<p><span style="color: #000000;"><strong>(ភ្នំពេញ)៖</strong> គិតត្រឹមម៉ោង១៦៖០០នាទីល្ងាចថ្ងៃទី២៩ ខែមេសា ឆ្នាំ២០១៦នេះ Facebook របស់សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានកើនឡើងរហូតដល់ជាង ៤លានហើយ បន្ទាប់ពីទទួលបានចំនួន៣លាន កាលពីថ្ងៃទី០៦ ខែមីនា។ ទាំងនេះអាចបង្ហាញ បានថា ប្រជាប្រិយភាពសម្តេចតេជោ ហ៊ុន សែន ពេលនេះកំពុងមានសន្ទុះកើន ឡើងដោយសារតែភាពសាមញ្ញច្បាស់លាស់និងហ្មឺងម៉ាត់ របស់សម្តេចក្នុងការដឹកនាំប្រទេស។</span></p>
<p><span style="color: #000000;">សូមជំរាបថា ចាប់តាំងពីសម្តេចតេជោ ហ៊ុន សែន បានប្រកាសបង្ហាញ Facebook ផ្លូវការកាលពីពាក់កណ្តាលខែកញ្ញា ២០១៥ កន្លងទៅនេះ គឺពលរដ្ឋកម្ពុជា ជាពិសេសយុវជនកាន់តែមានភាពជិតស្និទ្ធ និងទទួលបាននូវក្តីស្រឡាញ់ ភាពកក់ក្តៅនិងការយកចិត្តទុកដាក់ ពីសម្តេចតេជោ។ Facebook សម្តេចតេជោ គឺបានផ្តល់នូវដំណោះស្រាយល្អៗជាច្រើនដល់ប្រទេសជាតិ។ ប្រជាពលរដ្ឋសប្បាយចិត្ត និងពេញចិត្តចំពោះចំណាត់ ការដ៏ត្រឹមត្រូវ របស់សម្តេចកន្លងមក ដែលលើកតម្កើងផលប្រយោជន៍សង្គមជាតិជាធំ។ ពេលនេះប្រជាពលរដ្ឋ ជាពិសេសយុវជនកាន់តែមាន ឱកាសគ្រប់យ៉ាង ក្នុងការអភិវឌ្ឍន៌សង្គមគ្រួសារអោយកាន់ តែរីកចម្រើនទៅមុខ។</span></p>
<p><span style="color: #000000;">ចំពោះរាល់សកម្មភាព និងពាក្យពេចន៍ សម្តេចតេជោ ក្នុង Facebook គឺផ្តល់នូវការអប់រំ ដាស់តឿន ជំរុញ លើកទឹកចិត្តដល់ពលរដ្ឋនិង យុវជនអោយធ្វើអំពើល្អ គោរពច្បាប់ និងចូលរួមកសាងសង្គមជាតិអោយរីកចម្រើន។ ហើយកាលពីពេលថ្មីៗនេះទៀត សម្តេចតេជោ ហ៊ុន សែន បានចេញសេចក្តីប្រកាសណែនាំឲ្យគ្រប់ក្រសួងមន្ទីរ ខេត្ត ក្រុងនានា រៀបចំមន្រ្តីក្រុមការងារតាមដានពិនិត្យរាល់នូវសំណូមពរ ពាក្យបណ្តឹង និងសុខទុក្ខរបស់ពលរដ្ឋក្នុង Facebook សម្តេចតេជោ ដើម្បីផ្តល់នូវដំណោះស្រាយអោយបានលឿន និងមានប្រសិទ្ឋិភាព ជូនពលរដ្ឋ ទៅតាមការជឿនលឿននៃបច្ចេកវិទ្យា (E-Government) ដែលនឹងកាត់បន្ថយអំពើពុករលួយ អយុត្តិធម៌ និងភាពអសកម្មនៃការងារ ជាដើម៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/29/dsfs-29-04-2016--16-50-23.png"><img src="/FileManager/Articles/mce/2016/4/29/dsfs-29-04-2016--16-50-23.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>