<div id="ja-mainbody" class="column">
<div id="ja-main" class="column">
<div class="inner clearfix">
<div id="ja-contentwrap">
<div id="ja-content" class="column">
<div id="ja-current-content" class="column">
<div class="ja-content-main">
<div class="article-content">
<p><strong>ក្រចេះ៖</strong> រោងអង្គុយកម្សាន្តនៅរមណីយដ្ឋានជួរ ព្រែកកាំពី បានដួលរលំបណ្តាលឲ្យភ្ញៀវធ្លាក់ឈ្លក់ទឹកគ្រប់គ្នា សំ ណាងល្អគ្មានអ្នករងរបួសនោះទេ តែបាត់សម្ភារៈលុយកាក ទូរស័ព្ទស៊េរីទំនើបៗ អាយភេត និងខូចខាតមួយចំនួន ទៀត។ ម្ចាស់រោងលំហែកាយព្រមផ្តល់សំណងជូនភ្ញៀវវិញ ៧៥០ដុល្លារ បញ្ចប់បញ្ហា។</p>
<p>លោក អ៊ុន ហយ មេប៉ុស្តិ៍ឃុំសំបុក និងជាគណៈកម្មការរមណីយដ្ឋានទឹកជួរព្រែកកាំពីផងដែរនោះ បានថ្លែងប្រាប់ មជ្ឈមណ្ឌលព័ត៌មានដើមអម្ពិលនៅថ្ងៃទី១៦ ខែឧសភា ឆ្នាំ២០១៤ថា ហេតុការណ៍រលំរោងលំហែកាយ បានកើតឡើងកាលពីរសៀលថ្ងៃទី១៥ ខែឧសភា។</p>
<p>លោក អ៊ុន ហយ បានបន្តថា នៅមុនពេលកើតហេតុ មានភ្ញៀវទេសចរធ្វើដំណើរពីរាជធានីភ្នំពេញ រួមមាននិស្សិត និងអ្នកទេសចរលក្ខណៈគ្រួសារ ប្រមាណជា ៣០នាក់ បានទៅជួលរោងនៅរមណីយដ្ឋានទឹកជួរព្រែកកាំពីអង្គុយ កម្សាន្តលំហែកាយ។ ខណៈកំពុងអង្គុយកម្សាន្ត គ្រាដែលម្ហូបអាហារបញ្ជាទិញមិនទាន់នឹងឆ្អិនបានហូបផង ស្រាប់ តែរោងរលំដួលធ្វើឲ្យភ្ញៀវធ្លាក់ទឹកគ្រប់ៗគ្នា ខានទាំងហូបអាហារ រំខានទាំងអារម្មណ៍សប្បាយរីករាយថែមទៀត។</p>
<p>លោកមេប៉ុស្តិ៍បន្តថា ហេតុការណ៍រលំរោងនៅរមនីយដ្ឋានដ៏មានប្រជាប្រិយភាពលើទឹកខេត្តក្រចេះ សម្រាប់ការ អង្គុយលំហែកាយនេះ មិនបណ្តាលឲ្យរងគ្រោះថ្នាក់ដល់ភ្ញៀវទេសចរនោះទេ តែបានធ្វើឲ្យសម្ភារៈមួយចំនួនធំ រួម មានទូរស័ព្ទដៃស៊េរីទំនើបៗ អាយភេត លុយកាក់ និងសម្ភារៈជាច្រើនផ្សេងទៀត បានបាត់បង់ និងខូចខាត។</p>
<p>ទោះបីជាយ៉ាងណាទ្រព្យសម្បត្តិ ដែលខូចខាត និងបាត់បង់នោះ ម្ចាស់រោងបានយល់ព្រមទូទាត់សងសំណងទៅ ក្រុមអ្នកទេសចរចំនួន ៧៥០ដុល្លារ ដើម្បីបញ្ចប់បញ្ហា។</p>
<p>លោក អ៊ុន ហយ បានបញ្ជាក់ថា ការដួលរលំរោងបណ្តាលមកពីការសាងសង់របស់ក្រុមអាជីវករមិនបានរឹងមាំ ការ បោះជើងតាងលើថ្មខ្វះការប្រុងប្រយ័ត្ន ហើយនៅពេលភ្ញៀវទៅអង្គុយកម្សាន្តយោលអង្រឹងខ្លាំង ធ្វើឲ្យញ័ររញ្ជួញរលើងជើងតាងដួលរលំរោងតែម្តងទៅ។</p>
<p>ទោះបីជាយ៉ាងណា ដើម្បីពង្រឹងសេវា និងសុវត្ថិភាពជូនភ្ញៀវទេសចរទៅអង្គុយកម្សាន្តនោះ លោក អ៊ុន ហយ ក្នុង នាមជាគណៈកម្មការរមណីយដ្ឋាននេះ បានអំពាវនាវ និងជម្រាបទៅក្រុមអាជីវករឲ្យពង្រឹងនូវបច្ចេកទេសសាងសង់ រោងឲ្យជាប់ល្អថែមទៀត បង្កាកុំឲ្យមានរឿងបែបនេះបន្តទៀត។</p>
