<div class="article-content">
<p class="msg Nth"><strong>ភ្នំពេញៈ</strong> ពលរដ្ឋអាម៉េរិកាំងម្នាក់ ដែលត្រូវបានបញ្ជូន មកកាន់មន្ទីរសង្គមកិច្ច រាជធានីភ្នំពេញ <br />បន្ទាប់ពីបានដើរស្រាត តាមដងផ្លូ វក្នុងសង្កាត់ទន្លេបាសាក់ ខណ្ឌចំការមន នាល្ងាចថ្ងៃទី១៣ <br />ខែ តុលា ឆ្នាំ២០១៣ កន្លងមកនេះ ត្រូវបានស្ថានទូតអាម៉េរិក មកទទួល ដើម្បីរៀបចំឯកសារ<br /> ត្រឡប់ ទៅស្រុកកំណើតវិញ ។</p>
<p class="msg Nth">ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា រាជធានីភ្នំពេញ លោក សន សុផល <br />បានថ្លែងឲ្យដឹងថា នៅម៉ោងប្រមាណ៦ ល្ងាចថ្ងៃទី១៤ ខែតុលា ម្សិលមិញនេះ តំណាងស្ថាន ទូត<br />អាម៉េរិកំាង បានមកទទួលពលរដ្ឋរបស់ខ្លួន ដែលបានដើរស្រាត អុកឡុកពេញដងផ្លូវ ក្នុង មូល<br />ដ្ឋានសង្កាត់ទន្លេបាសាក់ ពីមន្ទីរសង្គមកិច្ចត្រឡប់ទៅវិញហើយ ។</p>
<p class="msg Nth">លោក សន សុផល បានថ្លែងបន្តទៀតថា តំណាងស្ថានទូតអាម៉េរិកាំង បានបញ្ជាក់ថា ពួកគេ នឹង<br />យកពលរដ្ឋរបស់ខ្លួន ទៅធ្វើការអប់រំបន្ត ហើយធានាថា និងធ្វើការព្យាបាល រួចរៀបចំ ឯកសារ តាម<br />ផ្លូវច្បាប់បញ្ជូន ទៅកាន់ប្រទេសកំណើតវិញ ។</p>
<p class="msg Nth">សូមបញ្ជាក់ថា នៅល្ងាចថ្ងៃទី១៣ ខែតុលា ឆ្នាំ២០១៣ ពលរដ្ឋអាម៉េរិកាំងម្នាក់ ឈ្មោះ ទីម៉ូធី រ៉ូសេន<br />ប៊ែក (Timothy Rosenberg) អាយុ២២ ឆ្នាំ ជាជនអានាថាវិបល្លស ស្មារតី បានដើរអុកឡុក និងបង្ក<br />ភាពរញ៉េរញ៉ៃតាមទីសាធារណៈ ក្នុងសង្កាត់ទន្លេបាសាក់ ត្រូវបានក្រុមអាជ្ញាធរ ចាប់ បញ្ជូនមកកាន់<br />មន្ទីរសង្គមកិច្ច រាជធានីភ្នំពេញ ដើម្បីធ្វើការអប់រំ បន្ទាប់រំលងបានមួយថ្ងៃ ខាង ស្ថានទូត ក៏បានមក<br />ទំនាក់ទំនង ទទួលពលរដ្ឋរបស់ខ្លួន ដើម្បីស្វែងរកក្រុមគ្រួសារ ហើយបញ្ជូនត្រឡប់ទៅវិញ ក្នុងនោះ<br />ដែរ ខាងមន្ទីរសង្គមកិច្ច ក៏បានប្រគល់សម្ភារទូរស័ព្ទដៃ១ គ្រឿងម៉ាក Iphone ពណ៌ស ឲ្យលោក <br />ថោយ អាំយ រ៉ីត (Toy I Reid) ផ្នែកកុងស៊ុល របស់ស្ថានទូតអាម៉េរិក ផងដែរ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/October/id-014/that-0203.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>