<p>នៅរសៀលថ្ងៃទី១៧ ខែកក្កដា ឆ្នាំ២០១២ គណបក្សសិទ្ធិមនុស្ស និងគណបក្សសមង្ស៊ី បានប្រកាស<br /> ថា នឹងបង្កើតគណបក្សថ្មីមួយ ដែលនឹងមានលោក សម រង្ស៊ី ជាប្រធាន ហើយលោក កឹម សុខា ជា<br /> អនុប្រធាន។</p>
<p> <a class="thickbox" title="" href="/FileManager/Commons/2012/7/17/ch-0229-17-07-2012--18-29-43.jpg"><img style="display: block; margin-left: auto; margin-right: auto;" src="/FileManager/Articles/mce/2012/7/17/ch-0229-17-07-2012--18-29-43.jpg" alt="" width="412" height="252" /></a></p>
<p>នៅក្នុងសន្និសីទកាសែត នៅទីស្ដីការគណបក្ស សម រង្ស៊ី តាមរយៈ Video Conference ពីទីក្រុង<br /> ម៉ានីល ប្រទេសហ្វីលីពីន នៅរសៀលថ្ងៃទី១៧ ខែកក្កដា មេដឹកនាំគណបក្សទាំងពីរ លោក កឹម<br /> សុខា និងលោក សម រង្ស៊ី បានថ្លែងទៅកាន់អ្នកយកព័ត៌មានជាតិ និងអន្តរជាតិថា ពួកគាត់បាន<br /> ព្រមព្រៀងគ្នាបង្កើតចលនាប្រជាធិបតេយ្យសង្គ្រោះជាតិ និងបង្កើតគណបក្សថ្មីមួយនៅពេលខាង<br /> មុខ ដែលស្ថាប័នទាំងពីរនេះ លោក សម រង្ស៊ី ជាប្រធាន និងលោក កឹម សុខា ជាអនុប្រធាន ដើម្បី<br /> ទល់ប្រកួតប្រជែងជាមួយនឹងគណបក្សកាន់អំណាចបច្ចុប្បន្ន។</p>
<p>លោក សម រង្ស៊ី បានមានប្រសាសន៍ថា «យើងបានសម្រេចជាប្រវត្តិសាស្រ្ត ចាប់ពីថ្ងៃនេះទៅឆាក<br />នយោបាយនៅប្រទេស កម្ពុជាមានការផ្លាស់ប្តូរដ៏សំខាន់។ សេចក្តីសម្រេចនេះគឺជាការសម្រេច<br />រវាងគណបក្សទាំងពីរ ដែលប្តេជ្ញាចិត្ត បំពេញបេសកកម្មស្រោចស្រង់ប្រទេសជាតិជាមួយគ្នា….»</p>
<p>ទោះបីជាយ៉ាងនេះក្ដី ទាំងលោក កឹម សុខា និងលោក សម រង្ស៊ី មិនទាន់បញ្ជាក់ច្បាស់លាស់នៅ<br />ឡើយថា តើគណបក្សបង្កើតថ្មីនោះមានឈ្មោះអ្វី និងបង្កើតនៅក្នុងខែណានោះទេ។ គួរបញ្ជាក់ថា<br />រយៈពេលជាងមួយខែមកហើយ ដែលគណបក្សទាំងពីរបានគិតគូរអំពីការបង្កើតគណបក្សថ្មីនេះ<br /> ប៉ុន្តែ នៅតែមិនទាន់អាចនិយាយឲ្យដាច់ស្រឡះបាន អំពីឈ្មោះគណបក្សថ្មីនោះ។ ហើយតើគណ<br /> បក្សថ្មីនោះ នឹងមានន័យបែបណា នៅពេលដែលលោកសមរង្ស៊ីដែលជានឹងក្លាយជាប្រធាននោះ<br /> មិនអាចធ្វើនយោបាយនៅក្នុងប្រទេសបាន ដោយសារតែលោករស់នៅក្រៅប្រទេស គេចចេញពី<br /> ការចាប់ឃុំខ្លួននៅពន្ធនាគារ ពីព្រោះតែលោកត្រូវតុលាការផ្តន្ទាទោសក្នុងរឿងដកបង្គោលព្រំដែន។</p>
<p style="text-align: right;">ដោយ៖ មិនា<br />ប្រភព៖ សរុប</p>