<p><span style="color: #000000;"><strong>(សៀមរាប)៖</strong> ដើម្បីត្រៀមខ្លួន រៀបចំពិធីបញ្ចាំងខ្សែភាពយន្ត «មុនដំបូងខ្មែរក្រហមសម្លាប់ប៉ារបស់ខ្ញុំ» របស់លោកស្រី Angelina Jolie ជាតារា និងជាផលិតករដ៏ល្បី របស់Hollywood ឲ្យដំណើរការទៅដោយរលូន នៅថ្ងៃទី១៦ ខែកុម្ភៈ ឆ្នាំ២០១៧នេះ លោក ស៊ុ ម៉ាប់ អគ្គនាយកអាជ្ញាធរជាតិអប្សរា រួមនឹងថ្នាក់ដឹកនាំជាច្រើនរូប បានចុះត្រួតពិនិត្យការងារ និងពិភាក្សាការងារ មួយចំនួននៅទីលាន ជល់ដំរី ដែលជាទីតាំងបញ្ចាំងខ្សែភាពយន្ត ។</span></p>
<p><span style="color: #000000;">ខ្សែភាពយន្តបែបប្រវត្តិសាស្ត្រ ដែលរំឭកអំពីប្រវត្តិដ៏ជូរចត់នៃរបបវាលពិឃាត ដឹកនាំផលិតដោយលោកស្រី Angelina Jolie ជាតារា និងជាផលិតករដ៏ល្បីរបស់ Hollywood នឹងត្រូវចាក់បញ្ចាំង ជាលើកដំបូងបង្អស់ នៅលើវាលស្មៅ នៃព្រះលានជល់ដំរី នាថ្ងៃទី១៨-១៩ ខែកុម្ភៈ ឆ្នាំ២០១៧ ក្រោមព្រះរាជាធិបតីភាព ដ៏ខ្ពង់ខ្ពស់បំផុត នៃព្រះករុណាព្រះបាទសម្តេចព្រះនរោត្តម សីហមុនី ព្រះមហាក្សត្រ នៃកម្ពុជា និងសម្តេចព្រះមហាក្សត្រី ព្រះវររាជមាតាជាតិខ្មែរ នរោត្តម មុនីនាថ សីហនុ។</span></p>
<p><span style="color: #000000;">លោក ហុក ប៉េងសែ អគ្គនាយករង ដែលបានរួមដំណើរចុះត្រួតពិនិត្យទីតាំងនេះ បានបញ្ជាក់ថា អាជ្ញាធរជាតិអប្សរា បានត្រៀមខ្លួន យ៉ាងល្អ ក្នុងកិច្ចសហការរៀបចំសម្ពោធ និងបញ្ចាំងខ្សែភាពយន្តអន្តរជាតិ នៅពេលនេះ។ លោកបានបន្តថា អាជ្ញាធរជាតិអប្សរា បានចូលរួមបញ្ជូនអ្នកបច្ចេកទេស រៀបចំទីតាំង សម្រួលលំហូចរាចរ និងថែរក្សាអនាម័យសណ្តាប់ធ្នាប់ ជាដើម។</span></p>
<p><span style="color: #000000;">លោក ជៀប សុវិជ្ជា នាយកបណ្តុះបណ្តាលជំនាញ និងទទួលថតភាពយន្តនៅកម្ពុជា នៃក្រសួងវប្បធម៌និងវិចិត្រសិល្បៈ ថ្លែងថា ការបញ្ចាំងខែ្សភាពដ៏ធំនេះ គឺជាមោទនភាពបំផុតដែលត្រូវបានរៀបចំឡើង នៅតំបន់អង្គរ ជាលើកដំបូងបង្អស់ ក្រោមព្រះរាជវត្តមាន របស់ព្រះករុណាជាអម្ចាស់ជីវិតតម្កល់លើត្បូង និងសម្តេចព្រះមហាក្សត្រី ព្រះវររាជមាតាជាតិខ្មែរ។</span></p>
<p><span style="color: #000000;">លោកបញ្ជាក់ថា អ្នកដែលត្រូវអញ្ជើញចូលរួមទស្សនាខ្សែភាពយន្តនេះ គឺក្រៅមន្ត្រីរាជការ និងមន្ត្រីទូតគ្រប់ប្រទេស គឺមានប្រជាពលរដ្ឋ ដែលបានចូលរួមសម្តែង និងក្រុមបច្ចេកទេស ដែលបានចូលរួមផលិតភាពយន្តកន្លងមក។</span></p>
<p><span style="color: #000000;">លោក ជៀប សុវិជ្ជា ក៏បានបដិសេធនូវព័ត៌មានមួយចំនួន ដែលលើកឡើងថា ប្រជាពលរដ្ឋគ្រប់គ្នា អាចចូលទស្សនាបាន ដោយសេរី ដោយលោកបញ្ជាក់ថា ការចូលទស្សនា គឺត្រូវបានកំណត់តាមចំនួនលិខិត ដែលបានអញ្ជើញប៉ុណ្ណោះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/2/16/1-16-02-2017--16-09-05.png"><img src="/FileManager/Articles/mce/2017/2/16/1-16-02-2017--16-09-05.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2017/028/fn-2017-02-16-14-59-44-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-02-16-14-59-44-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-02-16-14-59-44-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-02-16-14-59-44-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-02-16-14-59-45-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-02-16-14-59-45-5.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>