<p><strong>ភ្នំពេញ៖</strong> អតីតអ្នកចម្រៀងសំឡេងរ៉ៃកណ្តឹង ពៅ បញ្ញាពេជ្រ ដែល ត្រូវបានឃាតកមិនស្គាល់មុខ<br />បាញ់ប្រហារទៅលើរូបនាង កាលពីឆ្នាំ២០០៧ ធ្វើឱ្យរងរបួសយ៉ាងធ្ងន់ធ្ងរកន្លងទៅនោះ រហូតមក<br />ដល់ពេលនេះ នាងមានសង្ឃឹមជាសះស្បើយច្រើន ទាំងកាយសម្បទា និងសុខភាព ដែលពេល<br />នេះ នាងអាចលេងអិនធឺណិតបានដែលអាចឆ្លងឆ្លើយជាមួយមិត្តភក្តិ នៅតាមហ្វេសប៊ុកទៀតផង <br />ខណៈកំពុងដេកសម្រាកព្យាបាលនៅប្រទេសថៃ។</p>
<p><a class="thickbox" title="" href="/FileManager/Commons/2012/9/28/25-28-09-2012--10-46-34.jpg"><img src="/FileManager/Articles/mce/2012/9/28/25-28-09-2012--10-46-34.jpg" alt="" width="490" height="285" /></a></p>
<p>បើទោះបីជាពេលនេះ ស្ថានភាព ពៅ បញ្ញាពេជ្រ នៅតែជិះលើរទេះរុញ មិនទាន់អាចដើររួចនៅ<br />ឡើយ ប៉ុន្តែអាការរបួសរបស់នាងមានសង្ឃឹមជាសះស្បើយច្រើនហើយ ដោយអាចអង្គុយលេង<br />អ៊ិនធឺណេតបាន ដែលអាចឆ្លើយឆ្លងជាមួយមិត្តភក្តិ នៅតាមហ្វេសប៊ុក ពិសេសមិត្តភក្តិ ដែលជា<br />តារាសិល្បៈនៅស្រុកខ្មែរ ។ ពៅ បញ្ញាពេជ្រ បានសរសេរលើហ្វេសប៊ុករបស់នាងថា នាងមាន<br />សុខភាពល្អធម្មតាទេ ប៉ុន្តែរបួសនាងអាចធ្វើទុកម្តងម្កាលនៅពេលអាកាសធាតុត្រជាក់ ។ នៅលើ<br />ហ្វេសប៊ុក ពៅ បញ្ញាពេជ្រ បានប្រាប់ថា សព្វថ្ងៃនាងកំពុងរៀនភាសាថៃចេះបានខ្លះៗហើយ ។ </p>
<p>កាលពីពេលថ្មីៗ កន្លងទៅបងស្រី ពៅ បញ្ញាពេជ្រ គឺ អ្នកស្រី ពៅ ច័ន្ទសុធារី ក៏ធ្លាប់បានប្រាប់<br />បណ្តាញព័ត៌មានក្នុងស្រុកថា កាលពីពេលថ្មីៗនេះ គាត់បានដឹងព័ត៌មានដ៏គួរឲ្យភ្ញាក់ផ្អើលមួយពី<br />ប្រទេសចិនថា នៅទីក្រុងប៉េកាំង មានមន្ទីរពេទ្យមួយ អាចព្យាបាលជំងឺខួរឆ្អឹងនេះបានហើយនេះ<br /> ក៏ជាក្តីសង្ឃឹមមួយដែលអាចឲ្យ ពៅ បញ្ញាពេជ្រ ជាសះស្បើយបាន និងក្លាយជាមនុស្សថ្មីម្នាក់<br /> ដែលអាចរួចផុតពីស្ថានភាពដូចសព្វថ្ងៃនេះ ដែលនាងបានត្រឹមតែជិះលើរទេះរុញប៉ុណ្ណោះ។ អ្នក<br />ស្រី ច័ន្ទសុធារី បន្តថា បញ្ហាចំពោះមុខដែលត្រូវដោះស្រាយនោះ គឺបញ្ហាថវិកា ព្រោះថ្នាំដែលគេ<br />អាចចាក់បង្កើតកោសិកាខួរឆ្អឹងបាននោះ វាមានតម្លៃថ្លៃណាស់ គឺមួយម្ជុលតម្លៃ ៣៥ ០០០ដុល្លារ<br />អាមេរិកឯណោះ។</p>
