<div class="article-content">
<p><strong>កំពត ៖</strong> ស្រ្តីជាឃាតក ឈាមស្រែកស្បែកហៅ ត្រូវបានកម្លាំងការិយាល័យ កណ្តាលនគរបាល<br />ព្រហ្មទណ្ឌ នៃស្នងការដ្ឋានខេត្ត សហការជាមួយកម្លាំងនគរបាលក្រុងកំពត ដែលដឹកនាំកម្លាំង<br />ដោយ លោកឧត្តម សេនីយ៍ត្រី ម៉ៅ ច័ន្ទមធុរិទ្ធ ស្នងការរងខេត្ត ហើយដោយមានការចង្អុលបង្ហាញ<br /> ពីលោកស្នងការផងនោះ គឺកម្លាំងខាងលើបានចុះទៅធ្វើករឃាត់ខ្លួនស្រ្តីជាជនសង្ស័យម្នាក់ នៅ<br />វេលាម៉ោង១០ព្រឹក ថ្ងៃទី២៥ ខែ កញ្ញា ឆ្នាំ ២០១៣ នៅចំណុចផ្ទះមិត្តភ័ក្តិរបស់ជនសង្ស័យ ស្ថិតក្<br />នុងភូមិវាលត្បាល់ ឃុំមានជ័យ ស្រុកឈូក ខេត្តកំពត ។</p>
<p>នគរបាលព្រហ្មទណ្ឌខេត្តបានឲ្យដឹងថា ស្រ្តីជាជនសង្ស័យមានឈ្មោះ ក្រិច ធឿន ហៅ ចេក ធៀន <br />អាយុ ៣១ឆ្នាំ មុខរបរ មិនពិតប្រាកដ ។ បច្ចុប្បន្នស្នាក់នៅក៏មិនពិតប្រាកដដែរ ។ មានស្រុកកំណើត<br />រស់នៅភូមិ វាលស្បូវ ឃុំនរាយណ៍ ស្រុកឈូក ខេត្តកំពត ។</p>
<p>លោកឧត្តមសេនីយ៍ត្រី ម៉ៅ ច័ន្ទមធុរិទ្ធ ស្នងការរងខេត្ត ទទួលបន្ទុកប្រធានការិយាល័យ កណ្តាល<br />នគរបាល ព្រហ្មទណ្ឌបានឲ្យមជ្ឈមណ្ឌលព័ត៌មានដើមអម្ពិលដឹងថា ក្រោយពីធ្វើការចាប់ខ្លួនដើម្បី<br />មកសាកសួរនៅឯ ស្នងការដ្ឋានរួចមក ស្រ្តីជាជនសង្ស័យរូបនេះ ក៏បានសារភាពថា ខ្លួនពិតជាបាន<br />សម្លាប់ស្រ្តីរងគ្រោះឈ្មោះ សៀង ចាន់ណាក់ អាយុ ៣០ឆ្នាំ ពិតប្រាកដមែន ដោយធ្វើសកម្មភាព <br />យកកូនកាំបិតចិតបន្លែចាក់ពោះ ឆ្កឹះ ពោះវៀនចេញ និងចាក់សុះសាច់ លើដងខ្លួនថែមទៀតផង ។</p>
<p>លោក ម៉ៅ ច័ន្ទមធុរិទ្ធ បន្តទៀតថា បច្ចុប្បន្នស្រ្តីជាឃាតកដោយសារមានជំងឺ គឺបានអនុញ្ញាតឲ្យទៅ<br /> សម្រាកព្យាបាល នៅមន្ទីរពេទ្យបង្អែកខេត្តកំពត ដោយមានការយាមកាបយ៉ាងតឹងរឹងបំផុត ខណៈ<br />ជំងឺធូ ស្បើយហើយ គឺនឹងចាត់ការទៅតាមនីតិវិធីច្បាប់ ។</p>
<p>គួរបញ្ជាក់ផងដែរថា ស្រ្តីរងគ្រោះឈ្មោះ សៀង ចាន់ណាក់ អាយុ ៣០ឆ្នាំ បច្ចុប្បន្នរស់នៅភូមិទ្វីរខាង<br />ជើង សង្កាត់អណ្តូងខ្មែរ ក្រុង-ខេត្តកំពត ត្រូវបានឃាតកឈ្មោះ ក្រិច ធឿន ហៅ ចេក ធៀន ចាក់<br />សម្លាប់ជាង ១០កាំបិត ស្លាប់ភ្លាមៗនៅក្នុងបន្ទប់ទឹករបស់ផ្ទះស្រ្តីរងគ្រោះខាងលើ កាលពីចន្លោះវេ<br />លាម៉ោង ៥ ទៅ ម៉ោង ៦ល្ងាចថ្ងៃទី២៣ ខែកញ្ញា ឆ្នាំ២០១៣ នៅចំណុចផ្ទះស្រ្តីរងគ្រោះខាងលើ ។<br /> ក្រោយពីសម្លាប់បាន សម្រេចហើយ ក៏រត់គេចខ្លួនបាត់ស្រមោលតែម្តង ទើបនៅវេលាថ្ងៃនេះទេ ឈានទៅចាប់ខ្លួនបានក្រោយពីមានការស៊ើបអង្កេតយ៉ាងម៉ត់ចត់ ពីកម្លាំងសមត្ថកិច្ចរួចមក ។</p>
<p>បើតាមប្រភពពីស្រ្តី បម្រើការខារ៉ាអូខេ នៅក្នុងទឹកដីក្រុងកំពត បានឲ្យដឹងថា ស្រ្តីឃាតកមានឈ្មោះ<br />ខាង លើ ធ្លាប់មានប្តីដើម និងកូន ២នាក់ ប៉ុន្តែ ប្តីដើមបានលែងលះគ្នានៅឯស្រុកកំណើត ក្រោយ<br />មក មកធ្វើជា ស្រីបម្រើខារ៉ាអូខេ នៅក្នុងទឹកដីក្រុងកំពត ហើយបានយកបុរសម្នាក់កំបុតដៃទាំងពីរ<br />ធ្វើជាប្តីអស់រយៈពេល ជាច្រើនឆ្នាំ ប៉ុន្តែក្នុងរយៈពេល ២ឆ្នាំមុន ប្តីកំបុតដៃនេះត្រូវបាននគរបាល<br />ចាប់ខ្លួនដាក់ពន្ធនាគារខេត្ត ដោយសារជួញដូរគ្រឿងញៀន ។ ចាប់ពីប្តីកំបុតដៃជាប់គុកមក គឺជន<br />សង្ស័យរូបនេះ នៅតែធ្វើការបម្រើខារ៉ាអូខេ ដដែល ។ ៤ឆ្នាំមុនស្រ្តីឃាតកនេះធ្លាប់នគរបាលព្រហ្ម<br />ទណ្ឌខេត្ត ធ្វើការចាប់ខ្លួនម្តងរួចមកហើយ ដោយ សារយកកូនកាំបិតចាក់ប៉ុនប៉ងសម្លាប់ នារីបម្រើ<br />ខារ៉ាអូខេម្នាក់ ឈ្មោះ ថាវិន ចំឆ្អឹងខ្នងខាងក្រោយ ប៉ុន្តែ សំណាងហើយ នគរបាលបានដោះលែង<br />មកវិញ ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0993.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0994.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>