<div class="article-content">
<p><strong>ភ្នំពេញ ៖</strong> ហេតុការណ៍ ដ៏រន្ធត់ ដែលធ្វើឲ្យបងប្អូន ប្រជាពលរដ្ឋ មានស្ងើចសរសើរដល់សំណាង<br />នៃជីវិតរបស់ យុវជនម្នាក់ បានបើកបរថយន្ត ឡិចស៊ីស RX 300 ក្នុងល្បឿនយ៉ាងលឿន ហើយ<br />ជ្រុលបុក ចូលរបងការដ្ឋាន សំណង់មួយ កន្លែងស្ថិត នៅចំណុចផ្លូវលេខ ១៩៣ កែងផ្លូវលេខ <br />៤៧៤ សង្កាត់ផ្សារដើមថ្កូវ ខណ្ឌចំការមន កាលពីវេលាម៉ោង ២២នឹង ៤០ នាទីយប់ថ្ងៃទី ២៩ ខែ<br />មីនា ឆ្នាំ ២០១៣ ដែលបណ្តាលឲ្យ រថយន្តក្រឡាប់ផ្ងារ ជើងទាំងកំរោលតែម្តង តែអ្នកបើករថយន្ត<br />មិនស្លាប់នោះ។</p>
<p>នគរបាលមូលដ្ឋាន បានឲ្យដឹងថា មុនពេលកើត ហេតុសាក្សីបានឃើញ បុរសម្នាក់វ័យជាង ២០ឆ្នាំ<br /> ទំនង ជាស្រវឹងស្រា បានបើករថយន្ត មួយគ្រឿងម៉ាកឡិចស៊ីស RX 300 ពណ៌ស ពាក់ស្លាកលេខ <br />ភ្នំពេញ 2I-8648 ក្នុងទិសដៅពីកើតទៅលិចតាមបណ្តោយ ផ្លូវលេខ ៤៧៤ ដោយបានបើកយ៉ាង<br />លឿន ខណៈមកដល់ ផ្លូវកែង ទាញចង្កូតបានបត់ទៅខាងឆ្វេង ដៃមិនទាន់ក៏ជ្រុលទៅមុខបុក ចូល<br />របងការដ្ឋាន សំណង់ ហើយខ្ទាតក្រឡាប់ផ្ងារ ជើងទ្រមេឃទាំង កំរោលតែម្តង ។</p>
<p>ប្រភពដដែលបានបន្តថា ក្រោយពីកើតហេតុគេសង្កេតឃើញ បុរសម្នាក់បានលូនចេញពីក្នុងរថយន្ត<br />គួរឲ្យអាណិតបំផុត ដោយខ្លួនរបស់គេប្រឡាក់ដោយ ឈាមបែកក្បាល ប៉ុន្តែមើលទៅរងរបួសស្រាល<br />ល្មម មិនធ្ងន់ធ្ងរណាស់ណាទេ ចំណែករថយន្តបង្ក ហេតុត្រូវរងការខូចខាត ស្ទើរទាំងស្រុងតែម្តង <br />ហើយរបង ការដ្ឋានក៏ត្រូវរងការ ខូចខាតមួយ ផ្នែកផងដែរ ។</p>
<p>បន្ទាប់ពីកើតហេតុនោះ នគរបាលចរាចរខណ្ឌចំការមនបានចុះមក អន្តរាគមន៍ដល់ចំណុច កើតហេតុ<br />ដែរ ប៉ុន្តែដោយភាគីទាំងសងខាងចរចាគ្នាមិនត្រូវ សមត្ថកិច្ចក៏សម្រេចសហការ ជាមួយនគរបាល<br />ជំនាញ ចុះមកវាស់វែង អូសយកទៅរក្សាទុកនៅ ការិយាល័យចរាចរណ៍ជើងគោក រាជធានីភ្នំពេញ ដើម្បីរងចាំដោះស្រាយតាមនីតិវិធីច្បាប់ ។</p>
<p>សមត្ថកិច្ចបានបញ្ជាក់ថា គ្រោះថ្នាក់ចរាចរណ៍នេះបង្កឡើងដោយសារអ្នកបើកបរស្ថិតក្នុងស្ថានភាព<br />ស្រវឹង ស្រាហើយបើកលឿនពេក ទើបបង្កឲ្យមានបញ្ហាបែបនេះតែម្តងទៅ ៕</p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0386.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0387.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0388.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>