<p><strong>ភ្នំពេញៈ</strong> តារាចម្រៀងចំណូលថ្មី ដែលទស្សនិកជនស្គាល់ និងដាក់រហ័សនាមឲ្យថាជា តារា<br />ចម្រៀងខេមទី២ និងមានខ្លះទៀតលើកឡើងថា លោកជាកូនភ្លោះជាមួយ តារា ចម្រៀងខេម<br /> តារាចម្រៀងសំនៀងស្អក ប្រចាំផលិតកម្មថោនគឺ លោក រ៉ូមែន ដែលមាន ឈ្មោះពិតថា ធី <br />បូរិទ្ធ បានបង្ហើបប្រាប់ពីរឿងរ៉ាវឈឺចាប់ ស្នេហាជួបភាពប្រះឆា ដោយសារតែការជំនះចិត្តចង់<br /> ចូលប្រឡូកក្នុងវិថីសិល្បៈ សុខចិត្តបោះបង់អ្នកជាទីស្រលាញ់ ។</p>
<p>តារាចម្រៀងរះលើវិថីសិល្បៈ ប្រមាណជាជិត២ឆ្នាំ លោក រ៉ូមែន បានបរិយាយពីការងារ ឈឺ<br />ចាប់របស់លោកប្រាប់ Looking TODAY ឲ្យដឹងតាមទូរស័ព្ទ នៅថ្ងៃទី២៣ ខែកក្កដា ឆ្នាំ២០១៣<br />នេះថា បើរំឭកទៅដល់អតីតកាលលោកពិតជា ជួបរឿងសោកសង្រេង ឈឺចាប់តស៊ូមិនតិចទេ<br /> ទម្រាំតែលោកមានថ្ងៃនេះ សូម្បីតែក្រុមគ្រួសារ និងមនុស្ស ជាទីស្រលាញ់ក៏លោកត្រូវបង្ខំចិត្ត <br />បោះបង់ចោលទាំងអស់ ព្រោះតែសិល្បៈតែមួយមុខគត់ ។</p>
<p>តារាចម្រៀងមិនទាន់មានទ្រនំជ្រក លោក រ៉ូមែន បានប្រាប់ឲ្យទៀតថា “ ដើម្បីសិល្បៈខ្ញុំត្រូវមក<br />រស់នៅតែលតោលម្នាក់ឯង នៅទីក្រុងភ្នំពេញ ទាំងដែលខ្ញុំមិនធ្លាប់ស្គាល់ ទីក្រុងទំនើបមួយនេះ<br />ទាល់តែសោះ ខ្ញុំសុខចិត្តរត់មកទីក្រុងចោលគ្រួសារ និងម្ចាស់បេះដូងខ្ញុំបាន បង្កាត់ភ្លើងស្នេហា<br />ជាមួយ សង្សារសំណព្វចិត្តរបស់ខ្ញុំ តាំងពីនៅរៀនមកម្ល៉េះ ពួកខ្ញុំទាំងពីរនាក់ ស្រលាញ់គ្នាណាស់ <br />តែដល់ពេលខ្ញុំសម្រេចចិត្ត មកបណ្តែតក្បូនជីវិត លើវិថីសិល្បៈ ដោយមិនចង់បានអ្វីក្រៅ ពីឱកាស<br />ល្បីឈ្មោះនោះទេ ហើយចំណងស្នេហារបស់ខ្ញុំក៏ត្រូវកាត់ផ្តាច់តាំងពីពេលនោះមកដែរ”។</p>
<p>តារាចម្រៀងវ័យ២៣ឆ្នាំរូបនេះ បានប្រាប់ឲ្យដឹងបន្តទៀតថា ពេលនេះក្តីសង្ឃឹមរបស់លោកចាប់<br />ផ្តើមក្លាយជាការពិតហើយ លោកសប្បាយរីករាយ រំភើបចិត្តខ្លាំងណាស់ ដែលលោកមានឱកាស<br /> បានក្លាយជាតារាចម្រៀង អាចមានឱកាស ច្រៀងតាមខនសឺត ឡើងប៉ុស្តិ៍ បង្ហាញមុខតាមទូរទ-<br />ស្សន៍ “ខ្ញុំពិតជាមិននឹកស្មានទេថា ខ្ញុំអាចមានថ្ងៃនេះ ខ្ញុំមិនហ៊ានមានមហិច្ឆតា ខ្លាំងជាងនេះទៀតទេ <br />ហើយចំណែករឿងរ៉ាវស្នេហាខ្ញុំសូម បិទបេះដូង មិនចង់គិតពីរឿងនេះទៀតទេ ព្រោះថាមិនចង់ <br />យករឿងស្នេហាមកលាយឡំជាមួយ ការងារខ្លាចធ្លាក់ប្រជាប្រិយភាព ” ។</p>
<p>ជាមួយគ្នានោះដែល លោក រ៉ូមែន ក៏បានប្រាប់ឲ្យដឹងបន្ថែមទៀតថា រយៈពេល២ឆ្នាំនេះ លោក<br />បានទទួលការងារច្រើន ទាំងឱកាសច្រៀងនៅក្នុងក្លឹប Classic Night ហើយនិងថតខារ៉ាអូខេ <br />ឲ្យខាងផលិតកម្មជាច្រើនទៀត ហើយថ្មីៗនេះលោកទើបតែថតបញ្ចប់ ជាមួយកាយវិការខារ៉ាអូខេ<br />បទ “កុំភ្លេចស្វាយរៀង” ជាការបកស្រាយរបស់ កញ្ញា សុគន្ធ នីសា និងលោក ពែកមី និងបទ<br />ចម្រៀងជាច្រើនទៀតនេះ គឺជាលទ្ធផលដែលទទួលបានពី ការតស៊ូខំប្រឹងចេញ ពីញើសឈាម<br />របស់លោក លំបាកវេទនានាពេលកន្លងមក។</p>
<p>តារាចម្រៀងដែលទស្សនិកជន មានការយល់ច្រឡំថាជា កូនភ្លោះរបស់ លោក ខេម បានបង្ហើប<br />ប្រាប់ឲ្យដឹងថា លោកមិនធ្លាប់គិតថាចង់ល្បី ដោយពឹងទៅលើកេរ្តិ៍ឈ្មោះ របស់ លោក ខេម ទេ <br />គឺលោកចង់មានឈ្មោះល្បី ដោយខ្លួនឯងហើយ ចំពោះមុខនិងស្តាយ តុបតែងខ្លួននោះ លោកក៏<br />ចង់បកស្រាយដូចគ្នា តាមពិតលោក និងលោក ខេម មិនមានខ្សែស្រឡាយជា បងប្អូនគ្នាអីនោះទេ ហើយចំណែកស្តាយក្នុងការតុបតែងខ្លួន គឺលោកមានតាំង ពីមិនទាន់ចូលសិល្បៈម្ល៉េះ ។ នៅពេល<br />ដែលលោកចូលសិល្បៈ ហើយឃើញតារាចម្រៀងល្បីឈ្មោះ លោក ខេម លោកក៏មានការភ្ញាក់<br />ផ្អើលដូចគ្នា ម្យ៉ាងក៏មិននឹកស្មានថា មានការតុបតែងខ្លួនដូចគ្នា សំលេងច្រៀងស្រដៀងគ្នា និង<br />មុខមាត់ដូចគ្នានោះទេ លោកក៏ឆ្ងល់ដែរ ប្រហែលមកពីព្រហ្មលិខិត ហើយមើលទៅ៕</p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0830.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0825.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0826.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0827.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0828.jpg" alt="Looking Today" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធដោយ ៖ ដើមអំពិល </p>