<p><strong>ភ្នំពេញៈ</strong> បន្ទាប់ពីលេចឮព័ត៌មានថា តារាសម្តែង ដែលមានទម្រង់មុខកាចឆ្នាស់ឆ្នើម កញ្ញា ឌុច <br />លីដា ត្រូវបានខាង ផលិតកម្មក្នុងស្រុកមួយចំនួន និយាយថា នាងជាតារាតម្កើងឫកខ្ពស់ ហួស<br />ពពក ពេលបានល្បីឈ្មោះ កាលពីប៉ុន្មានខែមុននេះ ស្រាប់តែពេលនេះ ត្រូវបាន ឌុច លីដា <br />បញ្ចេញប្រតិកម្ម ទៅលើការលើកឡើងបែបនេះ ដោយនាងបានប្រាប់ឲ្យដឹងថា នាងមិនបាន<br />វាយឫកខ្ពស់នោះទេ ។ ការនិយាយបែបនេះ វាអាចប៉ះពាល់ដល់កិត្តិយស និងកេរ្តិ៍ឈ្មោះរបស់<br />នាងមិនតិចទេ។</p>
<p class="msg 1st">កាលពីពេលកន្លងមក គេសង្កេតឃើញថា ស្រីស្រស់សម្ផស្សឆើតឆាយ កញ្ញា ឌុច លីដា តែង<br />តែបង្ហាញវត្ត មានជានិច្ច ស្ទើរគ្រប់ផលិតកម្មធំៗ នៅក្នុងស្រុក។ តែមួយរយៈចុងក្រោយនេះ ក្នុង<br />ខារ៉ាអូខេបទចម្រៀង គេមិនសូវឃើញមានវត្តមាន របស់ស្រីស្រស់ ឌុច លីដា ដូចកាលពីពេល<br />មុនៗ ទៀតនោះទេ ដោយសារតែនាង មានឈ្មោះល្បីចាប់ផ្ដើមវាយឫក ។</p>
<p class="msg 1st">ពាក់ព័ន្ធទៅនឹងការលើកឡើងបែបនេះ ត្រូវបានតារាសម្តែងរាងខ្ពស់ស្រឡះ សម្បុរស្រអែមស្រស់<br /> មានទម្រង់មុខបែបអឺរ៉ុប កញ្ញា ឌុច លីដា បានប្រាប់ LookingTODAY ឲ្យដឹងតាមទូរស័ព្ទ នៅថ្ងៃទី៥<br /> ខែមិនា ឆ្នាំ២០១៣នេះថា ចំពោះព័ត៌មានបោកបក់ មកប៉ះខ្លួននាងថាជាតារាវាយឫក មិនមែនជា<br />ការពិតទេ ហើយនាងក៏មិនដឹងដែរថា ខាងផលិតកម្មមួយណា ដែលធ្វើការវាយប្រហារនាងបែប<br />នេះ ព្រោះថា នាងមិនដែល មានបញ្ហាជាមួយ ខាងផលិតកម្មណាទេ ជាធម្មតា គឺមានទំនាក់ទំនង<br />ល្អណាស់ ក្នុងការងារ។</p>
<p class="msg 1st">តារាស្រីដែលចូលចិត្តតុបតែងខ្លួន បែបនារីស៊ិចស៊ី ឌុច លីដា បានប្រាប់ឲ្យដឹងថា "ខ្ញុំទទួលស្គាល់<br />ថា រយៈពេលប្រហែលជាជាង១ខែនេះ ខ្ញុំបដិសេធមិនបានទទួលការងារទេ ព្រោះថា ខ្ញុំជាប់រវល់<br />ថតរឿង ឲ្យខាងកម្មវិធីឡូយ៩រយៈពេល១ខែ នៅខេត្តកំពត ដូច្នេះហើយ ខ្ញុំក៏ផ្អាកការងារ នៅ<br />ភ្នំពេញមួយរយៈ ។ កន្លងមកក៏ធ្លាប់មានខាងអ្នកដឹកនាំ ទាក់ទងទៅខ្ញុំឲ្យមកថតឲ្យផលិតកម្មរបស់<br />គាត់ តែខ្ញុំបានសុំទោសគាត់ ដោយសារតែខ្ញុំបានចុះកុងត្រា នៅខាងនោះ ហើយមិនអាចដកខ្លួន<br />បាន"។</p>
<p class="msg 1st">ចំពោះការលើកឡើងថា នាងជាតារាតម្កើងឫកពេលបានល្បីនោះ គឺនាងសុំច្រានចោលទាំងស្រុង<br /> ព្រោះថា រហូតមកដល់ពេលនេះ សន្ទុះកេរ្តិ៍ឈ្មោះរបស់នាងមិនទាន់ល្បីល្បាញខ្លាំងប៉ុន្មានទេ អាច<br />មានគេស្គាល់ធម្មតាៗ ហើយមួយវិញទៀត ទោះជានាងល្បី ឬមិនល្បី នាងក៏នៅតែប៉ុណ្ណឹង មិន<br />បានវាយឫក ឬក៏ផ្លាស់ប្តូរអត្តចរិកអ្វីឡើយ ។នៅពេលនេះ នាងក៏កំពុងតែត្រៀមខ្លួន ត្រឡប់មក<br />ចាប់យក ការងារវិញធម្មតា ដោយសារតែនាង ថតរឿងជិតចប់ហើយ និងអាចមានពេលទំនេរ<br />ទទួល ការងារផ្សេងបានដែរ៕</p>
<p style="text-align: center;"><img src="http://111.92.240.170:81/lookingtoday/looking-images/news/2013/March/id-099/v_1653.jpg" alt="Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/March/id-099/v_1657.jpg" alt="Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/March/id-099/v_1658.jpg" alt="Looking Today" width="400" /></p>
<p style="text-align: center;"> </p>
<p style="text-align: right;">ផ្តល់សិទ្ធិដោយ៖ ដើមអំពិល</p>
<table class="pagenav" border="0" align="center">
<tbody>
<tr><th class="pagenav_prev"> </th>
<td width="50"> </td>
<th class="pagenav_next"> </th></tr>
</tbody>
</table>