<p>បើតាមប្រជាពលរដ្ឋនៅភូមិព្រែកកាំពិ បានបញ្ជាក់ថា រោងលំហែកាយនៅតំបន់រមណីយដ្ឋានទឹកជួរព្រែកកាំពី បាន រលំដួលស្ទើររាល់ឆ្នាំ តែមិនដែលបង្កឲ្យគ្រោះថ្នាក់ដល់អាយុជីវិត ឬរងរបួសអ្វីដល់ភ្ញៀវនោះឡើយ ដោយសារទឹក នៅទីនោះរាក់ៗ គឺបណ្តាលឲ្យបាត់បង់ និងខូចខាតរបស់របរជាប់តាមខ្លួនតែប៉ុណ្ណោះ។</p>
<p>ដោយមើលឃើញថា រមណីយដ្ឋានទឹកជួរព្រែកាំពី បានចូលជាប្រយោជន៍ដ៏សំខាន់សម្រាប់រុញច្រានជីវភាពប្រជា ពលរដ្ឋក្នុងខេត្តក្រចេះ និងអ្នកនៅជុំវិញតំបន់រមណីយដ្ឋានឲ្យកាន់តែប្រសើរនោះ ក្រុមប្រជាពលរដ្ឋ បានអំពាវនាវ ឲ្យថ្នាក់ដឹកនាំខេត្តក្រចេះ ជាពិសេសប្រធានមន្ទីរទេសចរណ៍ខេត្ត គួរតែបង្កើននូវការទទួលខុសត្រូវឲ្យបានខ្ពស់ និង រិះរកនូវវិធីសាស្រ្តផ្សេងៗ ពង្រឹងការសាងសង់រោងឲ្យបានរឹងមាំ ក៏ដូចជាពង្រឹងសេវាកម្មផ្សេងៗឲ្យបាន់កាន់តែ ប្រសើរជាងនេះ។</p>
<p>បើបន្តនូវសភាពបែបនេះទៀត វាអាចធ្វើឲ្យអ្នកទេសចរ ដែលធ្លាប់ទៅកម្សាន្តយ៉ាងភ្លូកទឹកភ្លូកដីកើតមានអារម្មណ៍ ក្លាចរអា និងឈប់ទៅកម្សាន្តទៅកម្សាន្ត នាំឲ្យបាត់ប្រយោជន៍សម្រាប់ពលរដ្ឋក្នុងខេត្តក្រចេះ ដែលភាគច្រើនធ្លាប់ មានជីវភាពយ៉ាប់យឺននោះ៕</p>
<p><object width="483" height="416" data="http://www.youtube.com/v/-LgYF3p6NRs&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/-LgYF3p6NRs&rel=1" /></object></p>
<p><img src="http://image.dap-news.com:81/dap-news/dap-images/2014/May/id-009/ST-042.jpg" alt="" width="550" /></p>
<p><img src="http://image.dap-news.com:81/dap-news/dap-images/2014/May/id-009/ST-043.jpg" alt="" width="550" /></p>
</div>
</div>
<div class="ja-content-bottom clearfix" style="text-align: right;">ផ្តល់សិទ្ធិដោយ៖ ដើមអម្ពិល</div>
</div>
</div>
</div>
</div>
</div>
<div></div>
</div>
<div id="ja-right" class="column sidebar">
<div class="ja-mass ja-mass-bottom clearfix">
<div id="Mod638" class="moduletable"><span class="badge"> </span>
<div class="ja-box-ct clearfix">
<div></div>
</div>
</div>
<div id="Mod1020" class="moduletable"><span class="badge"> </span>
<div class="ja-box-ct clearfix"></div>
</div>
<div id="Mod424" class="moduletable"><span class="badge"> </span>
<div class="ja-box-ct clearfix"></div>
</div>
<div id="Mod968" class="moduletable"><span class="badge"> </span>
<div class="ja-box-ct clearfix"></div>
</div>
<div id="Mod927" class="moduletable"><span class="badge"> </span>
<div class="ja-box-ct clearfix"></div>
</div>
</div>
</div>