<p><strong>ភ្នំពេញៈ</strong> ស្រីស្អាត មាន សូនីតា ដែលកន្លងមក ធ្លាប់បានគ្រងតំណែង ជាតួឯកស្ទើរតែ គ្រប់រឿង<br /> នៅស្ថានីយទូរទស្សន៍ ស៊ីធីអិន ដោយសារនាងមានខ្នងបង្អែក ជាអ្នកដឹកនាំ រឿងល្បីឈ្មោះ ប្រចាំ<br />នៅស្ថានីយ ទូរទស្សន៍មួយនេះ ។ ដោយឡែកនៅពេល អ្នកស្រី ពាន់ ភួងបុប្ផា បានចាកចេញ ទៅ<br />បង្កើតផលិតកម្មថ្មី ខ្លួនឯងនោះ ក៏មានការលេចឮពី មាត់អ្នកសិល្បៈដូចគ្នា ថា សូនីតា មិនអាចបាន<br />គ្រងតំណែង ជាតួឯកស្រី នៅទូរទស្សន៍មួយនេះ បានទៀតទេ។</p>
<p>កន្លងមកស្រីស្រស់ សម្បូរស្នាមញញឹម មាន សូនីតា ត្រូវបានគេចាត់ទុកថា ជាអ្នកជំនិត នឹងអ្នកស្រី<br /> ពាន់ ភួងបុប្ផា ជាងគេនៅពេលចេញ ទៅថតរឿងម្តងៗ ។ នាងតែងតែត្រូវបាន អ្នកដឹកនាំរឿងរូបនេះ<br /> យកចិត្តទុកដាក់ខ្លាំង រហូតដល់មានការលើកឡើងថា បន្ទាប់ពីកូនប្រុសរបស់ អ្នកស្រីលែងលះគ្នារួច<br /> ទំនងជាអ្នកស្រី បុប្ផា អាចចាប់គូយកនាងធ្វើជាកូនប្រសារទី២ បន្ទាប់ពីអ្នកនាង សោម ម៉ាល័ក្ខ ទៀត<br />ផង ។</p>
<p>ពិធីការិនីសំឡេងស្រទន់ កញ្ញា មាន សូនីតា កាលពីពេលកន្លងទៅ ធ្លាប់ត្រូវបានខាង អ្នកដឹកនាំរឿង<br />ជាច្រើន បានធ្វើការរិះគន់ដោយសារតែ នាងបដិសេធ មិនទទួលការសម្តែងរឿង ឲ្យខាងក្រុមហ៊ុន<br />ណាមួយ ក្រៅពីរឿងរបស់ អ្នកស្រី ពាន់ ភួងបុប្ផា ។ នាងអះអាងថា គ្មានពេលវេលាគ្រប់គ្រាន់ ទទួល<br />ថតរឿងថ្មី តែការអះអាងបែបនេះ ត្រូវបានអ្នកដឹកនាំរឿង ចាត់ទុកថា គ្រាន់តែជាលេស របស់នាង<br />ប៉ុណ្ណោះ ។</p>
<p>ពេលនេះតួឯកស្រីក្នុងរឿង "បេះដូងអ្នកការពារ" រូបនេះ ត្រូវបានប្រភពពីអ្នកសិល្បៈ បានបង្ហើប<br />ប្រាប់ឲ្យដឹងថា ពេលនេះ សូនីតា មិនសូវមានការមមាញឹក ការងារប៉ុន្មានទេ ដោយសារតែពេល<br />នេះ ការថតរឿងហាក់ ដូចជាស្ងប់ស្ងាត់ ក្រោយពីនាងបានប្រកាសថា មិនទទួលសម្ដែងរឿងក្រៅ<br /> ពីរឿងរបស់អ្នក ដឹកនាំរឿងល្បីឈ្មោះ នៅស្ថានីយទូរទស្សន៍ ស៊ីធីអ៊ីន ។</p>
<p>ប៉ុន្តែក្រោយពីអ្នកដឹកនាំរឿង ល្បីឈ្មោះរូបនេះ បានចាកចេញ សម្រាប់ សូនីតា នឹងបាត់បង់ឱកាស<br />ពីការទទួលថតរឿងជាច្រើន ហើយលែងបានគ្រង តំណែងតួឯក នៅទូរទស្សន៍មួយ នេះទៀតផង ។<br /> ខ្សែភាពយន្តថ្មីរបស់ ស៊ីធីអ៊ីន គឺគ្មានវត្តមាន កញ្ញា សូនីតា ទៀតទេ ព្រោះថាបាត់ខ្នងបង្អែកធំហើយ ។</p>
<p>LookingTODAY មិនអាចទាក់ទងទៅ កញ្ញា មាន សូនីតា ដើម្បីឲ្យនាងបកស្រាយចំពោះ ការលើក<br />ឡើងបែបនេះបានទេ ។ ទោះជាយ៉ាងណា យើងក៏រង់ចាំជានិច្ច ចំពោះការបកស្រាយ របស់នាងជានិច្ច៕</p>
<p><img src="http://image.lookingtoday.com:81//lookingtoday/looking-images/news/2013/July/id-017/chetha-96.jpg" alt="Photo by LookingTODAY" width="500" /></p>
<p><img src="http://image.lookingtoday.com:81/lookingtoday/looking-images/news/2013/March/id-099/v_2221.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/March/id-099/v_2222.jpg" alt="Looking Today" width="500" /></p>
<p><img src="http://111.92.240.170:81/lookingtoday/looking-images/news/2013/Jan/id-099/v_0990.jpg" alt="Photo by Looking Today" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>