<p><strong>ភ្នំពេញៈ</strong> បន្ទាប់ពី លី ច័ន្ទសីហា បានបង្ហោះរូបថតរៀបការជាច្រើនសន្លឹក នៅលើបណ្តាញ<br />ទំនាក់ទំនង សង្គម Facebook របស់នាង ធ្វើឲ្យទស្សនិកជនជាច្រើន មានការយល់ច្រឡំ ថា<br />នាងសម្ងំរៀបការស្ងាត់ៗ ពេលនេះ លី ច័ន្ទសីហា បានចេញមុខទទួលស្គាល់ថា នាងពិតជា<br />បានរៀបការពិតមែន កាលពីថ្ងៃទី១ ខែមិថុនា។</p>
<p>ថ្មីៗកន្លងទៅ តារាទឹកភ្នែកសម្បុរសស្រអែមសម្បូរសាច់ កញ្ញា លី ច័ន្ទសីហា បានធ្វើឲ្យ មហា<br />ជនដែលគាំទ្រនាងជាច្រើនមានការភ្ញាក់ផ្អើល ខណៈដែលនាងសម្ញែងរូបថត ក្នុងថ្ងៃរៀបការ<br />ជាច្រើន នៅលើ Facebook ជាមួយអ្នកសិល្បៈ រួមអាជីពម្នាក់ដោយទស្សនិកជនមាន ការងឿង<br />ឆ្ងល់ថា ហេតុអីគ្រាន់តែរៀបការចាំបាច់ លាក់លៀមស្ងាត់ៗធ្វើអី ឬក៏ខ្លាចគេដឹង ហើយធ្វើឲ្យ<br />ខ្លួនឯង ធ្លាក់ប្រជាប្រិយភាព។</p>
<p>ជួបជាមួយ LookingTODAY តាមទូរស័ព្ទ នៅថ្ងៃទី៥ ខែមិថុនា ឆ្នាំ២០១៣នេះថា តាមពិតរូបថត<br />ស្លៀករ៉ូបរៀបការជាមួយលោក ឃូល នោះ គឺនាងជានាងបង្ហោះ នៅលើFacebook ហើយនៅ<br />ថ្ងៃទី១ខែមិថុនា គឺជាថ្ងៃរៀបមង្គលការរបស់ពួកនាង ទាំងពីរនាក់ ។ តែមិនមែនជាការពិតនោះ<br />ទេ គ្រាន់តែជាឈុតឆាក ក្នុងការសម្តែងកាយវិការខារ៉ាអូខេ ប៉ុណ្ណោះ។</p>
<p>តារាសម្តែងតួកំសត់ចង្កាស្រួច វ័យជាង២០ឆ្នាំ លី ច័ន្ទសីហា បានប្រាប់ឲ្យដឹងថា "នៅថ្ងៃនោះ <br />ខ្ញុំបាន ទៅថតឈុតខា រ៉ាអូខេមួយ ឲ្យខាងផលិតកម្ម ថោន ក្នុងបទចម្រៀង “ស្រា៤កែវ” ស្រប<br />ពេលក្នុងឈុតសម្តែងនោះ គេ តម្រូវឲ្យខ្ញុំរៀបការក្លាយជាកូនក្រមុំរបស់ លោក ឃូល ក្រោយ<br />ពីតែងខ្លួនរួច ខ្ញុំក៏ថតរូបបង្ហោះ Facebook លេងមិនដឹងថា ធ្វើឲ្យទស្សនិកជន មានការយល់<br />ច្រឡំបែបនេះទេ"។</p>
<p>ជាមួយគ្នានេះដែរ កញ្ញា សីហា ក៏បានប្រាប់លាយឡំសំណើច បែបលាក់លៀមថា តាមពិត<br />ទៅពេលនេះ នាងក៏ចាប់ផ្តើម ចង់គិតពីរឿងរៀបការ មានគូស្រករ ក្នុងពេលឆាប់ដែរ ព្រោះ<br />នៅពេលដែលនាង ទៅចូលរួមពិធី មង្គលការរបស់មិត្តរួមអាជីព ឬក៏ភ្ញៀវកិត្តិយស របស់ហាង<br />សំអាងការនាងម្តងៗ នាង ឃើញកូនក្រមុំ ស្ទើរតែគ្រប់រោងការ ហាក់ដូចជាមានសុភមង្គល<br /> និងក្លាយជាកូនក្រមុំ ស្រស់ស្អាត ពិតជាចង់មានថ្ងៃនោះឆាប់ៗដូចគេ ។</p>
<p>លី ច័ន្ទសីហា និយាយ "តែខ្ញុំក៏មានការរារែងចិត្ត ដោយសារខ្ញុំខ្លាចថា នៅពេលដែលរៀបការ<br />រួច ខ្ញុំត្រូវឃ្លាតឆ្ងាយ ពីការងារសិល្បៈ ហើយជាពិសេស គឺគ្រួសារ ។ ធម្មតាទេ នៅពេលដែល<br />មនុស្សស្រី រៀបការរួច ស្ទើរតែគ្រប់គ្នា ត្រូវតែមាន គម្លាតឃ្លាតឆ្ងាយពីគ្រួសារ មិនដូចពេល<br />យើងនៅលីវទេ"។</p>
<p>នាងបានប្រាប់ឲ្យដឹងបន្ថែមទៀតថា អ៊ីចឹងហើយបានជានាង ចេះតែពន្យាពេលពី១ឆ្នាំ ទៅ១ឆ្នាំ<br /> មិនទាន់ចង់គិត ដោយចង់ទុកពេលសម្រាប់ការងារ ឲ្យមានលំនឹង សម្រាប់គ្រួសារសិន ម្យ៉ាង<br />ពេលនេះការងារ ក៏កំពុងតែកាក់កបដែរ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-092.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-093.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-052.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-055.jpg" alt="Looking Today" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>