<p><strong>ភ្នំពេញ៖</strong> តារាសម្តែង និងជាអតីត Freshie Girl លេខ១ ប្រចាំឆ្នាំ២០១១ កញ្ញា ហ៊ុយ ច័ន្ទរាជនី<br /> មួយរយៈនេះហាក់ដូចជាកំពុងឡើងកូដ និង កាក់កបជាមួយមុខអាជីពសិល្បៈ តាមរយៈការ<br />សម្តែងខ្សែភាពយន្ត ការថតស្ប៉តពាណិជកម្ម និង សម្តែងឈុតកាយវិការខារ៉ាអូខេ ឲ្យបណ្តា<br />ផលិតកម្មតូចធំមួយចំនួន។</p>
<p>ការលេចមុខលេចមាត់ នៅក្នុងលើទីផ្សាសិល្បៈ យ៉ាងក្រាសក្រែលមកនេះ បានធ្វើឲ្យមហាជន<br />ទទួលស្គាល់ និង គាំទ្រចំពោះសមត្ថភាព នៃការសម្តែងរបស់តារាស្រីសាច់ស ហ៊ុយ ច័ន្ទរាជនី<br /> រហូតធ្វើឲ្យប្រជាប្រិយភាព កាន់តែមានការលេចធ្លោឡើង ។ ខណៈដែលកេរ្តិ៍ឈ្មោះ កំពុងល្បី<br />សន្សឹមៗជាបណ្តើរៗនោះ ក៏មានលេចឮព័ត៌មានមកថា មានបុរសៗជាច្រើនបានលង់ស្នេហ៍ <br />ឈ្លក់វង្វេងនឹងសម្រស់ដ៏សែន ស្រស់ផូរផង់របស់នាង។</p>
<p>មុននេះបន្តិច មានព័ត៌មានលេចឮចេញមកថា កញ្ញា ហ៊ុយ ច័ន្ទរាជនី មានបុរសសម្បូរទ្រព្យស្តុក<br />ស្តម ចង់បានបេះដូងនាងយកទៅឃុំគ្រងថែរក្សា និង ធានាចិញ្ចឹមដល់ការរស់នៅ ប្រចាំថ្ងៃទៀត<br />ផង ប៉ុន្តែនាងតែងតែឆ្លើយបដិសេធចំពោះរឿងនេះ។ ស្របពេលជាមួយគ្នានេះដែរ ក៏ស្រាប់តែ<br />មានព័ត៌មាន ថ្មីមួយទៀតមកថា បុរសអាណិកជនខ្មែរនៅអូស្រ្តាលី បានកំពុងលង់ស្នេហ៍មកលើ<br />ស្រីស្រស់ រាជនី ប្រាថ្នាចង់បានធ្វើជាគូអនាគត។</p>
<p>ប្រភពព័ត៌មានពីអ្នកដែល ជិតស្និទ្ធជាមួយតារាស្រីរូបនេះ បានបង្ហើបប្រាប់ Looking TODAY ឱ្យ<br />ដឹងថា មួយរយៈនេះមានបុរសៗជាច្រើន កំពុងតែជ្រួលជ្រើមលង់ ជាមួយសម្រស់ដ៏ស្រស់សោភា<br /> របស់កញ្ញា ហ៊ុយ ច័ន្ទរាជនី ។ មិនតែប៉ុណ្ណោះគេក៏បានដឹងថា រាជនី ក៏មានបុរសម្នាក់នៅអូស្ត្រាលី<br /> កំពុងតែទាក់ទងលួងលោម សារភាពពីសេចក្តីស្រឡាញ់ ក្នុងបំណងចង់បាននាងយកទៅ ធ្វើជា<br />គូអនាគតទៀតផង ។</p>
<p>បើតាមប្រភពខាងលើបាននិយាយទៀតថា បុរសម្នាក់នេះ មានវ័យប្រហែលជា៤០ ឆ្នាំ ហើយក៏ជា<br />មនុស្សម្នាក់ ដែលមានទ្រព្យសម្បត្តិច្រើនផងដែរ។ ជាងនេះទៅទៀត បុរសម្នាក់នេះបានព្យាយាម<br />តាមទាក់ទង និង តាមយកចិត្ត ហ៊ុយ ច័ន្ទរាជនី ជាយូរណាស់មកហើយ ។</p>
<p>ទោះបីជាយ៉ាងណាក្តី គេមិនទាន់ដឹងទេថា បុរសម្នាក់នេះអាចមានវាសនាខ្ពស់យកបេះដូង រាជនី<br /> ទៅ ឃុំគ្រងធ្វើជាគូគាប់សម្រាប់ថ្ងៃខាងមុខបាន ឬមួយយ៉ាងណានោះទេ ព្រោះថាកន្លងមកនេះស្រី<br />ស្រស់រូបនេះ តែងតែច្រានចោល មិនទទួលយកការស្រលាញ់ពី បុរសណាម្នាក់នោះឡើយ។</p>
<p>ជុំវិញព័ត៌មានខាងលើនេះគេហទំព័រ Looking TODAY មិនអាចសុំការឆ្លើយបំភ្លឺ ពីម្ចាស់ខ្លួន កញ្ញា<br /> ហ៊ុយ ច័ន្ទរាជនី បាននៅឡើយទេ ដោយសារទូស័ព្ទរបស់នាង មិនអាចទំនាក់ទំនងបានទេថ្ងៃនេះ។<br /> ហេតុនេះ Looking TODAY នឹងរង់ចាំទទួលការស្រាយបំភ្លឺ ពីនាងនៅថ្ងៃក្រោយ។</p>
<p>ស្រីស្អាតប្រចាំឆ្នាំ២០១១កញ្ញ ហ៊ុយ ច័ន្ទរាជនី មិនត្រឹមតែមានរូបឆោមស្រស់សោភានោះទេ នាងក៏<br />ជាតារាសម្តែងស្រីមួយរូប ដែលពូកែខាងការបញ្ចេញទឹកភ្នែក ក្នុងការសម្តែងសាច់រឿង ជាតួកំសត់<br />ផងដែរ។ ក្រៅពីវត្តមាននៃការសម្តែងខ្សែរឿង កាយវិកាខារ៉ាអូខេ ស្ប៉តពាណិជកម្ម នាងក៏ធ្លាប់ធ្វើ<br />ជាពិធីការិនី នៅទូរទស្សន៍ប៉ុស្តិ៍បាយ័ន ក្នុងកម្មវិធី "ដួងតារារយពាន់" ទៀតផង៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-030/Kosal-0556.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-030/Kosal-0557.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>