<p><span style="color: #000000;"><strong>(ភ្នំពេញ)៖</strong> លោក សួស យ៉ារ៉ា អ្នកតំណាងរាស្រ្ត នៃប្រទេសកម្ពុជា ត្រូវបានជ្រើសតាំងជាអគ្គរដ្ឋទូតសុឆន្ទៈ នៃពិព័រណ៍វប្បធម៌ពិភពលោក ឃ្យុងយូឆ្នាំ២០១៧ (Ho Chi Minh City-Gyeongju World Culture Exp) ដែលនឹងត្រូវធ្វើឡើងនៅខែវិច្ឆិនា ក្នុងទីក្រុងហូជីមិញ ប្រទេសវៀតណាម។</span></p>
<p><span style="color: #000000;">គណៈកម្មាធិការពិព័រណ៍វប្បធម៌ពិភពលោកឃ្យុងយូសង្ឃឹមថា លោក សួស យ៉ារ៉ា ដែលធ្លាប់បានបំពេញការងារជាសហប្រធានប្រតិបត្តិ នៃ គណៈកម្មាធិការរៀបចំពិព័រណ៍វប្បធម៌អង្គរ-ឃ្យុងយូ២០០៦ (Angkor-Gyeongju World Culture Expo 2006) នឹងរួមចំណែកតភ្ជាប់ វប្បធម៌របស់អាស៊ីទៅកាន់ពិភពលោក និង សម្រេចបានលទ្ធផលជាផ្លែផ្កានៅពិព័រណ៍វប្បធម៌ពិភពលោកឃ្យុងយូឆ្នាំ២០១៧ ដែលត្រូវនឹង ខួបលើកទី១០ នៃពិព័រណ៍វប្បធម៌អង្គរ-ឃ្យុងយូ២០០៦។</span></p>
<p><span style="color: #000000;">លោក Kim Kwan-yong ប្រធានគណៈកម្មាធិការពិព័រណ៍វប្បធម៌ពិភពលោក (World Culture Exop Committee) និង ជាអភិបាល ខេត្តឃ្យុងសាងប៊ុកដូ មានបំណងចង់ឲ្យលោក សួស យ៉ារ៉ា ទទួលយកកិច្ចការនេះ ដោយផ្អែកលើវិសាលភាពការងារជោគជ័យកាលពី១០ ឆ្នាំមុន។ ពិព័រណ៍វប្បធម៌ពិភពលោកអង្គរ-ឃ្យុងយូ ត្រូវបានចាត់ទុកថា ជាព្រឹត្តិការណ៍វប្បធម៌អន្តរជាតិជោគជ័យទីមួយរបស់កូរ៉េខាងត្បូង។</span></p>
<p><span style="color: #000000;">លោកអភិបាលខេត្ត Kim Kwan-yong បានថ្លែងថា <strong>«ផ្អែកតាមបទពិសោធន៍ពីពិព័រណ៍វប្បធម៌ពិភពលោកអង្គរ-ឃ្យុងយូ ដែលជាព្រឹត្តិការ ណ៍លេចធ្លោមួយ ដោយបានជំរុញការនាំចេញសម្បត្តិវប្បធម៌កូរ៉េ លោក សួស យ៉ារ៉ា នឹងជួយគាំទ្រជំរុញព្រឹត្តិការណ៍ខាងមុខនេះឲ្យបានផុស ផុល»</strong>។</span></p>
<p><span style="color: #000000;">ពិព័រណ៍វប្បធម៌ ដែលនឹងរៀបចំនៅខែវិច្ឆិកា នាំឆ្នាំក្រោយនេះ នឹងសម្រេចចុងក្រោយដោយក្រសួងយុទ្ធសាស្រ្តហិរញ្ញវត្ថុកូរ៉េ។ នេះគឺជាការ តាំងពិព័រណ៍រដ្ឋបាលខេត្តនៅក្រៅប្រទេសលើកទី៣ បន្ទាប់ពីពិព័រណ៍វប្បធម៌ពិភពលោកអ៉ីស្តង់ប៊ុល-ឃ្យុងយូ ២០១៣។</span></p>
<p><span style="color: #000000;">សូមរំលឹកថា ពិព័រណ៍វប្បធម៌ពិភពលោកឃ្យុងយូ ត្រូវបានបង្កើតឡើងនៅឆ្នាំ១៩៩៦ ក្រោមគំនិតផ្តួចផ្តើមរបស់ខេត្តឃ្យុងសាងប៊ុកដូ នៃ សាធារណរដ្ឋកូរ៉េ។ ទីស្នាក់ការរបស់គណៈកម្មការរៀបចំពិព័រណ៍ស្ថិតនៅក្នុងក្រុងឃ្យុងយូ ដែលជាទីក្រុងបុរាណ Silla ដ៏ល្បីឈ្មោះ នៃអារិយ ធម៌កូរ៉េអស់រយៈកាល ៥០០០ឆ្នាំ។</span></p>
<p><span style="color: #000000;">ពិព័រណ៍វប្បធម៌ពិភពលោកឃ្យុងយូ ត្រូវបានរៀបចំរៀងរាល់ ២ ឬ ៣ឆ្នាំម្តង និងមានរយៈពេលតាំងពិព័រណ៍ប្រមាណ ៥០ថ្ងៃ។ រហូតមកដល់ បច្ចុប្បន្ន ពិព័រណ៍នេះ បានរៀបចំចំនួន ៨ដង រួចមកហើយ ដែលក្នុងនោះ ៦ដងនៅកូរ៉េ និង២ដងទៀត នៅក្រៅប្រទេស រួមមាននៅកម្ពុជា ក្នុងឆ្នាំ២០០៦ និងទួរគីឆ្នាំ២០១៣ ដោយមានអ្នកចូលរួមទស្សនាសរុបប្រមាណ ១៦លាននាក់។</span></p>
<p><span style="color: #000000;">ការចាប់ផ្តើមរៀបចំពិព័រណ៍វប្បធម៌ពិភពលោកនៅក្រៅប្រទេសកូរ៉េ បានចាប់ផ្តើមជាលើកដំបូងនៅខេត្តសៀមរាប ប្រទេសកម្ពុជា កាលពីចុង ឆ្នាំ២០០៦ ដែលចូលសហការរៀបចំដោយរាជរដ្ឋាភិបាលកម្ពុជា និងសាធារណរដ្ឋកូរ៉េ ដែលទទួលបានអ្នកចូលទស្សនាសរុបប្រមាណ ៣០០,៣០០០នាក់ ដោយមានការចូលរួមសម្តែងមកពី ៣៣ប្រទេស៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13516472_1015875075135013_6085876183690036351_n.jpg?oh=f732df2ae35230f1077ad6a8341bed15&oe=57F6DBF7" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13584680_1015875038468350_322934760149269124_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xfp1/t31.0-8/13576891_1015875055135015_1185769148981781360_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13507029_1015874981801689_5063570396692416865_n.jpg?oh=9d6c04ba1f68210278cf4689feece7dd&oe=57F598E4" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpf1/t31.0-8/13569023_1015874988468355_7607328649547496923_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xpf1/v/t1.0-9/13524573_1015874985135022_7833716836719807680_n.jpg?oh=39169819c41d608cf33cc5b4832974bc&oe=57EC3A09&__gda__=1475736886_186fe0168ace1afd8ce784ba838cf267" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13438862_1015875108468343_4517181010337688687_n.jpg?oh=022439e7f014a1379e8e5556aad4a5cc&oe=58349EC7" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>