<p><strong>ភ្នំពេញ៖</strong> ជនសង្ស័យជាចោរ ឆក់កាបូបម្នាក់ ត្រូវបានសមត្ថកិច្ចនគរបាល ខណ្ឌចំការមនប្រដេញ<br /> និងចាប់ខ្លួននៅចំណុចក្បែរភ្លើងស្តុប បូកគោ ផ្លូវលេខ៧១ សង្កាត់បឹងកេងកងទី១ ខណ្ឌចំការមន<br /> កាលពីវេលាម៉ោង ៨ និង១០នាទីព្រឹកថ្ងៃទី ២២ ខែមករា ឆ្នាំ២០១៣ បន្ទាប់ពីជនសង្ស័យម្នាក់ នេះ<br /> ធ្វើសកម្មភាពឆក់កាបូបជនបរទេសម្នាក់ ដែលកំពុងជិះម៉ូតូកង់បី ធ្វើដំណើរទៅលើកំណាត់ផ្លូវប៉ាស្ទ័រ<br /> ជាប់របងវិទ្យាជាតិអប់រំ បានបើកព្យាយាម រត់គេចខ្លួនដល់ចំណុចខាងលើ ត្រូវសមត្ថកិច្ចចាប់ជាប់<br />តែម្តង។</p>
<p id=":12e">សមត្ថកិច្ចបានឲ្យដឹងថា ជនរងគ្រោះជាស្ដ្រីមានសញ្ជាតិ បារាំង ឈ្មោះ Sophie អាយុ៣៦ឆ្នាំ ត្រូវបាន<br />ជនសង្ស័យម្នាក់ ជិះម៉ូតូមួយគ្រឿង បើកមក អែបរួចធ្វើសកម្មភាពឆក់ យកកាបូប។</p>
<p>ស្ដ្រីរងគ្រោះបាននិយាយ ប្រាប់សមត្ថកិច្ចថា រូបគេ បានចេញពីសណ្ឋាគាររ៉ូយ៉ាល់ផាលេសដោយធ្វើ<br />ដំណើរតាមម៉ូតូកង់៣ ក្នុងបំណងទៅកន្លែងធ្វើការនៅម្ដុំទួលទំពូង លុះមកដល់មុខវិទ្យាស្ថានជាតិអប់<br />រំ ទល់មុខវត្ដលង្កា ត្រូវជនសង្ស័យជិះម៉ូតូមកអែបខាងស្ដាំក្បែររ៉ឺម៉កម៉ូតូ កង់៣ រួចធ្វើសកម្មភាព ឆក់<br />យកកាបូប ហើយជិះម៉ូតូយ៉ាងលឿន គេចទៅទិសខាងលិចតាមផ្លូវព្រះសីហនុ។</p>
<p>ជនសង្ស័យ ដែលសមត្ថកិច្ចស្ទាក់ចាប់បាន មានឈ្មោះ សុង វិទូ ភេទប្រុស អាយុ២៨ឆ្នាំ មុខរបរមិន<br />ពិតប្រាកដ ស្នាក់នៅភូមិកោះដាច់ ខណ្ឌប្ញស្សីកែវ ជិះម៉ូតូម៉ាកហុងដា សេ១២៥ ស៊េរី២០១២ ពាក់<br />ស្លាកលេខ ភ្នំពេញ 1BF-8520 ត្រូវបានសមត្ថកិច្ចនគរបាលបញ្ជូនមកអធិការដ្ឋានខណ្ឌចំការមន <br />ដើម្បីសាកសួរបន្ដ។</p>
<p>សមត្ថកិច្ចបន្តថា នៅក្នុងកាបូបរបស់ស្រ្តីរងគ្រោះ មានទូរស័ព្ទដៃ លុយនិងសម្ភារ:មួយចំនួន ហើយ<br />បានប្រគល់ជូនជនរងគ្រោះវិញ គឺមានបាត់តែ វីសាកាត១ប៉ុណ្ណោះ ។ បច្ចុប្បន្នជនសង្ស័យត្រូវបាន<br />ឃុំខ្លួន នៅអធិការដ្ឋាននគរបាលខណ្ឌចំការមន ដើម្បីកសាងសំណុំរឿងបញ្ជូនទៅសាលាដំបូង រាជ<br />ធានីភ្នំពេញ ចាត់ការតាមនីតិវិធីច្បាប់៕</p>
<p><a class="thickbox" title="" href="/FileManager/Commons/2013/1/22/that-0517-22-01-2013--16-35-48.jpg"><img src="/FileManager/Articles/mce/2013/1/22/that-0517-22-01-2013--16-35-48.jpg" alt="" /></a></p>
<p><a class="thickbox" title="" href="/FileManager/Commons/2013/1/22/that-0518-22-01-2013--16-36-15.jpg"><img src="/FileManager/Articles/mce/2013/1/22/that-0518-22-01-2013--16-36-15.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>