<p>លោក ថាក់ស៊ីន ស៊ីណាវ៉ាត្រា (Thaksin Shinawatra) អតីតនាយករដ្ឋមន្ត្រថៃ រួមនិងតំណាងរាស្រ្ត<br />គណបក្សភឿថៃ ថ្នាក់ដឹកនាំក្រុមអាវក្រហម និងប្រជាពលរដ្ឋថៃអាវក្រហមប្រមាណ ៥ម៉ឺននាក់ បាន<br />មកទីក្រុងប្រវត្តិសាស្ត្រ សៀមរាប ប្រកបដោយសុខសួស្តី ក្រោមសេចក្ដីសន្ដោសប្រណី ពី សម្តេច<br />តេជោ ហ៊ុន សែន ដែលបានផ្តល់ទីតាំងយ៉ាងល្អ និងប្រកបដោយសុខសុវត្ថិភាពខ្ពស់បំផុត សម្រាប់<br />ការស្នាក់នៅ និងរៀបចំវេទិកាជួបជុំ ធ្វើបុណ្យទានតាមប្រពៃណី បែបព្រះពុទ្ធសាសនា ក្នុងឱកាស<br />បុណ្យចូលឆ្នាំថ្មី ឆ្លងមហាសង្រ្កាន្ដ។</p>
<p><span class="thickbox"><img src="/FileManager/Articles/mce/2012/4/16/t203-16-04-2012--23-19-35.jpg" alt="" /></span></p>
<p>លោកថាក់ស៊ីន ស៊ីណាវ៉ាត្រា អតីតនាយករដ្ឋមន្រ្ដីថៃដ៏មានប្រជាប្រិយភាព បានមកដល់ក្រុង<br />សៀមរាប តាមការគ្រោងទុករូចហើយកាលពីវេលាព្រឹក ថ្ងៃទី១៤មេសា២០១២ ដោយមានក្រុម<br />អាវក្រហមប្រមាណជាង៥ម៉ឺននាក់ ជាមួយក្រុមមន្ដ្រីអាជ្ញាធរកម្ពុជាជាច្រើននាក់ទទួលស្វាគមន៍<br />យ៉ាងរាក់ទាក់កក់ក្ដៅ ខណៈលោកថាក់ស៊ីនធ្វើដំណើរចុះពីយន្ដហោះពិសេសផ្ទាល់ខ្លួនរបស់លោក<br />នៅក្រុង សៀមរាប។</p>
<p><a class="thickbox" title="" href="/FileManager/Commons/2012/4/16/t215-16-04-2012--23-19-50.jpg"><img src="/FileManager/Articles/mce/2012/4/16/t215-16-04-2012--23-19-50.jpg" alt="" /></a></p>
<p>ព្រឹកព្រលឹមថ្ងៃទី១៥ មេសា ឆ្នាំ២០១២ ប្រជាជនថៃរាប់ម៉ឺននាក់បានមកជួបជុំគ្នានៅទីលាន<br />ខាងមុខប្រាង្គប្រាសាទអង្គរវត្ត ដើម្បីបានជួបសម្ដែងការគួសម ចំពោះ លោក ថាក់ ស៊ីន ជាថ្មី<br /> និងបានប្រគេនចង្ហាន់បិណ្ឌបាត ចំពោះព្រះសង្ឃ ព្រមទាំងស្រោចស្រង់ទឹកមន្ដគិរី សិរីសួស្ដី<br />ឆ្នាំថ្មី។ បន្ទាប់មកលោក ថាក់ ស៊ីន បានធ្វើដំណើរចូលក្នុងហ្វូងមហាជនថៃដែលកំពុងរងចាំ<br />ចង់ជួបលោកយ៉ាងខ្លាំង ក្នុងពេលដែលកំពុងបន្តបាញ់ ជះទឹកមន្តនោះ។ បន្ទាប់មកទៀតលោក<br />បានផ្ដល់នូវសេចក្ដីសម្ភាស និងផ្ញើរសារទៅជនរួមជាតិថៃ នៅចំពោះមុខសារព័ត៌មានថៃ ព័ត៌មាន<br />ជាតិ-អន្តរជាតិយ៉ាងពិស្ដារ។</p>