសិល្បៈ កញ្ញា អន រ៉ាស៊ីសុមេត្តា ហៅ No More បានបង្ហើបឲ្យដឹងថា នៅក្នុងឱកាសបុណ្យ នៃក្តីស្រឡាញ់ កាលពីថ្ងៃទី១៤ ខែកុម្ភៈ កន្លងទៅនេះ នាងបានទទួលកាដូ ជាទីគាប់ចិត្តពីបុរស សម្បូរទ្រព្យម្នាក់ ដែលមានតម្លៃប្រមាណជិត ៨ពាន់ដុល្លារអាមេរិក ខណៈដែលវត្ថុអនុស្សាវរីយ៍ ដ៏មានតម្លៃមហាសាលនេះ ធ្វើឲ្យកញ្ញា No More សម្ដែងអារម្មណ៍ត្រេកអរ ជាពន់ពេក ។</span></p>
<p><span style="color: #000000;">នៅក្នុងកិច្ចសម្ភាសន៍ ជាមួយគេហទំព័រ LookingTODAY នៅថ្ងៃទី១៧ ខែកុម្ភៈ ឆ្នាំ២០១៥នេះ តារាស្រីពន្លកថ្មី រូបស្រស់សោភា សាច់សរម៉ដ្ឋរលោង កញ្ញា No More បានប្រាប់ឲ្យដឹងថា នៅថ្ងៃបុណ្យនៃក្តីស្រឡាញ់ កន្លងទៅនេះ នាងបានទទួលកាដូចិញ្ចៀនពេជ្រ តម្លៃជិត៨ពាន់ដុល្លារ ពីបុរសអ្នកជំនួញទ្រព្យស្តុក ហើយក៏ជាអ្នកមាន ឈ្មោះល្បី ក្នុងស្រុកផងដែរ។</span></p>
<p><span style="color: #000000;">តារាស្រីវ័យក្មេង No More បានប្រាប់ឲ្យដឹងទៀតថា “ ចាស មានមែនបង..! អ្នកស្រឡាញ់ខ្ញុំ គេឲ្យខ្ញុំហ្នឹងណាបង..! ខ្ញុំពិតជាមានអារម្មណ៍ថា រំភើបណាស់ នៅពេលដែលមាន អ្នកជូនកាដូ ពិសេសតម្លៃថ្លៃ (ចិញ្ចៀនពេជ្រ) បែបនេះ នៅថ្ងៃនោះ គេ (បុរសអ្នកជំនួញ) បានឲ្យអង្គរក្សរបស់ខ្លួន យកកាដូនេះ មកឲ្យខ្ញុំ។ សម្រាប់តម្លៃចិញ្ចៀននោះ ខ្ញុំគិតថា ចន្លោះប្រហែលជាពី៧ពាន់ ទៅ៨ពាន់ដុល្លារ…”។</span></p>
<p><span style="color: #000000;">កញ្ញា No More បានប្រាប់ឲ្យដឹងទៀតថា នេះមិនមែនជាលើកទី១ទេ ដែលបុរសអ្នកមាន ទ្រព្យស្តុករូបនេះ ជូនកាដូមានតម្លៃបែបនេះ ដល់រូបនាង ព្រោះថាកន្លងមក ឲ្យតែមានពិធីបុណ្យឬ ក៏ថ្ងៃពិសេសរបស់នាង ជារឿយៗបុរសរូបនោះ តែងតែមានកាដូមានតម្លៃ ឲ្យនាងមិនដែលដាច់ទេ ។ ចំពោះមូលហេតុដែល បុរសរូបនោះ ឲ្យកាដូនាងគឺ ដោយសារតែ បុរសអ្នកជំនួញនោះ ប្រាថ្នាចង់ក្លាយជាម្ចាស់គ្រងបេះដូងនាង តែនាងមិនទាន់គិតថា ត្រូវឆ្លើយ Ok ឬ No ទេ ។</span></p>
<p><span style="color: #000000;">No More បានបង្ហើបឲ្យដឹងទៀតថា បុរសដែលស្រឡាញ់នាងនោះ គឺជាអ្នកមានទ្រព្យ និងមុខមាត់ក្នុងសង្គមមួយ ហើយមានអង្គរក្សឆ្វេងស្តាំ ធ្លាប់បានជួបផ្ទាល់ និងស្គាល់គ្នាយូរមកហើយ ។ តែនាងមិនទាន់បាន ឆ្លើយប្រាប់ថា យ៉ាងណាទេ បើទោះជាពេលនេះនាង មិនទាន់បានឆ្លើយ ទទួលយកបុរសនោះ ជាម្ចាស់បេះដូងក៏ដោយ តែរាល់កាដូរបស់បុរសនោះ នាងទទួលទាំងអស់ មិនដែលប្រកែកឡើយ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/18/50-18-02-2015--11-08-43.jpg"><img src="/FileManager/Articles/mce/2015/2/18/50-18-02-2015--11-08-43.jpg" alt="" /></a></span></p>
<p><a class="thickbox" title="" href="/FileManager/Commons/2015/2/18/51-18-02-2015--11-08-53.jpg"><img src="/FileManager/Articles/mce/2015/2/18/51-18-02-2015--11-08-53.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/2/18/50-18-02-2015--11-08-43.jpg"></a></span></p>
<p><a class="thickbox" title="" href="/FileManager/Commons/2015/2/18/52-18-02-2015--11-09-01.jpg"><img src="/FileManager/Articles/mce/2015/2/18/52-18-02-2015--11-09-01.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>