<p>អាហ្វហ្គានីស្ថាន ៖ បើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរ<br />ទេស CNN ដែលទើបតែបានចេញផ្សាយ កាលពីប៉ុន្មានម៉ោងមុននេះ អោយដឹងថាយ៉ាង<br />ហោចណាស់ ក្មេងសិស្សសាលាបឋម ១០ នាក់ និង កងកម្លាំងការពារសន្តិសុខមកពី<br />អង្គការណាតូ ២ រូបផ្សេងទៀត ត្រូវបានសម្លាប់ កាលពីថ្ងៃច័ន្ទកន្លងទៅ បន្ទាប់ពីមានការ<br />បំផ្ទុះគ្រាប់បែកអត្តឃាត។</p>
<p>មន្រ្តីប៉ូលីសម្នាក់ ក៏ត្រូវបានសម្លាប់ផងដែរ នៅក្នុងការបំផ្ទុះគ្រាប់បែកអត្តឃាតលើកនេះ<br />បន្ទាប់ពីមានការវាយប្រហារ ទៅលើផ្សារមួយកន្លែង ភាគខាងកើតប្រទេសអាហ្វហ្គានី<br />ស្ថាន ពោលគឺនៅក្នុងខេត្ត Paktia នេះបើតាមការអោយដឹងពីក្រសួងមហាផ្ទៃ។</p>
<p><a class="thickbox" title="" href="/FileManager/Commons/2013/6/4/130603133739-afghanistan-bomb-0603-story-top-04-06-2013--08-45-45.jpg"><img src="/FileManager/Articles/mce/2013/6/4/130603133739-afghanistan-bomb-0603-story-top-04-06-2013--08-45-45.jpg" alt="" width="427" height="239" /></a></p>
<p>លើសពីនេះ បើយោងតាមអ្នកនាំពាក្យមកពីក្រសួងមហាផ្ទៃ លោក ediq Sediqqi បាន<br />បន្ថែមអោយដឹងថា ជនដៃដល់បានបើកការវាយប្រហារ ទៅនឹងចំនុចស្នូលនៃផ្សារតែ<br />ម្តង ស្ថិតនៅក្នុងស្រុក Samkanai ដែលបានបណ្តាលអោយមនុស្ស ១៦ នាក់ទទួលរង<br />របួសធ្ងន់ និងស្រាល។</p>
<p>យ៉ាងណាមិញ ក្រសួងមហាផ្ទៃ ក៏បានចេញសេចក្កីថ្លែងការណ៍ផងដែរថា ករណីបំផ្ទុះ<br />គ្រាប់បែកខាងលើនេះ គឺក្រុមបះបោរ តាលីបង់ ស្ថិតនៅពីក្រោយ តែក្រុមឧទ្ទាមបះ<br />បោរតាលីបង់មួយនេះ នៅតែមិនទាន់ចេញមុខមកទទួលខុសត្រូវនៅឡើយទេ ស្រប<br />ពេលដែលក្រុមបះបោរប្រឆាំងមួយនេះ ជារឿយៗតែងតែធ្វើការវាយប្រហារ ដោយការ<br />បំផ្ទុះគ្រាប់បែក៕</p>
<p style="text-align: right;">ដោយ ៖ រិទ្ធី<br />ប្រភព ៖ CNN<br /><br /></p>