<div class="article-content">
<p><strong>កំពង់ឆ្នាំងៈ</strong> ជនសង្ស័យ ដែលគេអះអាងថា ជាជនទំនើង ដែលសង្គមស្អប់ខ្ពើម បានរត់គេច<br />ខ្លួនបាត់ ដោយសុវត្ថិ ភាព ក្រោយពីបានកាប់ ទៅលើបុរសម្នាក់ចំនួន ៣ ពូថៅ ចំក្បាល និង<br /> ចង្ការរងរបួសធ្ងន់ ដោយសារតែរាំជាន់ជើងគ្នា បន្តិចបន្តួចតែប៉ុណ្ណោះ។</p>
<p>ហេតុការណ៍នេះ បានកើតឡើង កាលពីវេលាម៉ោង ៣រសៀល ថ្ងៃទី១៩ ខែឧសភា ឆ្នាំ២០១៣<br /> ក្នុងពិធីរាំធុងបាស់ សប្បាយ ក្នុងកម្មវិធីមង្គលការមួយ ស្ថិតនៅក្នុងភូមិ ព្រៃគ្រីជើង ឃុំព្រៃគ្រី<br /> ស្រុកជលគកី ខេត្តកំពង់ឆ្នាំង ។</p>
<p>សាក្សីពីកន្លែងកើតហេតុ ជាច្រើននាក់ បានឲ្យដឹងថា ក្នុងពិធីរាំលេងសប្បាយ ដោយមានអ្នកខ្លះ <br />ពោរពេញដោយ ភាពស្រវឹងរាំកន្ត្រាក់ ហ៊ោរកញ្រ្ជៀវ ហើយគេឃើញជនដៃដល់ បានរាំនៅកៀក<br />គ្នាជាមួយជនរងគ្រោះ ខណៈកំពុង តែរាំសប្បាយ ជនរងគ្រោះក៏បានជាន់ជើងជនដៃដល់ ក៏ប្រ-<br />ទូស្តរាយពាក្យសំដីឡើង ទោះជាមានការសូមទោសពី ជនរងគ្រោះក៏ដោយ ។ ឃើញមានសភាព<br />បែបនេះ ប្រជាពលរដ្ឋបាននាំគ្នាឃាត់ និងបំបែកគ្នារៀងៗខ្លួន ជនរង គ្រោះបានដើរចេញទៅខាង<br />ក្រៅរោងការ ហើយជនដៃដល់ឃើញមានឱកាសល្អ ក៏បានស្ទាក់កាប់ជនរងគ្រោះ ចំនួន ៣ ពូថៅ<br /> នៅមុខរោងការបណ្តាលឲ្យ ជនរងគ្រោះដួលដេកស្តូកស្តឹង នៅក្នុងថ្លុកឈាមតែម្តង ។</p>
<p>សាក្សីខាងលើ បានបន្តឲ្យ ដឹងថា ជនរងគ្រោះ មានឈ្មោះ យ៉ន ហ៊ឺ ភេទប្រុស អាយុ ៣៤ឆ្នាំ រស់<br />នៅភូមិតាំងជ្រៃ ឃុំសណ្តែក ស្រុកបារាយ ខេត្តកំពង់ចាម ហើយត្រូវជាក្មួយបង្កើតរបស់ ឪពុក-<br />ម្តាយខាងកូនកម្លោះ ដោយឡែក ជនដៃដល់ មានឈ្មោះ ហឿន ហេង ភេទប្រុស អាយុជាង <br />២០ ឆ្នាំ មានទីលំនៅភូមិ ឃុំ កើតហេតុខាងលើ ។</p>
<p>ក្រោយហេតុការណ៍ ជនរងគ្រោះត្រូវបានបញ្ជូន ភ្លាមៗ ទៅកាន់មណ្ឌលសុខភាព ស្រុក ជល<br />គិរី ដើម្បីឲ្យ ក្រុមគ្រូពេទ្យ ជួយសង្គ្រោះ បន្ទាន់ ចំណែកជនដៃដល់ បានរត់គេចខ្លួនបាត់ស្រ-<br />មោល ដោយសុវត្ថិភាព ។</p>
<p>មន្ត្រីនគរបាលប៉ុស្តិ៍ រដ្ឋបាលឃុំព្រៃគ្រី បានឲ្យដឹងថា ជនរងគ្រោះទំនងជាមិនមែនរងរបួស និង<br />ពូថៅនោះទេ បើ យោងតាមមុខរបួសនីមួយៗជនរងគ្រោះ អាចមានជនដៃដល់ច្រើននាក់ ព្រួត<br />វាយ ព្រោះមុខរបួសខ្ទាំសាច់ជុំវិញ ។</p>
<p>អធិការនគរបាលស្រុក ជលគិរី លោក ម៉ម ហុន បានឲ្យដឹងថា ជនរងគ្រោះ និងជនដៃដល់ នៅ<br />ពេលហេតុការណ៍ ដំបូង មានចាស់ទុំចាប់បំបែកឲ្យ ទៅផ្ទះរៀងៗខ្លួន ប៉ុន្តែមិនដឹងជាមូលហេតុអ្វី<br /> បានជាត្រឡប់មកវិញ បង្កអំពើ ហិង្សាធ្វើឲ្យមានការភ្ញាក់ផ្អើល ដល់ប្រជាពលរដ្ឋជាភ្ញៀវ និងញាតិ<br />ជិតខាង ទៅវិញ ។</p>
<p>អភិបាលស្រុកជលគិរី លោក យិន សាវ៉េន បានឲ្យ ដឹងថា ករណីខាងលើលោកពុំទាន់ ដឹងពីមូល<br />ហេតុរឿងរ៉ាវ ជាក់លាក់ណាមួយនៅឡើយទេ នាព្រឹកថ្ងៃទី២០ ខែឧសភា ឆ្នាំ២០១៣នេះពីព្រោះ<br />មិនមានសេចក្តីរាយការណ៍ ណាមួយ ដែលនិយាយអំពីរឿងរ៉ាវខាងលើឡើយ ។</p>
<p>បើទោះយ៉ាងណា សមត្ថកិច្ចនគរបាល ស្រុកជលគិរី បានកំពុងស្រាវជ្រាវ ស្វែងរកចាប់ខ្លួន ជន<br />សង្ស័យមកផ្តន្ទា ទោសទៅតាមនីតិវិធីច្បាប់ ៕ </p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0445.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0446.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0447.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>