<p><span style="color: #000000;"><strong>ភ្នំពេញ ៖</strong> នគរបាល ខណ្ឌពោធិ៍សែនជ័យ កាលពីវេលាម៉ោង៣និង២០នាទី រសៀលថ្ងៃទី២៦ ខែមីនា ឆ្នាំ ២០១៥នេះ បានបញ្ជូន ប្ដីប្រពន្ធទាំងពីរនាក់ដែល ជាម្ចាស់ផ្ទះសំណាក់ត្រពាំងថ្លឹង ទៅកាន់តុលាការ ដើម្បីបន្ដធ្វើការសាកសួរ និងចាត់វិធានការតាមផ្លូវច្បាប់ ពាក់ព័ន្ធទៅ នឹងបទបង្ខាំង មនុស្សខុសច្បាប់ ។</span></p>
<p><span style="color: #000000;">អធិការនគរបាល ខណ្ឌពោធិ៍សែនជ័យ លោកយឹម សារ៉ាន់ បានឲ្យដឹងតាមទូរស័ព្ទ បញ្ជាក់ថា ក្រោយ បញ្ចប់ការសាកសួរ និងបំពេញសំណុំបែបបទ រួចរាល់ មន្ដ្រីនគរបាលរបស់យើង និងបញ្ជូន ពួកគេទាំងពីរនាក់ (ម្ចាស់ផ្ទះសំណាក់ត្រពាំង ថ្លឹង) ទៅតុលាការ ហើយ នៅម៉ោង៣និង២០នាទីរសៀលនេះ ។</span></p>
<p><span style="color: #000000;">មន្ដ្រីនគរបាលខណ្ឌពោធិ៍សែនជ័យ បាន បញ្ជាក់ថា បុរសជាប្ដីឈ្មោះជា កុសល អាយុ ៣០ឆ្នាំ និងប្រពន្ធឈ្មោះហ៊ី លីដា អាយុ៣៩ ឆ្នាំ ជាម្ចាស់ផ្ទះសំណាក់ត្រញំងថ្លឹង រីឯជនរង គ្រោះជាម្ចាស់ផ្ទះសំណាក់៣ដុល្លារ ឈ្មោះកែ ណារ៉ា អាយុ៤៥ឆ្នាំ ។</span></p>
<p><span style="color: #000000;">សូមបញ្ជាក់ថា មានការភ្ញាក់ផ្អើលមួយ បានកើតឡើង ក្រោយពីម្ចាស់ផ្ទះសំណាក់ ត្រពាំងថ្លឹង ពីរនាក់ ប្ដីប្រពន្ធបានចាប់ស្ដ្រីជា ម្ចាស់ផ្ទះ សំណាក់៣ដុល្លារបង្ខាំងទុកក្នុងបន្ទប់ ក្រោយពីភាគីទាំងពីរ បានឈ្លោះ គ្នាក្នុងរឿង រកស៊ី នៅវេលាម៉ោង៤និង៣០នាទីរសៀល ថ្ងៃទី២៤ ខែមីនា ឆ្នាំ២០១៥នេះ ។</span></p>
<p><span style="color: #000000;">អធិការនគរបាលខណ្ឌពោធិ៍សែនជ័យ លោកយឹម សារ៉ាន់ បានបញ្ជាក់ថា ដោយ សារតែធ្លាប់ឈ្លោះគ្នា នាពេលកន្លងទៅ ស្ដីពី ការរកស៊ី ដោយផ្ទះសំណាក់នៅក្បែរគ្នានោះ នៅរសៀលថ្ងៃទី២៤ ខែមីនា ឆ្នាំ២០១៥ ម្ចាស់ផ្ទះសំណាក់ទាំងពីរ បានឈ្លោះប្រកែក គ្នាម្ដងទៀត ។</span></p>
<p><span style="color: #000000;">លោកយឹម សារ៉ាន់ បានបញ្ជាក់ទៀតថា ដោយសារតែភាគីម្ចាស់ផ្ទះសំណាក់ត្រពាំងថ្លឹង មានពីរនាក់ប្ដីប្រពន្ធ ក៏ចាប់ស្ដ្រីជាម្ចាស់ផ្ទះ សំណាក់៣ដុល្លារ យកទៅចាក់សោនៅក្នុង បន្ទប់ មិនឱ្យចេញនោះឡើយ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/26/3-26-2015-4-30-42-pm-26-03-2015--16-36-10.png"><img src="/FileManager/Articles/mce/2015/3/26/3-26-2015-4-30-42-pm-26-03-2015--16-36-10.png" alt="" /></a></span></p>
<p><a class="thickbox" title="" href="/FileManager/Commons/2015/3/26/3-26-2015-4-30-55-pm-26-03-2015--16-36-21.png"><img src="/FileManager/Articles/mce/2015/3/26/3-26-2015-4-30-55-pm-26-03-2015--16-36-21.png" alt="" /></a></p>
<p><a class="thickbox" title="" href="/FileManager/Commons/2015/3/26/3-26-2015-4-31-06-pm-26-03-2015--16-36-31.png"><img src="/FileManager/Articles/mce/2015/3/26/3-26-2015-4-31-06-pm-26-03-2015--16-36-31.png" alt="" /></a></p>
<p><span style="color: #0000ff;"><a href="/News/Detail/95837/social-news-cambodia-pp" target="_blank"><span style="color: #0000ff;">អាន៖ ម្ចាស់ផ្ទះសំណាក់ ត្រពាំងថ្លឹង ចាប់ម្ចាស់ ផ្ទះសំណាក់ ៣ដុល្លារ បង្ខាំងទុក ក្រោយ ឈ្លោះគ្នា</span></a></span><a class="thickbox" title="" href="/FileManager/Commons/2015/3/26/3-26-2015-4-31-06-pm-26-03-2015--16-36-31.png"></a></p>
<p><a class="thickbox" title="" href="/FileManager/Commons/2015/3/26/3-26-2015-4-31-06-pm-26-03-2015--16-36-31.png"></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>