<div class="article-content">
<p><strong>ព្រះសីហនុ៖</strong> ជនសង្ស័យជាចោរប្លន់ម្នាក់ ក្នុងចំណោម ជនសង្ស័យ៣នាក់ ប្រដាប់ដោយអាវុធខ្លី<br />២ដើម ធ្វើសកម្ម ភាពភ្ជង់ និងវាយបុរសម្ចាស់ផ្ទះលក់គ្រឿងសំណង់ សំបុកត្រចៀកកាំ ដូរលុយ <br />និងវេរលុយ តែប្លត់ស្នៀតត្រូវប្រជា ពលរដ្ឋចាប់បាន និងវិនិច្ឆ័យដោយដៃ និងជើងស្ទើរសូន្យសង្ខារ<br /> កាលពីម៉ោង ១រសៀលថ្ងៃទី១៨ ខែសីហា ឆ្នាំ២០ ១៣ នៅក្រុងព្រះសីហនុ។</p>
<p>បើតាមប្រជាពលរដ្ឋនៅកន្លែងកើតហេតុ បានឲ្យដឹងថា នៅម៉ោងកើតហេតុខាងលើក្រុមជនសង្ស័យ<br />៣នាក់ ប្រដាប់ ដោយកាំភ្លើងខ្លី២ដើម បានសម្រុកចូលភ្ជង់ និងប្លន់ផ្ទះ លោក កែវ ផូរ អាយុ ៤១ឆ្នាំ <br />និងប្រពន្ធឈ្មោះ ចាន់ យីន អាយុ ៤៣ឆ្នាំ មានទីតាំងនៅចំហៀងផ្សារលើ យីហោផ្ទះ៤០០ ស្ថិតក្នុង<br />ក្រុម២ ភូមិ២ សង្កាត់លេខ៤ ក្រុងខេត្ត ព្រះសីហនុ។ ជនរងគ្រោះប្រកបរបរលក់ទឹកមាត់ត្រចៀកកាំ<br /> និងសំបុកត្រចៀកកាំ ឧបករណ៍នេសាទ ព្រមទាំង មានដូរលុយ និងវេរលុយផងដែរ។</p>
<p>តាមសាក្សីបានបន្តឱ្យដឹងថា មុនពេលកើតហេតុជនសង្ស័យ២នាក់ ម្នាក់បានបន្លំធ្វើជាចូលទិញផ្លែ<br />សន្ទូច និងម្នាក់ ទៀតធ្វើជាដូរលុយ ខណៈពេលម្ចាស់ផ្ទះកំពុងរាប់លុយដូរ ជនសង្ស័យបានដកកាំ<br />ភ្លើងខ្លីមកភ្ជង់ និងវាយក្បាល ជនរងគ្រោះបំណងប្លន់ទ្រព្យសម្បត្តិ តែត្រូវម្ចាស់ផ្ទះស្រែកឆោឡោ<br />ឡើង ធ្វើឱ្យជនសង្ស័យម្នាក់ ភ័យស្លន់ស្លោរត់ ឡើងម៉ូតូឌ្រីមសង់ ដែលបក្ខពួកម្នាក់ទៀត ចាំនៅខាង<br />ក្រៅ ពណ៌ខ្មៅ គេចខ្លួនបាត់ស្រមោល ចោលបក្ខពួកម្នាក់នៅ កន្លែងកើតហេតុ ហើយត្រូវប្រជាពល<br />រដ្ឋនៅក្បែរនោះនាំគ្នាព័ទ្ធចាប់ និងវិនិច្ឆ័យទោសដោយកណ្តាប់ដៃ និងរន្ទះ ជើងស្ទើរក្ស័យសង្ខារ <br />ទើបប្រគល់ឱ្យសមត្ថកិច្ច។</p>
<p>ក្រោយពេលឃាត់ខ្លួន និងត្រូវប្រជាពលរដ្ឋវាយឡើងទ្រោមខ្លួនហើយនោះ ជនសង្ស័យបានឆ្លើយ<br />ប្រាប់សមត្ថកិច្ច ទាំងវង្វេងវង្វាន់ថា ខ្លួនមានឈ្មោះ អ៊ិត ស៊ីថា អាយុ ៣២ឆ្នាំ មុខរបរជាងសំណង់<br /> ទីលំនៅភូមិដងទង់ ខេត្តកោះ កុង។</p>
<p>ជនសង្ស័យរូបនេះ កាន់កាំភ្លើងម៉ាក កា៥៤ មាន៦គ្រាប់ និង១ដើមទៀត ដែលបក្ខពួកបោះចោល<br />ម៉ាក កា៥៩មាន ៥គ្រាប់ ។ ក្រោយសួរនាំជនសង្ស័យត្រូវបញ្ជូនទៅកាន់អធិការដ្ឋាននគរបាលក្រុង<br />ព្រះសីហនុ ដើម្បីសាកសួរ និង ឈានទៅចាប់ខ្លួនជនសង្ស័យ២នាក់ទៀត ដែលកំពង់រត់គេចខ្លួន៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-084.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-085.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-086.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-087.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-088.jpg" alt="Photo by DAP-NEWS" width="550" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>