<p><span style="color: #000000;"><strong>(ភ្នំពេញ)៖</strong> បន្ទាប់ពីបើកសវនាការ នៅព្រឹកថ្ងៃទី១៣ ខែមករា ឆ្នាំ២០១៧នេះ សភាស៊ើបសួរសាលាឧទ្ធរណ៍បានសម្រេចដោះលែង លោក ឌិន ពុទ្ធី ប្រធានសមាគមពង្រឹងសេដ្ឋកិច្ចក្រៅប្រព័ន្ធកម្ពុជា ដែលមានគ្រោះថ្នាក់ចរាចរណ៍ជាមួយលោក ឈាន ពិសិដ្ឋ នាយរងប៉ុស្តិ៍ច្រកទ្វារព្រំដែនអន្តរជាតិប៉ោយប៉ែតនោះ ឱ្យនៅក្រៅឃុំជាបណ្តោះអាសន្នហើយ។ នេះបើតាមការបញ្ជាក់ពី លោក គីម សុជាតិ មេធាវីការពារក្តីឱ្យ លោក ឌិន ពុទ្ធី។</span></p>
<p><span style="color: #000000;">លោក គីម សុជាតិ មេធាវីការពារក្ដីលោក ឌិន ពុទ្ធី បញ្ជាក់នៅព្រឹកថ្ងៃទី១៣ ខែមករាថា ក្រោយបើកសវនាការជាអសាធារណៈ លោក ងួន រតនា ប្រធានក្រុមប្រឹក្សាជំនុំជម្រះសភាស៊ើបសួរសាលាឧទ្ធរណ៍ សម្រេចដោះលែងលោក ឌិន ពុទ្ធី ឲ្យនៅក្រៅឃុំបណ្តោះអាសន្ន ដោយភ្ជាប់លក្ខខណ្ឌពោលគឺមិនត្រូវផ្លាស់ប្ដូរទីលំនៅ និងត្រូវចូលបំភ្លឺតាមដីកាកោះរបស់តុលាការជាដើម។</span></p>
<p><span style="color: #000000;">សវនាការនេះគឺគ្មានវត្តមានលោក ឌិន ពុទ្ធី នោះទេ តែមេធាវី លោក គីម សុជាតិ ការពារក្ដីលោក ឌិន ពុទ្ធី បានចូលរួមសវនាការដើម្បីតតាំងនីតិវិធី ។</span></p>
<p><span style="color: #000000;">សភាស៊ើបសួរសាលាឧទ្ធរណ៍សវនាការពេលនេះ ដឹកនាំដោយលោក ងួន រតនា ជាប្រធានក្រុមប្រឹក្សាជំនុំជម្រះ លោក យូ ប៊ុនណា លោក អិន វ៉ានវិបុល ជាសមាជិក និង លោក ហ៊ាន រិទ្ធ ជាតំណាងមហាអយ្យការ ។</span></p>
<p><span style="color: #000000;">សូមជំរាបថា កាលពីរសៀលថ្ងៃទី២២ ខែធ្នូ ឆ្នាំ២០១៦ មានករណីគ្រោះថ្នាក់ចរាចរណ៍មួយ នៅត្រង់ក្បាលស្ពានមិត្តភាពកម្ពុជា-ថៃ ច្រកទ្វារអន្តរជាតិប៉ោយប៉ែត រវាងថយន្តម៉ាក LEXUS RX300 ពាក់ស្លាក់លេខ ប-ជ 2A 5484 ពណ៌ស្ករ បើកបរដោយ លោក ឌិន ពុទ្ធី ប្រធានសមាគមសេដ្ឋកិច្ចក្រៅប្រព័ន្ធ ជាមួយ លោកវរសេនីយ៍ត្រី ឈាន ពិសិដ្ឋ នាយរងប៉ុស្តិ៍អន្តោប្រវេសន៍ប៉ោយប៉ែត ដែលចុះរៀបចំសណ្ដាប់ធ្នាប់នៅលើស្ពានមិត្តភាពកម្ពុជា-ថៃ។ ករណីនេះសមត្ថកិច្ចក៏បាន ឃាត់ខ្លួន លោក ឌិន ពុទ្ធី អ្នកបើកបររថយន្តបញ្ជូនទៅតុលាការភ្លាមៗផងដែរ ហើយតុលាការខេត្តបន្ទាយមានជ័យ បានសម្រេចឃុំខ្លួន លោក ឌិន ពុទ្ធិ បណ្តោះអាសន្នតែម្តង។</span></p>
<p><span style="color: #000000;">សូមបញ្ជាក់ថា អយ្យការអមសាលាដំបូងខេត្តបន្ទាយមានជ័យ និងក្រសួងមហាផ្ទៃ បានចេញសេចក្តីថ្លែងការណ៍ជុំវិញករណីគ្រោះថ្នាក់ចរាចណ៍នេះ៕</span></p>
<p><br /><a class="thickbox" title="" href="/FileManager/Commons/2017/1/13/1-13-01-2017--10-44-51.png"><img src="/FileManager/Articles/mce/2017/1/13/1-13-01-2017--10-44-51.png" alt="" /></a></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-13-09-14-40-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-13-09-18-30-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-29-17-31-42-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-29-17-31-42-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-12-27-20-07-44-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-12-27-20-07-44-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>