<p><span style="color: #000000;"><strong>(ភ្នំពេញ)៖</strong> បន្ទាប់ពីចូលបំភ្លឺនៅតុលាការក្រុងភ្នំពេញ នាព្រឹកថ្ងៃទី២៧ ខែមេសា ឆ្នាំ២០១៦នេះ កញ្ញា ធី សុវណ្ណថា បានបញ្ជាក់ថា នាងប្តឹងលោក កឹម សុខា អនុប្រធានគណបក្សសង្រ្គោះជាតិ គឺដើម្បីឱ្យគាត់ មានការរាងចាល មិនបរិហារទៅលើនារីដទៃទៀត។</span></p>
<p><span style="color: #000000;">កញ្ញា ធី សុវណ្ណថា បាននិយាយប្រាប់ក្រុមអ្នកសារព័ត៌មានយ៉ាងដូច្នេះថា <strong>«គាត់ជាមេដឹកនាំម្នាក់ ខ្ញុំចង់ឱ្យគាត់ មានការរាងចាល ទើបទាមទារសំណងច្រើនបែបនេះ ដើម្បីកុំឱ្យគាត់ចេះតែនិយាយ បរិហារទៅលើមនុស្សស្រីដទៃទៀត ដែលគេស្អាតស្អំ»</strong>។</span></p>
<p><span style="color: #000000;">កញ្ញា សុវណ្ណថា កាលពីថ្ងៃទី០១ ខែមីនា បានដាក់ពាក្យប្តឹងលោក កឹម សុខា ទៅកាន់សាលាដំបូងរាជធានីភ្នំពេញ ពីបទបរិហាកេរ្តិ៍តាមខ្សែអាត់សំឡេង ដែលត្រូវបានទម្លាយនៅក្នុងទំព័រ Facebook «រឿងពិត CNRP» និងប្រព័ន្ធផ្សព្វផ្សាយមួយចំនួន។ នាងប្តឹងទាមទារសំណងជំងឺចិត្ត១លានដុល្លារ។</span></p>
<p><span style="color: #000000;">នៅក្នុងខ្សែអាត់សំឡេងនោះ នាងចោទ លោក កឹម សុខា បានសន្ទនាជាមួយនារី ឈ្មោះ ខុម ចាន់តារាទី ហៅស្រីមុំ ដោយបរិហារកេរ្តិ៍របស់នាងថា បានយកឈ្មោះរបស់គណបក្សសង្រ្គោះជាតិ ដើម្បីសាងភាពល្បាញល្បី និងបោកយកលុយពីអ្នកគាំទ្រគណបក្សសង្រ្គោះជាតិ នៅក្រៅប្រទេស។ កញ្ញា ធី សុវណ្ណថា បានចាត់ទុកការលើកឡើងនេះថា ធ្វើឲ្យប៉ះពាល់ធ្ងន់ធ្ងរលើកិត្តិយស និងភាពថ្លៃថ្នូររបស់នាង៕</span></p>
<p><span style="color: #000000;"><br /><a href="https://www.facebook.com/freshnewsasia/videos/545260182312444/" target="_blank">-ចុចទីនេះ ដើម្បីអានវីដេអូនេះ ៖ </a></span></p>
<p> </p>
<p><img src="http://image.freshnewsasia.com/2016/019/03/fn-2016-04-27-10-28-30-1.jpg" alt="" width="730" /></p>
<p><img src="http://image.freshnewsasia.com/2016/019/03/fn-2016-04-27-10-28-30-2.jpg" alt="" width="730" /></p>
<p><img src="http://image.freshnewsasia.com/2016/ID-020/C/fn-2016-04-21-10-22-16-1.jpg" alt="" width="730" /></p>
<p><span style="color: #000000;"><a href="https://www.facebook.com/freshnewsasia/videos/545260182312444/" target="_blank"></a></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>