<div class="article-content">
<p><strong>សេអ៊ូល៖</strong> ក្នុងគោលដៅបង្ហាញ ពីចំណងទំនាក់ទំនងដ៏រឹងមាំ រវាងមេដឹកនាំរបបនយោបាយ<br /> ប្រកបដោយគ្រោះថ្នាក់ ពីររូបក្នុងកែវភ្នែក របស់សហរដ្ឋអាមេរិក លោកប្រធានាធិបតី បាស្សា <br />អាល់អាស្សាដ បានបញ្ជូនសារ ទៅកាន់លោក គីម ជុងអ៊ុន មេដឹកនាំប្រទេស កូរ៉េខាងជើង។<br /> នេះបើយោងតាមទីភ្នាក់ងារ សារព័ត៌មានរដ្ឋប្រចាំ រដ្ឋាភិបាលក្រុង ព្យុងយ៉ាង។</p>
<p>ទីភ្នាក់ងារសារព័ត៌មាន Yonhap ចុះថ្ងៃទី០៨ ខែកញ្ញា ឆ្នាំ២០១៣ នេះបានឲ្យដឹងថា លោកប្រធា<br />នាធិបតី បាស្សា អាល់ អាស្សាដ កំពុងស្តែងឲ្យឃើញពីការត្រៀមខ្លួន ទប់ទល់ការវាយប្រហារ<br />ដោយយោធា ពីសំណាក់សហរដ្ឋអាមេរិក តាមរយៈការសម្តែងការ អបអរសាទរចំពោះមេដឹកនាំ<br /> គីម រួមនឹងប្រជាជនកូរ៉េខាងជើង ក្នុងឱកាសនៃការរៀបចំខួប លើកទី៦៥នៃកំណើតប្រជាជាតិ<br />កុម្មុយនីស។នេះបើយោងតាមការលើកឡើងរបស់ភ្នាក់ងារសារព័ត៌មាន KCNA។</p>
<p>ប្រភពដដែលបានឲ្យដឹងថា ក្នុងសារដែលផ្ញើទៅកាន់ប្រទេស កូរ៉េខាងជើង លោក អាស្សាដ បាន<br />បញ្ជាក់សារជាថ្មី របស់ប្រទេស ស៊ីរី ដែលខិតខំប្រឹងប្រែង ពង្រឹងនូវទំនាក់ទំនងមិត្តភាព និងកិច្ច<br />សហប្រតិបត្តិការរវាង ប្រទេសទាំង ពីរ។</p>
<p>គួរបញ្ជាក់ថា ប្រទេស កូរ៉េខាងជើង រងការចោទប្រកាន់ថា បានចូលរួមចំណែក ជួយប្រទេសស៊ីរី <br />ក្នុងការអភិវឌ្ឍន៍ និងមានស្តុកអាវុធគីមី។ ដោយឡែក របបផ្តាច់ការស៊ីរី ក៏បានរងការចោទប្រកាន់<br />ថា បានប្រើប្រាស់ឧស្ម័នពុល វាយ ប្រហារប្រជាជនស៊ីវិលផងដែរ ក្នុងពេលថ្មីៗនេះ។</p>
<p>ខណៈដែលលោក អូបាមា កំពុងត្រៀមខ្លួនវាយប្រហារប្រទេសស៊ីរី រដ្ឋាភិបាលរបស់លោកអាស្សាដ<br /> ក៏បានសម្តែងនូវតម្រូវការក្នុងការបង្រួមបង្រួម ចំណងមិត្តភាពប្រវត្តិសាស្រ្តរបស់ខ្លួនជាមួយប្រទេស<br />កូរ៉េខាងជើង និងបណ្តា ប្រទេសដទៃផ្សេងទៀតផងដែរ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Hou-0007.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>