<p><a class="thickbox" title="" href="/FileManager/Commons/2012/9/28/20-28-09-2012--10-46-52.jpg"><img src="/FileManager/Articles/mce/2012/9/28/20-28-09-2012--10-46-52.jpg" alt="" width="489" height="324" /></a></p>
<p>អ្នកស្រីបាននិយាយថា៖«ការព្យាបាលនេះ ត្រូវចំណាយប្រាក់ច្រើនណាស់នេះជាបញ្ហាព្រោះយើង<br />មិនដឹងត្រូវចាក់អស់ប៉ុន្មាន នោះទេ»។ សូមធ្វើការអំពាវនាវចំពោះទស្សនិកជន និងសប្បុរសជន<br />ទាំងក្នុង និងក្រៅប្រទេស សូមមេត្តាចូលរួមជាវិភាគទាន ដើម្បីជួយរំលែក និងសម្រាលទុក្ខស<br />ម្រាប់ការព្យាបាលតារាចម្រៀងអភ័ព្វ រូបនេះ តាមសទ្ធា និងតាមការគួរផងចុះ។</p>
<p>គួររំលឹកថា អតីតអ្នកចម្រៀងកញ្ញា ពៅ បញ្ញាពេជ្រ បន្ទាប់ពីនាងបានចូលប្រឡូកនៅក្នុងវិស័យសិ<br />ល្បៈអ្នកចម្រៀងរយៈពេល៧ឆ្នាំ ធ្វើឱ្យនាងមានកេរ្តិ៍ឈ្មោះល្បីល្បាញ ហើយទស្សនិកជនតែងគាំទ្រ<br />ដល់តារាចម្រៀងស្រគត់ស្រគំ ដែលមានសំឡេងស្រួយស្រេះរូបនេះ ប៉ុន្តែជាអកុសលនាងត្រូវបាន<br />ខ្មាន់កាំភ្លើង មិនស្គាល់អត្តសញ្ញាណបាញ់ប្រហារទៅលើរូបនាងយ៉ាងសាហាវ កាលពីថ្ងៃទី ២៣ ខែ<br />កុម្ភៈ ឆ្នាំ២០០៧ នៅវេលាម៉ោង៦ និង២០នាទីព្រឹក មុខសាលាឡែត ក្បែររបងក្រសួងឧស្សាហកម្មរ៉ែ<br /> និងថាមពល បណ្ដាលឲ្យតារា រូបនេះទទួលរងរបួសយ៉ាងធ្ងន់ធ្ងរ។ ក្រោយទទួលរងការបាញ់ប្រហារ<br />នេះពៅ បញ្ញាពេជ្រ ត្រូវបានបញ្ជូនទៅព្យាបាលនៅប្រទេសវៀតណាម បន្ទាប់មកបានបញ្ជូនបន្តទៅ<br />កាន់ប្រទេសថៃ ហើយសំងំព្យាបាលនៅទីនោះ ដែលមកទល់នឹងពេលនេះ នាងបានក្លាយជាជនពិ<br />ការដេក នៅលើគ្រែចំនួន៥ឆ្នាំទៅហើយ ទើបតែពេលនេះទេ ដែលសញ្ញាវិជ្ជមាន ដែលនាងបាន<br />ប្រាប់អាការៈរបស់នាង នៅតាមបណ្តាញសង្គម ដែលហៅថាហ្វេសប៊ុកនោះថា ស្ថានភាពរបស់នាង<br />បានសះស្បើយច្រើនហើយ បើទោះជានៅមិនទាន់អាចដើរបានក៏ដោយ ប៉ុន្តែនាងអាចអង្គុយលេង<br />អ៊ិនធឺណេតបាន ដើម្បីកែអផ្សុក៕</p>
<p style="text-align: right;">ដោយ ៖ ពិសី<br />ប្រភព ៖ សារព័ត៌មានក្នុងស្រុក ksmc</p>