<p><span style="color: #000000;"><strong>រតនគិរីៈ</strong> បាតុភូតធម្មជាតិ រន្ទះបាញ់ បានឆក់យកជីវិត យុវជនម្នាក់ ទាំងភ្លៀងបើក ថ្ងៃនៅចំណុចដី ចំការ មួយកន្លែង ស្រុកអូរ យ៉ាដាវ ខេត្តរតនគិរី កាលពីវេលាម៉ោង១និង៣០នាទីរសៀល ថ្ងៃទី១៩ ខែ ឧសភា ឆ្នាំ២០១៥ ខណៈជនរងគ្រោះ កំពុងជិៈម៉ូតូ យកបាយទៅឲ្យកម្មករ ធ្វើចំការរបស់លោក ពេជ្រ រិទ្ធ ស្ថិតនៅ ភូមិឡែកឃុំលំជ័រ ស្រុកអូរយ៉ាដាវ ធ្វើឲ្យមានការ ភ្ញាក់ផ្អើល ដល់កម្មករ ដែលកំពុងធ្វើការក្នុងចំការ នោះរត់ មកមើលហើយ ក៏បានរាយការណ៍ជូនសមត្ថកិច្ចតែម្តង ។</span></p>
<p><span style="color: #000000;">បើតាមលោក ងយ ដន អធិការរង ទទួលបន្ទុកយុត្តិធម៌ ប្រាប់ឲ្យដឹងថា ជនរងគ្រោះពិតជាស្លាប់ ដោយ សាររន្ទះ បាញ់ប្រាកដមែន។</span></p>
<p><span style="color: #000000;">លោកបន្តថា តាមការពិនិត្យស្លាកស្នាម របួសនេះ ដោយសារជនរង គ្រោះដាក់ទូរស័ព្ទសៀត នៅនឹងចង្កេះ ព្រោះរន្ទះបាញ់ ចំចង្កេះបណ្តាលឲ្យខ្ទេចទូរស័ព្ទ ខណៈកំពុងជិះម៉ូតូកាត់ភ្លៀងបើកថ្ងៃ។</span></p>
<p><span style="color: #000000;">លោក ងយ ដន បានបញ្ជាក់ឲ្យដឹងទៀតថា យុវជនរងគ្រោះមាន ឈ្មោះ ប៊ូ សម្បត្តិ ហៅអាចាស់ អាយុ ២០ឆ្នាំ ជនជាតិខ្មែរ មានមុខរបរជាងម៉ូតូ មានទីលំនៅភូមិអ៊ុន ឃុំលំជ័រ ស្រុកអូរយ៉ាដាវ ខេត្តរតនគិរី ។</span></p>
<p><span style="color: #000000;">បន្ទាប់ពីធ្វើការត្រួតពិនិត្យ រួចសាកសពជនរងគ្រោះ សមត្ថកិច្ចក៏បានប្រគល់ ជូនក្រុមគ្រួសារ យកទៅ ធ្វើបុណ្យ តាមប្រពៃណីខ្មែរ ដោយសេចក្តីទុក្ខសោក ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/20/5-20-2015-3-00-13-pm-20-05-2015--15-05-41.png"><span style="color: #000000;"><img src="/FileManager/Articles/mce/2015/5/20/5-20-2015-3-00-13-pm-20-05-2015--15-05-41.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/5/20/5-20-2015-3-00-25-pm-20-05-2015--15-05-52.png"><span style="color: #000000;"><img src="/FileManager/Articles/mce/2015/5/20/5-20-2015-3-00-25-pm-20-05-2015--15-05-52.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>