<p><span style="color: #000000;"><strong>ភ្នំពេញ៖</strong> លោក គឹម ហ៊ាង ប្រធានក្រុមហ៊ុនខ្មែររៀលអ៉ីស្ទេត បានជាប់ឆ្នោតជា ប្រធានសមាគមអ្នកវាយតម្លៃ និងភ្នាក់ងារអចលនទ្រព្យនៅកម្ពុជា នៅរសៀលថ្ងៃទី២៥ ខែកញ្ញា ឆ្នាំ២០១៥នេះ ជំនួស លោក សុខ ប៊ុន អតីតប្រធានសមាគមនេះ ដែលកំពុងជាប់ពន្ធនាគារ ដោយសារតែបង្កហិង្សាលើពិធីការិនី កញ្ញា សាសា នាពេលកន្លងទៅ។</span></p>
<p><span style="color: #000000;">ការបោះឆ្នោតជ្រើសរើសប្រធានថ្មី ត្រូវបានធ្វើឡើងនៅក្នុង មហាសន្និបាតវិសាមញ្ញ សមាគមអ្នកវាយតម្លៃ និងភ្នាក់ងារអចលនទ្រព្យនៅកម្ពុជា (CVEA) ត្រូវបានធ្វើឡើងនៅក្នុងសណ្ឋាគារកាំបូឌីយ៉ាណា នៅរសៀលថ្ងៃទី២៥ ខែកញ្ញានេះ ដោយមានការចូលរួមពីសមាជិក និងតំណាងក្រុមហ៊ុនអចលនទ្រព្យ ប្រមាណ៥០ក្រុមហ៊ុនមួយចំនួន។</span></p>
<p><span style="color: #000000;">លោក គឹម ហ៊ាង បានឈ្នះការបោះឆ្នោត ដោយទទួលបានសំឡេងពីសមាជិកចំនួន ១៨សំឡេងច្រើនជាង ក្នុងចំណោមបេក្ខភាព៤នាក់ ផ្សេងទៀត ដែលមានលោកឧកញ៉ា ចេង ខេង ទទួលបាន១០សំឡេង, លោក ច្រឹក សុខនីម ទទួលបាន៧សំឡេង, លោក សន សៀប ទទួលបាន៩ សំឡេង និងលោក វ៉ា វីរៈ ទទួលបាន៤សំឡេង។</span></p>
<p><span style="color: #000000;">សូមជម្រាបថា អតីតប្រធានសមាគមអ្នកវាយតម្លៃអចលនទ្រព្យ លោក សុខ ប៊ុន ដែលកំពុងជាប់ពន្ធនាគារ បានដឹកនាំសមាគមមួយនេះ ត្រឹមតែកន្លះឆ្នាំប៉ុណ្ណោះ រួចក៏ជួបរឿងអកុសលតែម្តង។ ដូច្នេះ លោក គឹម ហ៊ាន ដែលជាប្រធានថ្មីនេះ ត្រូវបន្តដឹកនាំសមាគមរយៈពេលត្រឹមតែ ១ឆ្នាំកន្លះប៉ុណ្ណោះ ។</span></p>
<p><span style="color: #000000;">ប្រធានសមាគម លោក គីម ហ៊ាង បានអះអាងថា ខ្លួនបន្តដឹកនាំសមាគមអ្នក វាយតម្លៃអចលនទ្រព្យនេះ ឲ្យបានល្អ ប្រកបដោយសាមគ្គីភាព រវាងសមាជិកទាំងអស់ ដោយប្រកាន់នូវគោលការរីកចម្រើនទាំងគ្នា ហើយពិសេសជាងនេះ ត្រៀមខ្លួនសម្រាប់ការប្រកួតប្រជែង នៅអាស៊ាន នាពេលខាងមុខនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/26/9-26-2015-8-13-59-am-26-09-2015--08-20-21.png"><span style="color: #000000;"><img src="/FileManager/Articles/mce/2015/9/26/9-26-2015-8-13-59-am-26-09-2015--08-20-21.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>