<p><strong>ភ្នំពេញ៖</strong> កម្លាំងនគរបាល ខណ្ឌឫស្សីកែវ ដឹកនាំដោយលោក អធិការ នគរបាលខណ្ឌ ទៀង<br /> ច័ន្ទសា បានឃាត់ខ្លួន មន្រ្តីនគរបាល ចំនួន២នាក់ ដែលបាន បាញ់ប្រហារ ម្ចាស់រថយន្ត ដឹក<br />ម្ទេស បណ្តាលឲ្យរងរបួសធ្ងន់ ចំស្មា កាលពីយប់ រំលងអាធ្រាត្រ ចូលថ្ងៃទី២៨ ខែមករា ឆ្នាំ<br />២០១៣ ស្ថិតនៅជិតស្ពាន លីយ៉ុងផាត់ សង្កាត់ស្វាយប៉ាក ខណ្ឌឫស្សីកែវ ក្រោយពីមន្រ្តីនគរ<br />បាល ទាំងពីរនាក់នេះ បានទារលុយ ពីម្ចាស់រថយន្ត ខាងលើមិនបាន។</p>
<p>ប្រតិបត្តិការ ស្រាវជ្រាវ តាមចាប់ ជនសង្ស័យ ទាំងពីរនាក់នេះ ដែលជាមន្រ្តីនគរបាល បានធ្វើ<br />ឡើងកាលពីរសៀល ថ្ងៃទី២៨ ខែមករា ឆ្នាំ២០១៣ ក្រោយពីមានបទបញ្ជា របស់លោកស្នងការ<br /> នគរបាល រាជធានីភ្នំពេញ ឧត្តមសេនីយ៍ ជួន សុវណ្ណ និងស្នងការរង នគរបាល ទទួលបន្ទុក<br />កណ្តាល យុត្តិធម៌ លោក ជួន ណារិន្ទ ។</p>
<p>អធិការនគរបាល ខណ្ឌឫស្សីកែវ លោក ទៀង ច័ន្ទសា បានឲ្យដឹងថា កម្លាំងសមត្ថកិច្ច របស់<br />លោក ក្រោមបទបញ្ជារបស់ លោកស្នងការ និងស្នងការរង ទទួលផែន បានធ្វើការ ស្រាវជ្រាវ<br /> យ៉ាងយកចិត្តទុកដាក់ និងឈានទៅដល់ការ ឃាត់ខ្លួន ជនសង្ស័យទាំងពីរនាក់នេះ ដែលជា<br />មន្រ្តីនគរបាល ក្រោយពីបានបាញ់ ម្ចាស់រថយន្តទួរីស ដឹកម្ទេស បណ្តាលឲ្យ រងរបួសធ្ងន់ កាល<br />ពីថ្ងៃទី២៨ ខែមករា ឆ្នាំ២០១៣ ដោយសារតែ តាមទារលុយ។</p>
<p>យ៉ាងណាក៏ដោយ មិនទាន់មានការ បញ្ជាក់ថា មន្រ្តីនគរបាលទាំងពីរនាក់ ធ្វើការនៅអង្គភាព<br /> ណានោះទេ។ លោក ទៀង ច័ន្ទសា បានឲ្យដឹងថា បច្ចុប្បន្នជនសង្ស័យ ទាំងពីរនាក់ ត្រូវបាន<br />ឃុំខ្លួនជា បណ្តោះអាសន្ន នៅអធិការដ្ឋាននគរបាល ខណ្ឌឫស្សីកែវ ដើម្បីចាត់ការ តាមផ្លូវ<br />ច្បាប់។</p>
<p>សូមបញ្ជាក់ថា ម្ចាស់រថយន្តទួរីសរកស៊ីដឹកបន្លែ ពីស្រុកកោះធំ ខេត្តកណ្តាល ឆ្ពោះទៅព្រំដែន <br />ខេត្តប៉ៃលិន ត្រូវបានជន សង្ស័យចំនួន២នាក់ ស្លៀកពាក់ឯកសណ្ឋាននគរបាល ពណ៌ទឹកដោះ<br />គោ បាញ់ប្រហារមួយគ្រាប់ចំស្មា បណ្តាល ឲ្យរងរបួសធ្ងន់ កាលពីវេលាម៉ោង ១២ និង១៥នាទី<br />យប់រំលងអាធ្រាត្រ ចូលថ្ងៃទី២៨ ខែមករា ឆ្នាំ២០១៣ ស្ថិត នៅជិតស្ពានលី យ៉ុងផាត ក្នុងសង្កាត់<br />ស្វាយប៉ាក ខណ្ឌឬស្សីកែវ។ ការបាញ់ប្រហារនេះ បានកើតមានឡើង បន្ទាប់ ពីជនសង្ស័យទាំង<br />ពីរតាមទារលុយមិនបានពីជនរងគ្រោះ។</p>
<p>អ្នកស្រី វ៉ាត ស្រីលក្ខណ៍ អាយុជាង២០ឆ្នាំ ជាភរិយារបស់ជនរងគ្រោះ ឈ្មោះ ឌី វិចិត្រ អាយុ <br />២៩ឆ្នាំ រស់នៅក្នុង ភូមិសាលាឃុំ ឃុំពពេល ស្រុកបរិបូរណ៍ ខេត្តកំពង់ឆ្នាំង បានប្រាប់ដើមអម្ពិល<br />នៅក្នុងមន្ទីរពេទ្យកាល់ម៉ែត្រ ពេល កំពុងមើលថែប្តីថា មុនពេលកើតហេតុប្តីរបស់គាត់ ជាមួយ<br />ប្អូនប្រុសម្នាក់ទៀត បានបើករថយន្តទៅដឹកម្ទេស ពី ស្រុកកោះធំ លុះពេលមកដល់ភ្នំពេញ បាន<br />ចូលយកអ្នកស្រីទៅទាំងអស់គ្នា។</p>
<p>អ្នកស្រី វ៉ាត ស្រីលក្ខណ៍ បានបន្តថា ពេលបើករថយន្តដល់ចំណុចកើតហេតុ មានបុរស២នាក់<br /> ជិះម៉ូតូ២គ្រឿង ស្លៀកពាក់ឯកសណ្ឋាន ជានគរបាល ពណ៌ទឹកគោ បានជិះតាមពីក្រោយហើយ<br />គិតតែជេរបញ្ចោរទំនងចង់សុំ លុយ។</p>
<p>ភ្លាមៗនោះពួកគេទាំងពីរនាក់ បានទាញដុំថ្មគប់លើរថយន្តបណ្តាលឲ្យបែកកញ្ចក់។ អ្នកស្រីបន្ត<br />ទៀតថា នៅពេលឃើញបែបនេះ ប្តីរបស់អ្នកស្រីបានចុះពីរថយន្ត ក៏ត្រូវជនសង្ស័យម្នាក់ ទាញ<br />កាំភ្លើងបាញ់១គ្រាប់ចំស្មា ហើយគេចខ្លួនបាត់។ បច្ចុប្បន្នជនរងគ្រោះ កំពុងសម្រាក់ព្យាបាលនៅ<br />មន្ទីរពេទ្យកាល់ម៉ែត៕</p>
<p><a class="thickbox" title="" href="/FileManager/Commons/2013/1/29/st-193-29-01-2013--08-48-58.jpg"><img src="/FileManager/Articles/mce/2013/1/29/st-193-29-01-2013--08-48-58.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>