<div class="article-content">
<p dir="ltr"><span style="color: #000000;"><strong>ភ្នំពេញ៖</strong> បុរសជាងជួសជុលម៉ូតូម្នាក់ ត្រូវចរន្តភ្លើងម៉ូទ័រស្វាន ឆក់ស្លាប់ ក្រោយបញ្ជូនទៅសង្គ្រោះ នៅមន្ទីរពេទ្យ កាលពីវេលាម៉ោង ប្រមាណ៧យប់ ថ្ងៃទី១៧ ខែកញ្ញា ឆ្នាំ២០១៤ ស្ថិតនៅផ្ទះជនរងគ្រោះ ក្នុងភូមិព្រះពន្លា សង្កាត់ព្រែកប្រា ខណ្ឌច្បារអំពៅ។</span></p>
<p dir="ltr"><span style="color: #000000;">បុរសដែលបានសា្លប់ខាងលើនេះមានឈ្មោះ ផាន់ ណារិន អាយុ ៤៣ឆ្នាំ មានទីលំនៅនៅកន្លែងកើតហេតុ ។</span></p>
<p dir="ltr"><span style="color: #000000;">បើតាមក្រុមគ្រួសារជន រងគ្រោះ បាននិយាយថា នៅមុនពេលកើតហេតុ ជនរងគ្រោះ បានយកម៉ូទ័រស្វាន ទៅស្វានចោះជញ្ជាំងថ្ម ដើម្បីដាក់ប្រដាប់ព្យួរខោអាវ ខណ:កំពុងស្វាននោះ ស្រាប់ជនរងគ្រោះ ប្រកាច់ ដួលលើឥដ្ឋ ទើបដឹងថា ជនរងគ្រោះឆក់ភ្លើង ចេញពីម៉ូទ័រស្វាន ។ ភ្លាមៗនោះ សាច់ញាតិបានធ្វើចលនា ដើម្បីសង្រ្គោះជីវិត និងបាននាំជនរងគ្រោះទៅសង្រ្គោះនៅមន្ទីរពេទ្យបង្អែកផងដែរ ប៉ុន្តែអកុសលជនរងគ្រោះ ទៅដល់មន្ទីរពេទ្យ ត្រូវគ្រូពេទ្យ បានបញ្ជាក់ថា ជនរងគ្រោះ បានផុតដង្ហើម ស្លាប់តាមផ្លូវបាត់ទៅហើយ ។</span></p>
<p dir="ltr"><span style="color: #000000;">ក្រោយកើតហេតុ សមត្ថកិច្ច មូលដ្ឋាន និងនគរបាល ជំនាញ បានចុះពិនិត្យ និងធ្វើ កោសល្យវិច័្ចយ លើសព រួចប្រគល់សពជូនក្រុមគ្រួសារ ធ្វើបុណ្យតាមប្រពៃណីនៅលំនៅឋានកើតហេតុ ៕</span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-067/CH-00408.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-067/CH-00403.jpg" alt="" /></span></p>
</div>
<p style="text-align: right;"><a href="http://www.dap-news.com/2011-06-14-02-39-55/95369-2014-09-17-23-22-17.html?device=xhtml" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>