<p><strong>ភ្នំពេញ៖</strong> មុននេះបន្តិចតារាចម្រៀង ស្រីរាងតូចច្រឡឹង វ័យ២០ឆ្នាំ កញ្ញា រតនៈ ពិសី បានប្រាប់<br />ឲ្យដឹងថា គូស្នេហ៍នៅបារាំង មានគម្រោងឡើងយន្តហោះ ឆ្លងទ្វីបពីប្រទេសបារាំង មកស្រុកខ្មែរ<br />ដើម្បីជូបមុខ និងស្វែងយល់ពី ចិត្តគ្នារយៈពេលមួយខែ ទើបត្រឡប់ទៅបារាំងវិញ។</p>
<p>ដូចជាការគ្រោងទុក បុរសគូស្នេហ៍ របស់តារាស្រី នាង រតនៈ ពិសី មិនបានធ្វើឲ្យ ម្ចាស់ស្នេហ៍ម្នាក់<br />នេះ ខកចិត្តឡើយ គឺបានឡើងយន្តហោះ ពីប្រទេសបារាំង មកស្រុកខ្មែរ តាមពាក្យសន្យា ដើម្បី<br />បញ្ជាក់ពីក្តីស្នេហ៍ ដ៏ជ្រាលជ្រៅបំផុត ចំពោះរូបនាងមែន។</p>
<p>ជួបជាមួយគេហទំព័រ Looking TODAY តាមទូរស័ព្ទ នារសៀលថ្ងៃទី២២ ខែមេសា ឆ្នាំ២០១៣ នេះ<br />កញ្ញា រតនៈ ពិសី បាននិយាយប្រាប់ ឲ្យដឹងថា "ចាស....បង គាត់ (បុរសគូស្នេហ៍) មកដល់ស្រុកខ្មែរ<br /> បានប្រហែលជាងមួយ សប្តាហ៍ហើយ។ ឥឡូវនេះខ្ញុំ កំពុងតែរៀបចេញ ទៅដើរលេងនៅខេត្តកំពត <br />ជាមួយគាត់"។</p>
<p>តារាចម្រៀង ក្រៅផលិតកម្ម កញ្ញា រតនៈ ពិសី បាននិយាយបន្តថា ក្រោយពីនាង បានជូបជាមួយ <br />បុរសដែលជាគូស្នេហ៍ ម្នាក់នេះហើយនោះ គឺមើលឃើញថា បុរសម្នាក់នេះ មានលក្ខណៈល្អ៩០<br />ភាគរយ ។ ប៉ុន្តែនាងនូវ មិនទាន់សម្រេចចិត្ត ឆ្លើយយល់ព្រមថា ស្រលាញ់ទាំងស្រុងនោះទេ ព្រោះ<br />រង់ចាំមើល ចិត្តបន្តិចទៀតសិន។</p>
<p>រតនៈ ពិសី បានបន្តថា ជូនកាលដំបូងគេ ធ្វើល្អជាមួយយើង ក៏ថាបាន។ ម្យ៉ាងទៀត យើងក៏មិនទាន់<br /> បានស៊ើបពីប្រវត្តិ គេឲ្យបានច្បាស់ ហើយឆ្លើយថាស្រលាញ់ ភ្លាមក៏មិនកើត។ ណាមួយនាងមិនទាន់<br /> សម្រេចចិត្តរឿង គូអនាគតជាមួយ បុរសម្នាក់នេះដែរ បើសិនជាបុរសនេះ ស្រលាញ់នាង គឺត្រូវនៅ<br />មើលចិត្តគ្នា មួយឬពីរឆ្នាំទៀត ទើបអាចភ្ជាប់ពាក្យ ឬរៀបការជាមួយគ្នា។</p>
<p>តារាចម្រៀងស្រី វ័យក្មេង រតនៈ ពិសី បានលើកឡើងទៀតថា ឥឡូវនេះខ្ញុំមិនអាច សម្រេចភ្លាមៗទេ<br /> តែបើមើលទៅលើចរិក សម្តីសម្តៅ និង កាយវិការក្នុងពេលនេះ គឺល្អ៩០ភាគរយ អាចទទួលយកបាន។<br /> ប៉ុន្តែនាងនៅ មិនទាន់ប្រាកដថា ថ្ងៃខាងមុខទៅណា ម៉េចនោះទេ ព្រោះថា ដំបូងគេធ្វើល្អជាមួយ តែ<br />ថ្ងៃក្រោយទៅមិនដឹងថា ទៅជាយ៉ាងណានោះទេ ដូច្នេះមានតែចាំមើល បន្តិចទៀតសិន៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2515.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2516.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>