<div>
<p><span style="color: #000000;"><strong>(ភ្នំពេញ)៖</strong> ស្វាមីរបស់តារាសម្តែង ក្រម៉ិចក្រម៉ើម នឹងជាពិធីការិនីដ៏មានប្រជាប្រិយភាព អ្នកនាង សុខ សោម៉ាវត្តី គឺលោក ទូច ដាណារ៉ា នឹងត្រូវបានតែងតំាំង ជាស្នងការរងខេត្តមណ្ឌលគិរី នៅថ្ងៃ២៨ ខែធ្នូ ឆ្នាំ២០១៥នេះ ក្រោមអធិបតីភាពលោក ឧត្តមសេនីយ៍ឯក ចាន់ អ៊ាន អគ្គស្នងការរងនគរបាលជាតិ នៃក្រសួងមហាផ្ទៃ ។</span></p>
<p><span style="color: #000000;">ស្វាមីរបស់ សុខ សោម៉ាវត្តី ត្រូវបានគេស្គាល់ថា ជាកូនប្រុសបង្កើតរបស់លោក ទូច ណារ៉ុថ អគ្គស្នងការរងនគរបាលជាតិ និងជាប្រធាននាយកដ្ឋានកងអង្គរក្ស នៃក្រសួងមហាផ្ទៃ ហើយបានរៀបអាពាហ៍ពិពាហ៍ជាមួយនឹងគ្នា កាលពីថ្ងៃទី២៤ ខែវិច្ឆិកា ឆ្នាំ២០១២ ដោយរហូតមកដល់ពេលនេះ អ្នកទំាងពីរទទួលបាននូវចំណងដៃ កូនស្រីមួយ មានអាយុប្រមាណ៣ឆ្នាំ ។ ក្នុងជីវិតគ្រួសាររបស់អ្នកទំាងពីរ តែងតែលេចឮនូវភាពរកំារកូស ដោយសារតែ សុខ សោម៉ាវត្តី ជាអ្នកសិល្បៈ ហើយពេលសម្តែង តែងតែមានសកម្មភាពស្និទ្ធស្នាលជាមួយតួប្រុសផ្សេងៗទៀត ធ្វើឲ្យស្វាមីកើតក្តីប្រច័ណ្ឌ ចំពោះនាង ក្នុងការងារសិល្បៈ ។</span></p>
<p><span style="color: #000000;">កាលពីពេលថ្មីៗនេះទៀតសោត មានព័ត៌មានលេចឮមកថា សុខ សោម៉ាវត្តី រស់នៅបែកប្តី រយៈពេល២ឆ្នាំមកហើយ ដែលដំណឹងនេះស្របគ្នាទៅនឹង ពេលចចាមអារ៉ាម ថាពួកគេបានលែងលះគ្នា ។ ប៉ុន្តែដំណឹងនេះត្រូវបាន សុខ សោម៉ាវត្តី ច្រានចោលជារឿយៗដោយអះអាងថា ជីវិតស្នេហារបស់ពួកគេ គឺនៅផ្អែមល្ហែមដូចដើម ពុំមានរឿងរ៉ាវ ប្រេះឆាណាមួយកើតទ្បើង ដូចពាក្យដែលគេនិយាយ នាពេលកន្លងមកនោះទ្បើយ ។</span></p>
<p><span style="color: #000000;">អ្វីដែលជាព័ត៌មានថ្មីសម្រាប់ សុខ សោម៉ាវត្តី នៅពេលនេះ គឺស្វាមីរបស់នាង លោក ទូច ដាណារ៉ា នឹងត្រូវតំទ្បើងឋានន្តរស័ក្តិ ពីវរៈសេនីយ៍ត្រី ទៅជាវរៈសេនីយ៍ឯក (ស័ក្តិ៥) ហើយនឹងត្រូវបានតែងតំាងជាស្នងការរង ខេត្តមណ្ឌលគិរី នៅថ្ងៃទី២៨ ខែធ្នូ ឆ្នំា២០១៥នេះ ៕</span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-ash2/v/t1.0-9/1888594_10152078491583821_1327107963_n.jpg?oh=c31881363f5b77fba7e134dd4984ec2a&oe=570E93DF&__gda__=1460570027_d8d4208fa35570793659b7749adaf796" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xap1/v/t1.0-9/1622759_10152078491523821_839579921_n.jpg?oh=a0634e18bcadb7be7f5159b70aa86242&oe=5710813B&__gda__=1460007779_a3e0c68c81978b6bb9757996b34d04b2" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xlt1/v/t1.0-9/12391297_1025163270855178_5467957812123368124_n.jpg?oh=979bab161a977c016a12cd68c8edbd48&oe=57026188&__gda__=1459969708_ddf90d204df876d0629788462f821ecc" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfa1/v/l/t1.0-9/969091_871411409624757_1100285560442768746_n.jpg?oh=7db3fe8345a43631eaa8bc238ef06beb&oe=571CA52A" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlt1/v/t1.0-9/1913902_871411502958081_4394382283609859870_n.jpg?oh=b181da17c20d16029bc892ac52f2126f&oe=571846A7" alt="" width="730" /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>
</div>