<p><strong>ភ្នំពេញ៖</strong> តារាសម្តែង និងជាពិធីការិនី ក្នុងកម្មវិធី "រាត្រីកំសាន្ត" របស់បណ្តាញស្ថានីយ ទូរស្សន៍CTN កញ្ញា គង់ វង្សយ៉ាទី ថ្មីៗនេះ មានការលួចបង្ហើបថា នាងមានខ្នងបុរស ជាបង្អែកម្នាក់ បានរួមចំណែកជ្រោមជ្រែង ការងារសិល្បៈ ឲ្យនាង បានល្បីឈ្មោះរហូតដល់ បច្ចុប្បន្ន និងធ្វើឲ្យអ្នកនៅក្បែរខ្លួន មិនហ៊ានប៉ះពាល់។</p>
<p>បើតាមប្រភព ពីរង្វង់អ្នកសិល្បៈ បាននិយាយខ្សឹបខ្សៀវគ្នាថា ការល្បីឈ្មោះរបស់ សម្តែងរាង តូចច្រឡឹង កញ្ញា គង់ វង្សយ៉ាទី មកដល់សព្វថ្ងៃនេះ ដោយសារតែនាងមាន ទេពកោសល្យ និងសមត្ថភាពសម្តែង។ មិនតែប៉ុណ្ណោះ តារាស្រី គង់ វង្សយ៉ាទី ក៏មានខ្នងបង្អែក សម្រាប់ជួយលើកតម្កើង ឲ្យមានភាពល្បីល្បាញ រហូតចូលខ្លួនគ្រងតំណែង ជាពិធី ការិនីក្នុង ទូរទស្សន៍ ដ៏ពេញនិយមមួយនេះ ទៀតផង។</p>
<p>ប្រភពបានបន្តថា បុរសដែលមានយសស័ក្តិធំ នៅពីក្រោយការល្បីរបស់កញ្ញា គង់ វង្សយ៉ាទី ម្នាក់នោះ គឺមានការ រាប់អានជិតដិត ជាមួយនឹងនាង តែអ្នកខ្លះសង្ស័យថា បុរសខាងលើអាចជាម្ចាស់ បេះដូងរបស់ យ៉ាទី ក៏ថាបាន។ ម្យ៉ាងទៀតបុរសរូបនេះ ក៏ជាអ្នករួមចំណែកជ្រោមជ្រែង ការងារជាពិធីការិនី របស់នាង ក្នុងកម្មវិធី "រាត្រីកំសាន្ត" នៃស្ថានីយទូរទស្សន៍ CTN។</p>
<p>ទន្ទឹមនឹងគ្នានេះក៏មានប្រភពខ្លះ លើកឡើងថា យ៉ាទី តែងទទួលបានការយកចិត្ត ទុកដាក់ និងផ្តល់កម្លាំងចិត្តជា ពិសេស ខណៈការងាររបស់នាង មានភាពខ្វះចន្លោះត្រង់ចំណុច ណាមួយនោះ។ ចំណែក អ្នកសិល្បៈរួមអាជីព ក៏ហាក់ដូចជាមិនសូវ ហ៊ាននិយាយស្តី ប៉ះពាល់ដល់នាងដែរ។ គង់ វង្សយ៉ាទី ជាអ្នកសិល្បៈ ដ៏មានសំណាងម្នាក់ អាចឈរជើងរឹងមាំ ក្នុងកិច្ចការដែល នាងមិនសូវ មានភាពប៉ិនប្រសព្វដូចការសម្តែង ។</p>
<p>នៅរសៀល ថ្ងៃទី៣១ ខែមីនា ឆ្នាំ២០១៤ នេះគេហទំព័រ LookingTODAY មិនទាន់អាចទំនាក់ទំនង ដើម្បីសុំការ បកស្រាយ ពីកញ្ញា គង់ វង្សយ៉ាទី បាននៅឡើយទេ។ ដូច្នេះLookingTODAYសង្ឃឹមថា តារាសម្តែងដែលកំពុង ទាញបាន ភាពល្បីល្បាញ និង មានប្រជាប្រិយភាព កញ្ញា គង់ វង្សយ៉ាទី នឹងចេញមុខបក ស្រាយឲ្យមហាជន បានដឹងការពិត នៅពេលក្រោយ ៕</p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/March/id-078/Layl-020.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/March/id-078/Layl-021.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/March/id-078/Layl-022.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/March/id-078/Layl-023.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/March/id-078/Layl-024.jpg" alt="www.lookingtoday.com" width="500" /></p>
<p style="text-align: right;"><a href="http://www.lookingtoday.com/index.php/entertainment-general-news/29065----ctn---.html" target="_blank">ផ្តល់សិទ្ធដោយ ៖ ដើមអម្ពិល</a></p>